سلام عليكم اخواتى فى الله
انا عندى مشكله او هى مش مشكله قوي بس عندى حلم عندى طموح وشغف انى ابقى ليه شغلى الخاص انا بعرف اصمم حلو أقوى هو تصميم دجتال بس لسه منفذتش حاجه على أرض الواقع حاولت كتير اتواصل مع شركات على الأقل اتوظف عن بعد يبقى اخذت خطوه فى مجالى
وأخذت كورسات فى التصميم رغم إني ارسم بالفطره بس مكانتش بترد خالص لان انا من قريه ارياف يعنى وانتو عارفين يعنى ايه ارياف غير ان انا بنت وحيد مليش اخوات بنات خالص اخواتى اللى الموجودين ولاد فاهلى خايفين عليه حتى إنهم منعوني انى اكمل تعليمى
خلصت ثانوى صنايع ورفضوا انى اكمل رغم أن كان مجموعى كبير قوي وجبت معهد مساحه حكومي بس رفضوا قلت ليهم أنى حابه اشتغل طيب ا هم قالو اشتغلى بس من البيت غير كده لا بحثت كتير على شغل كتير بس ملقتش غير كول سنتر اعمل دعايه اعمل تفريغ صوتى وشغل كتير وكل ما قدم على حاجه منهم يا إما ابقى مش طايق الشغلانه يا إما يحصل حاجه والدنيا توقف بس شغفى وحلمى انى افتح براند خاص بي انا
وعلى فكره انا بحب الكاتبه أقوى أقوى وكاتبه قصص وحاجات كتيره ومسلسل كامل بالإنجليزي واحد تانى كامل بلعربي وبكتب قصص كمان وعايزه اقولكم انه مقفولة فى وجهى قفله طين لدرجة انى كاتبة قصتين على منصه معينه وقلت الحمد الله اجيب فلوس أبدأ مشروعى غبت اسبوع واحد بس النت يدوب فصل اسبوع واحد فأنا مكونتش بدخل على المنصه بسبب عدم النت وشروط المنصه لم تلقى زيارة صاخب الصفحه منقطعه تمسح اى حاجه على الصفحه لم شحنت الباقه لقيتهم ماسكين الروايات اللى كاتبته من ساعتها وانا حاسه شويه واشد شعرى وقفلت خالص من كل حاجه اعمل ايه وقبل ما تقولو على حل محدش يقولى اشتغل شغل حر
بصي عمومًا الشغل من البيت أو خارج البيت كله محتاج صبر ومجهود، مفيش حاجة بتبتقى بالساهل وفرص العمل اللي هتلاقيها بتوعدك بالربح السريع كلها بتبقى نصب أو غير مشروعة. فيه أسئلة كتير هنا على فدني عن العمل الحر أو العمل من المنزل https://www.fedni.net/results?query=العمل%20من%20البيت ممكن تبحثي بالكلمات دي وهتلاقي نصائح واقتراحات كتير. ** حددي مهارة واحدة توظفيها، مينفعش تتشتتي بين أكتر من حاجة زي التصميم والكتابة مثلا لأنك هتحتاجي بالبداية تعطي كل تركيزك وانتاجك لتطوير المهارة عشان تقدري تنافسي بها. السوق مُشبع للأسف فلازم تتميزي وتثبتي جدارتك. فاختاري لو هتركزي على التصميم حاليًا أو على الكتابة... ولو اخترتِ تصميم شوفي هيكون تصميم إيه، شعارات، إعلانات ولا غيرها... لو كتابة هتركزي على كتابة إبداعية ولا كتابة محتوى مقالات ولا كتابة تسويقية وهكذا. ** اعملي حساب لينكدن مهم جدا وخلي لك شبكة علاقات للعاملين في نفس مجالك والقريبين منه ده بيساعد جدا وحاولي تجتهدي عليه في إنك تعرفي بنفسك ومهاراتك وخدماتك. ** متزعليش على قفل الموقع لرواياتك ممكن ده كان خير لكِ، ربنا وحده عارف الخير في أي طريق والشر في أي طريق. وعاوزة أنصحك نصيحة صغيرة بما إنك بتكتبي قصص وروايات، انتبهي للي بتقدميه من خلال قلمك وبتوصليه لقرائك لأن في النهاية احنا ككُتاب هنتحاسب على كتابتنا وإذا كنتِ هتدخلي مال من خلال الكتابة فده داعي أكبر لتحري الدقة والحلال والحرام. ** كملي بحث على التطبيق وخدي النصائح اللي تنفعك وإن شاء الله ربنا يرزقك من واسع فضله. بالتوفيق.
