انا دلوقتي نتيجه الثانويه عامه ظهرت واسقط وشلت اربع مواد الحمد لله على كل شيء انا راضي بحكم ربنا والله واثق انها مش نهايه العالم ثانويه عامه مش كل حاجه لكن دلوقتي ابويا مصمم وحالف ان انا ما اكملش التعليم لدرجت النهارده الصبح سحب الورق بتاعي من المدرسه مع ان والله انا عملت اللي عليا ما كنتش بغيب ولا في درس وكنت بذاكر الليل والنهار بس ده قدري كده وانا راضي والله الحمد لله على كل شيء انا بس لو كنت عاوز حد يقول لي ايه المجالات اللي انا اقدر اخش اتعلم فيها وانجح فيها من دون شهاده اقدر امن بها مستقبلي واقدر اعوض بيها نقص مؤهل الدراسي اللي هيبقى عندي انا كده كده مش زعلان من ابويا والله ان انا كده كده اصلا انا كنت مش عاود اكمل ان انا كنت مكمل في تعليم علشان حلم كليه حاسبات ومعلومات عشان انا حلو في البرمجه الحمد لله انا متعلم برمجه من وانا في اولى ثانوي اصلا وده حلم حياتي من زمان لكن دلوقتي خلاص راح فانا مش من نوع الناس اللي انت تاخد اي كليه المهم يبقا معاك شهادة وخلاص هو انا لا اعمل حاجه اللي بحبها مش هضيغ عمري في معهد او كليه مش حبيبها عشان حتى لو خدت شهاده من معهد او كليه انا مش هشتغل بيها عشان مش حابب المجال اصلا ان انا دراسته وانا ضد فكره ان انت معاك شهادةوخلاص فانا حتى والمجتمع فرد عليا كده انا مش داخله ولا مقتنع بيها ان انا عشان المجتمع ماشي بطريقه لازم امشي بيها فيا ريت لو حد يقدر يفيدني المجالات اللي اقدر ابدا فيها ومش محتاجه شهادات
أخي العزيز، أشكرك على ثقتك ومشاركتك لي بهذه التجربة. أنا أفهم مدى صعوبة هذا الوضع بالنسبة لك، ولكن لا تيأس. هناك العديد من المجالات التي يمكنك النجاح فيها بدون شهادة: - البرمجة وتطوير التطبيقات: كما ذكرت أن لديك موهبة في البرمجة، يمكنك تطوير مهاراتك أكثر من خلال دورات عبر الإنترنت أو برامج تدريبية، ومن ثم العمل كمطور تطبيقات أو مبرمج. - تصميم المواقع الإلكترونية والجرافيك: إذا كان لديك موهبة في التصميم، يمكنك تعلم مهارات تصميم المواقع والجرافيك والعمل كمصمم مواقع أو جرافيك. - ريادة الأعمال: يمكنك بدء مشروعك الخاص في أي مجال تفضله وتتمتع بمهارات فيه، سواء كان تجارة إلكترونية أو خدمات استشارية أو غيرها. - التسويق الإلكتروني: إذا كنت مهتماً بالتسويق، يمكنك تعلم التسويق الإلكتروني والعمل كمسوق عبر منصات التواصل الاجتماعي. - إنتاج المحتوى الرقمي: كتابة مقالات أو إنتاج محتوى فيديو أو بودكاست حول مواضيع تهمك ونشرها عبر الإنترنت. أتمنى أن أكون قد أعطيتك بعض الأفكار عن المجالات الواعدة. المهم أن تجد ما تحب وتتميز فيه، وتطور مهاراتك باستمرار. أتمنى لك التوفيق دائما.
