السلام عليكم ورحمه الله وبركاته. وارد جدا ان الولد يكون اتعرض صدمه نفسيه ومش لازم صدمه نفسيه معناها ان يكون كان في خناقه كبيره او حاجه لا ممكن يكون موقف هو بالنسبه للطفل سبب له صدمه والصدمه دي تكون هي اللي على أثرها الطفل توقف عن تطور الكلام ممكن برده يكون لا قدر الله حصل له الصدمه دي تكون صدمه جسمانيه ممكن يكون سخن مره واحده او يكون سقع مره واحده الحاجات دي ممكن ما بتبانش عضويا من التحاليل والاشعاعات العاديه ولكن وارد ان هذه بتكون حصلت مش عارفه اذا كنت عرضتيه على دكتور مخ وأعصاب ولا لا اه ممكن عملتي حاجه يعني شفتي اذا كان في حاجه على المخ ولا لا بس لو معرفتوش على دكتور مخ واعصاب ممكن تعرضيه اتاكد من الموضوع ده واهتمي كده شويه بانك بتحاولي تركزي مع الولد ايه الحاجه اللي هو بيقف قدامها متنح علاقته بالناس القريبين هل علاقته بالناس القريبين اتغيرت او في حد كان بيحب اه ما بقاش بيحب وجوده يعني حد مثلا ممكن الجده او جده كانوا موجودين ولا قدر الله توفوا ممكن يكون اتاثر بعدم وجودهم الحاجات دي كثير قوي مواقف صغيره فعلا بتكون ادت للصدمه دي اللي خلته توقف عن تطور الكلام.
وديته لدكتور مخ واعصاب مفيس حاجه الحمد لله وهو كويس مع عائلته عادي بدايه الكلام كان بيبعد عن كل الناس وبعدين رجع عادي تاني خالص مش بيقف يتنح لحاجه هو عنيد جدا جدا وعصبي اووي وماشاء الله سمعه حلو مفيش مشكله
تم النشر الجمعة، ٢٧ يونيو ٢٠٢٥
لعرض الإجابة في فدني اضغط هنا