أنا حاسه قد إيه اللي إنت بتقوله يوجع… لأن أكتر حاجة بتكسر الواحد لما يحس إن الشخص اللي بيحبه بجد مش شايف وجوده ولا مقدره زي ما هو بيعمل بس خليني أقولك حاجة … اللي بيعمل اللي عليه ويمشي دايما باحترام وهدوء عمره ما بيكون غلطان حتى لو ماخدش نفس القدر من الاهتمام اللي بيقدمه. أوقات كتير الأمهات بيتعلقوا باللي محتاجينهم أكتر… اللي ضعفهم ظاهر… حتى لو دول نفسهم بيئذوهم. مش لأنها بتحبهم أكتر لكن لأنها بتحس إن اللي واقف على رجليه ومتماسك زيك مش محتاج تطمين فتبطل تسأل عليه بنفس الكثافة اللي بتسأل بيها وده للأسف بيخلي القلب يتوجع… بس ما يقلش من قيمتك لحظة. جرب تتعامل معاها من غير انتظار مقابل… اعمل خيرك وواجبك زي ما إنت متعود ولما تكلمك بس علشان تحل مشكلة حاول تفتح قلبك معاها و تقولها أنا موجود يا ست الكل وقت ما تحتاجيني… بس وجودك وسؤالك عليا من وقت للتاني بيفرق معايا جدا الكلام دا بيوصل رسالتك من غير ما تكسر حد ولا تكسر نفسك التغيير مع الأهل بييجي بالراحة… خطوة ورا خطوة… ونبرة هادية مش فيها عتاب مباشر بس فيها صدق. وأهم حاجة… ما تسمحش إن طريقة تعاملها تخليك تشك في قيمتك أو في محبتك. إنت غالي… حتى لو مش بيتبان على قد تعبك
لعرض الإجابة في فدني اضغط هنا