تم النشر الثلاثاء، ١ أغسطس ٢٠٢٣
بالنسبة لك كواحد متعلم برمجة وبيحبها فأفضل مجال هو ببساطة مجال البرمجة! والمجال مطلوب فعلا .. والطريق أنك تاخد كورسات في المجال دة مجانا على الانترنت وخاصة تطبيقات الويب والموبايل وتعمل مشاريع تتعلم بيها وتتفاعل مع الناس المهتمين بالمجال دة وتركز على ال Frameworks الحديثة لحد ما تعمل لنفسك Portfolio تقنع به أي شركة توظفك أنت عندك وقت دلوقتي تركز على الكورسات اللي انت عايز تتعلمها بس بحيث في سنتين بالكتير إن شاء الله يبقى مستواك في البرمجة زي مستوى خريج هندسة اللي بيقعد يدرس كورسات تانية غير البرمجة
تم النشر الاثنين، ٣١ يوليو ٢٠٢٣
الشهادة مش مهمة .. انت تقدر تتميز في اي مجال تقدر تتعلمه تعليم ذاتي وانت قاعد في بيتك من على المنصات التعليمية واليوتيوب. عندك منصة ادراك، وكورسيرا وفيه كمان قناة اسامه الزيرو على اليوتيوب لتعليم البرمجة .. انت قولت انك شاطر فيها وبتتعلمها .. فكمل تعليم فيها والبرمجة مطلوبة ولها شغل .. كمان مستر ابراهيم عادل صاحب قناة ذا امريكان انجلش .. عمل قناة على اليوتيوب لتعليم البرمجة واطلق كمان الابليكشن octucode : https://youtube.com/@OctuCode وده الابليكشن : https://play.google.com/store/apps/details?id=com.base.octucode
تم النشر الثلاثاء، ١ أغسطس ٢٠٢٣
من راي حاول تشوف شغلانه الفتره دي وقول لولدك أنا هاكمل علي حسابي تعليمي وربنا هايعينك والله محديش عارف الخير والنصيب فين فاحاول تعمل كده
تم النشر الثلاثاء، ١ أغسطس ٢٠٢٣
صحيح الشهادة ممكن تكون مهمه عادي لاكن انت لو اجتهدت والcv بتاعك كان كويس وشغلك نضيف وحلو هيشغلوك عادى ،ف اجتهد اوي لحد ما توصل لمرحلة أن شغلك يبقي حلو ونضيف ساعتها هيبقى سهل تلاقى شغل
تم النشر الاثنين، ٣١ يوليو ٢٠٢٣
انا ليا صحاب هيتخرجوا السنادى من حاسبات ومعلومات وشاطرين دراسيا كدرجات وكدا بس لسا مش جاهزين لسوق العمل ولسا بياخدوا كورسات برا الكلية تعلمهم البرمجة ،فحتى الى بيدخلوا كلية دا مش كافى أنهم يبقوا جاهزين يشتغلوا دول بياخدوا كورسات برا اصلا لان ف الكلية محدش بيعلم حد حاجه ،الموضوع كلوا شهادة لا اكثر ،وفيه ناس زمايلهم مش شاطرين دراسيا لاكن اتعلموا مع نفسهم وفيه الي اتعلم ع اليوتيوب مع انو ف كلية حاسبات ومعلومات وبيشتغلوا من وهما ف الكلية والله ،الموضوع كلوا اجتهاد شخصى
تم النشر الاثنين، ٣١ يوليو ٢٠٢٣
فيه مجال تاني برضوا ناس كتير بتتعمله ولي شغل ، وهو التصميم الداخلى وفيه كورسات كتير على النت ،محتاج تتعلم برنامج 3D max وأساسيات التصميم
تم النشر الاثنين، ٣١ يوليو ٢٠٢٣
والله انا اعرف ناس كتير كملوا تعليمهم عادى واتعلموا مجالات مش تبع كليتهم اصلا ونجحوا فيها واشتغلوا ،الموضوع معتمد على اجتهادك انت ،وطالما مش هيبقى فيه كلية هيبقي عندك وقت اكتر انك تتعلم ،انا علفكرة ف كلية اهو وقربت اتخرج بس مش عاوزه اشتغل تبع الكلية ويتعلم مجال تانى اصلا ،هقولك أمثلة لمجالات ممكن تاخد فيها كورسات أو ممكن تتعلمها من على اليوتيوب ،البرمجة طالما انت كويس فيها كمل ،فيه مجال كدا اسموا front end developer دا عبارة عن ان Ui designer بيديك التصميم الي عمله للابلكيشن أو الويب وانت بتحوله لأكواد عشان توظفه وممكن تتعلم Ui/UX design دا عبارة عن تصميم وجهات المواقع والابلكيشن من غير اكواد
تم النشر الاثنين، ٣١ يوليو ٢٠٢٣
لعرض السؤال في فدني اضغط هنا