كان معايا واحدة معايا فى الشغل كانت بتتعامل معايا معاملة كويسة وفيها نوع من الاهتمام البسيط وانا حبيتها وكنت ناوى اقولها انى عاوز اتقدم واعرفها ظروفى وعرفت اهلى واتفقت معاهم
حصل انى عرفت انها بتكلم واحد معانا فى الشغل وطلع هيخطبها بالرغم انى سألتها وقالت انا مش مخطوبة بعد ما عرفت انى معجب من راجل كبير شغال معانا على اساس انى كنت حكيله وباخد رأيه وقالى اتوكل على الله
ومن سعتها وهى لما بتشوفنى هى واصحابها يفضلوا يضحكوا عليا ويتريقوا
وانا من ناحيتى قفلت كلام معاها ومبقتش اظهر قدامها تماماً ولو اتعملت معاها هى او حد من اصحابها بتعامل بقلة ذوق وعجرفة
انا مش زعلان على الشخصية الزبالة دى قد ما انا عاوز افهم ليه البنات بتعمل كدة يعنى ليه التريقة والتنمر مع انها فى الاول كانت كويسة وكنت بقول عليها ملاك وشخصية لذيذة من معاملتها
حد قالى انها علشان اطول منك وانت قصير
بس انا مش مقتنع ازاى فى ناس مريضة كدة وعندها قدرة على التلون
أنا مش هقولك مش كل البنات كدا ولا الكلام دا كلو عشان اكيد سمعت منه كتير بس زي مافية بنات بالشكل دا فى اولاد امر وانا هنا مش بدافع ولا ببرر لانى مليش علاقة بالموضوع بس نصيحتي ليك هنا انك متستعجلش فى خطوة زي دي بمجرد تعامل كويس معاك مش اكتر والبنت الى هتتجوزها لازم تختارها على اقل من مهلك لانها هتكمل معاك حياتك وبالمناسبة بما انى دخلت وتكلمت فى البوينت دي حابة اقوللك متبقاش طماع انت وبتختار شريكه حياتك يعنى متفكرش فى نفسك بس فكر انها هتكون ام لاولادك وهل حابب اولادك يتربو على ايدها ولا لأ وبعدين كل حاجه ورارها حكمة واكيد في حمكة ورا الحوار الى حصلك دا كلو.
تم النشر الجمعة، ١ مايو ٢٠٢٦
يا حبيبي، أول حاجة أقولك إن قلبك ده كبير وصادق، وده واضح من إنك خططت للتقدم باحترام وعرفت أهلك. اللي حصل ده مؤلم، وأنا فاهمة زعلك تمامًا – الحب من طرف واحد زي الضربة تحت الحزام، خاصة لما يتحول لسخرية. ليه بتعمل كده؟ مش كل البنات كده، ده سلوك بشري مريض شوية، مش جنس معين. في الأول، معاملتها الكويسة كانت "لطف اجتماعي" عادي في الشغل، مش بالضرورة إعجاب. لما عرفت إنك معجب، ممكن تكون حسّت بالضغط أو الإحراج، فبدل ما تواجه بصدق، راحت للتريقة مع صحابها عشان "تغطي" وتحس إنها أقوى (ده دفاع نفسي رخيص). التلون ده علامة شخصية غير ناضجة، مش طولك ولا حاجة – ناس كتير طولهم قصير ومتزوجين سعدا. هي مش ملاك، هي مجرد إنسانة عادية بمخاوفها. إيه تعمله دلوقتي؟ استمر في تجاهلها : برافو عليك، ده أقوى رد. خليك بعيد، وركز شغلك 100%. ركز على نفسك : طور نفسك يوميًا – رياضة، قراءة، مهارات شغل. هتقابل اللي تستاهلك إن شاء الله. التقدم صح : المرة الجاية، خليها رسمية من الأول عبر أهلك، مش في الشغل عشان تتجنب الدراما دي. من منظور إسلامي : الله سبحانه قال "وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ" – الصبر ده اختبار، وتوكل على ربنا هيفتحلك أبواب أحسن. صلِّ الاستخارة قبل أي خطوة. أنت تستاهل واحدة تحبك بجد، مش كده. لو عايز نصائح أكتر عن بناء الثقة أو التقدم، ابحث في فدني عن أسئلة مشابهة، أو شوف الخبراء هنا: https://www.fedni.net/experts. قوي قلبك، يا بطل! 💪❤️
تم النشر الخميس، ٣٠ أبريل ٢٠٢٦
ممكن متكونش بتتنمر عليك ، ممكن يكون صحابها بيحفلوا عليها من باب الهزار انه اه هو ده الولد اللي معجب بيكي وانت فهمت غلط . ولو انت فهمت صح وكانوا قاصدين التنمر ف احمد ربنا انها بانت على حقيقتها بدري . وكمان المفروض من رأيي الشخصي قبل ما تاخد رأي حد وتفصح له عن مشاعرك تأكد من أخلاق البنت وده هتعرفوا من صحابها وتصرفاتهم مع بعض .