تم النشر الاثنين، ١٨ أغسطس ٢٠٢٥
وعليكم السلام ورحمة الله يا ملاك الغالية، أولاً، أحب أحييك على شجاعتك وطموحك الكبير رغم كل الظروف اللي حوليك. واضح جدًا عندك شغف حقيقي وحب للتصميم والكتابة، وهذا أصل الطريق نحو النجاح بإذن الله. خليني أساعدك ننظم معا خطوات عملية ممكن تبدأي فيها من البيت بمجهودك وبمواردك الحالية: تثبيت مهاراتك والتطوير المستمر: تستمري في أخذ كورسات أونلاين في التصميم والكتابة، يوجد مواقع كثيرة مجانية مثل: منصة كورسيرا (Coursera) موقع إدراك للدورات المجانية باللغة العربية قناة يوتيوب متخصصة في التصميم والكتابة بناء ملف أعمال (Portfolio): حتى لو لم تأخذي وظيفة أو مشروع رسمي، ابدئي بتصميم بعض الأعمال الصغيرة مجانًا أو لمبادرة شخصية، وصوريها كمعرض لعرض مهاراتك. هذا حيساعدك جدًا عندما تقدمي لأي فرصة عمل أو حتى تعرضيها على صفحات التواصل. استخدام الإنترنت والمنصات الحرة: الآن فيه منصات كثيرة تساعدك تعرضي أفكارك أو تصاميمك أو كتاباتك على العالم، مثل: منصات العمل الحر مثل مستقل وخمسات (للوكالات العربية) منصات كتب مثل "أمازون كيندل" لو حابة تنشري قصصك تذكري أن استقلالية الإنترنت وسهولة الدخول عليه رغم قطع النت أحيانًا تحتاج لتخطيط، ممكن تخزني أعمالك على الفلاش أو الكمبيوتر وتبعت نُسخ نهائية متى ما وصل الإنترنت. التوجه لعروض صغيرة وبناء الشبكة الاجتماعية: جربي تعملي صفحات على فيسبوك أو إنستجرام تعرضي فيها أعمالك الفنية والكتابية. شاركي في مجموعات فيسبوك المهتمة بالتصميم والكتابة، هذه المجموعات أحيانًا تعطي فرص عمل أو تحديات تصميم تحفزك. الاستفادة من المساعدة المتاحة: لأنك في قرية وأهلك قلقون عليك، حاولي تظهري لهم الجانب الإيجابي لشغلك عن بعد من البيت، وكيف سيمنحك فرصة تنمية ذاتك وكسب رزق يرضي الله. صبري على النقاش معهم وحاولي توصيلي إن طموحك مشروع ومفيد. استخدام الكتابة كوسيلة عرض وتواصل: ابدئي كتابة مدونة خاصة، أو حتى منشورات قصيرة على وسائل التواصل الاجتماعي تنشرين فيها قصصك وأفكارك. الكتابة تفتح مجالات كثيرة وتظهر شخصيتك بشكل مميز. الصبر وعدم الاستسلام: من التجارب اللي سمعتها، كثير من الناجحين واجهوا صعوبات مثل انقطاع الإنترنت أو رفض في البداية. المهم هو الاستمرار وعدم فقدان الأمل. وحتى لو شعرتي بالاحباط، اجعلي ذلك دفعة لحركة جديدة. مثلاً، خصصي وقت يومي لتحسين مهارة واحدة، هذا أفضل من ترك كل شيء بسبب مشكلة مؤقتة. لو حابة يمكنني أساعدك في تنسيق خطة مخصصة أكثر، أو أرشدك لكيف تدخلي على منصات معينة وأفضل الطرق للبدء، وأيضا ممكن أساعدك في البحث عن خبراء في مجال التصميم والكتابة في مجتمع فدني يقدروا يدلوك على خطوات متقدمة. أنصحك أيضًا تبحثي في فدني عن أسئلة وتجارب ناس مشابهة لقصتك، لأنها دائمًا مصدر إلهام ودعم. ملاك، أنت على بداية الطريق، ليست النهاية، وربنا يوفقك ويحقق لك حلمك في مشروعك الخاص بإذن الله. وإذا احتجتي أي دعم أو استشارة، أنا معاكِ دائمًا. هل تودين أن أساعدك في كيفية التسجيل في منصات العمل عن بعد أو تصميم ملف أعمال بسيط؟
تم النشر الاثنين، ١٨ أغسطس ٢٠٢٥
هي منصه خمسات فيها ميزه أن فيها ناس من كل مكان وشغل متاح او عايزه يكون ليكي شغل مستقل لازم حد يصمم ليكي موقع وتبدأي ترفعي عليه اعمالك بس لازم تعرفي علشان الناس تحب اعمالك لازم تشوف جزء من اعمالك سواء قصص أو أفلام أو رويات علشان تحب اعمالك وتثق فيها بعدين ترفعي الأعمال على الموقع بمبلغ مالي للي حابب يشتري
تم النشر الثلاثاء، ١٩ أغسطس ٢٠٢٥
أيوه تمام، هي عموما المنصات محتاجة تشتغلي كتير على نفسك وتعملي بورتفوليو قوي وتعرفي تسوقي لنفسك فبتبقى صعبة شوية... هل عندك حساب لينكدن طيب؟
تم النشر الاثنين، ١٨ أغسطس ٢٠٢٥
اقصد منصة الشغل الحر بيعينه زاى مستقل خمسات الحاجات الغبيه دى انا بكره مش اقدره اتقبله
تم النشر الاثنين، ١٨ أغسطس ٢٠٢٥
طيب ما هو الشغل الحر هو العمل من المنزل عبر الإنترنت.. ولا تقصدي إيه بالشغل الحر هنا؟ مش فريلانسر يعني؟
تم النشر الاثنين، ١٨ أغسطس ٢٠٢٥
لعرض السؤال في فدني اضغط هنا