تم النشر الخميس، ٣٠ أبريل ٢٠٢٦
حرام تقول خبيثة أو كدابة ، لانك بتذكرها بالسوء ودي تعتبر *غيبه* ،حتى لو هي كده
تم النشر الجمعة، ١ مايو ٢٠٢٦
والله مش بالمظاهر متحكمش علي الاشخاص بسرعه بيبانو كيوت وهما غير كده خالص وممكن بردو يكون في أي سبب من الأسباب احنا منعرفش نوايا الناس بس الحقيقه اي كان هيا اي بتبان لوحدها من غير متبذل اي مجهود بس من رأيي اتعامل عادي بطبيعتك لحد متتأكد عن تجربه شخصيه يعني 👍
تم النشر الخميس، ٣٠ أبريل ٢٠٢٦
فاهمة النوع ده من البنات أوي وعارفه انه موقف مزعج ، بس انت طالما كتبت السؤال يبقى عاوز حل تجربه عشان يخصلك من الهم ده ، اعتمد على إنك تاخد حل وتعمله لكن بلاش الشكوى المستمرة بلا فائدة *صياح* أكيد فاهم مضمون كلامي ...... الحل هو التجاهل التام لاستفزازها والثبات والتعامل في شغلك بشكل عادي علشان النوع ده من المضايقه بيقوم على ردود أفعالك لو كل مرة هتلاقي اتعصبت أو اتضايقت هتزيد فيها لو ليك تعامل معاها في نطاق الشغل يبقى رسمي جدًا بدون أي كلام زياده ، أما لو مفيش تعامل بينكم فده هيبقى حاجه في صالحك إنت ، هتتجاهلها وتبقى مركز في شغلك وتحترف في الشغل وهي مع الوقت هتبطل . أهم حاجه إن تصرفاتك في الشغل تبقى عكس اللي هي عملته ،حاسس إن هيبتك اتكسرت بسبب التجربة دي ، اثبت العكس إنك عايش حياه عاديه وهي مش فارقه معاك أصلًا لإن تفكير اللي حواليها إنك متعلق بيها وتموت عليها اثبت العكس إن حياتك ماشيه عادي وكمان ممتاز في شغلك وهي مجرد حد مش فارق معاك ... لو ساقت فيها ومش راضيه تبطل بس ده بعد ما تجرب الطرق الأولى ، هتضطر تدخل حد من المسئولين تكون عارف إنه كويس وتقوله يبعدكم عن بعض . ولو في إمكانية إنك تبقى في فرع تاني أو مكان غير اللي هما فيه من دلوقتي فده هيبقى حاجه كويسه جدًا وأريح
تم النشر الجمعة، ١ مايو ٢٠٢٦
حضرتك البنت دى خبيثة بتستهزء بشكل غير مباشر يعنى مش هتيجى تقولى انا بستهزء بيك الحاجة التانية انى فعلاً كنت هتكلم معاها ومع اهلها بس عرفت فى اخر لحظة انها مرتبطة بواحد تانى ماشى كل شىء نصيب وانتى كدابة بس متبقيش كمان رخمة وقليلة ذوق صحيح الاختلاط كله مشاكل ربنا يتوب على الجميع
تم النشر الخميس، ٣٠ أبريل ٢٠٢٦
حضرتك لازم تسأل نفسك سؤال ، هل هي استهزأت بيك بشكل مباشر أو قالت كلام موجه ليك ؟؟؟لو الاجابه لأ ، يبقى ده تأثير الخيال لإن الخيال أعمق بكتيييير من الواقع وبتقعد تتخيل أسوأ توقع وهي أصلًا ممكن تكون بتضحك على حاجات تانيه . حضرتك ثق من نفسك وعادي تجربة وعدت وده لا يعكس قيمتك بالعكس يمكن طلعت كسبان من التجربه دي ، وبعدين هو اللي عاوز يخطب بنت بيقولها هي ؟! مش كده يا أخ ، لو واحد بنت عجبته بيسأل أي حد عن أهلها وبيكلم أبوها ، ودي خطوة بتخليك شخصية قويه وقيمه في نظر البنت اللي إنت عاوزها ، أما لو عرفت البنت نفسها بتبان ضعيف في نظرها . سيبك من الحوار اللي حصل ده وركز على شغلك وما تهتمش لأمر البنت دي أصلًا، واللي حصل ده كان لازم يحصل عشان تاخد درس وتتعلم إن الاختلاط لا ينتج عنه إلا سوء .
تم النشر الخميس، ٣٠ أبريل ٢٠٢٦
لعرض السؤال في فدني اضغط هنا