السلام عليكم ورحمه الله وبركاته.
انا متجوزه من حوالي 13 سنه. يعني ايام حلوه وايام صعبه مع جوزي واهله واهله كانوا ناس صعبين شويه تعبت معاهم. كنت عايشه في بيت عيله فضلت معاهم حوالي ست سنين او اكثر في بيت العيله.
وروني ايام صعبه صعبه جدا يعني من معامله سيئه من شغل من قهر كل حاجه. كنت بستحمل واقول معلش عشان طبعا مامتي مطلقه. واحنا في ارياف فمش عايزه أكون يعني. سبب إن اخواتي ما يتجوزوش وكده كنت عايزه أسلك واعيش عشان خاطر برضه خلفت بنتين ورا بعض. كنت عايزه اسلك واعيش. يعني. الحمد لله اهله بعدوا عني وعاشوا في مكان بعيد عني وفضلت انا لوحدي وهم في مكان بعدها الحمد لله يعني حماتي لما بعدنا عن بعض بقت احسن معايا في المعامله وبقت تعاملني كويس
وعرفت ان أنا يعني حد كويس وكده واللي كانت بتفسد ما بينا أيام العيله كانت هي سلفتي الله يسامحها. بس لما يعني كل واحد كان في مكان فهي عرفت الحلو من الوحش وبدأت تعاملني كويسه ومن ساعتها واحنا كويسين مع بعض وكده.
المشكله بقى ان جوزي. الله يهديه. بقى يعني عنده شويه كده استهتار فيا مش عارفه ليه مع انه يعني احيانا بيكون كويس معايا وكده بس لما بيقلب معايا بيكون بحس إن هو يعني بايعني على الاخر كاني انا مليش لازمه عنده وخصوصا كل لما يحصل مشكله بيننا يقول لي امشي سيبي البيت مش عارفه ايه الكلام زي كده. فأنا مرضاش اسيب البيت وطبعا اسيبه ولادي واسيب حياتي وشغلي ومصالح بيتي
مع العلم ان انا يعني شغاله. يعني اول مره اشتغل بالحصه السنه دي بس انا شغاله بقى لي حوالي اكثر من 10 سنين بدي دروس ومعي يعني وليا دخلي الخاص المادي الخاص ما كنتش بستكثر عليه حاجه ان انا يعني بصرف في البيت ويعني مكفيه وبعمل شغل البيت كله مش مخليهم عايزين حاجه مش مقصره في حاجه ولكن بالمقابل اه هو احيانا كويس معايا بس لما بيحصل اي موقف او اي مشكله. بلاقيه تغير 180 درجه. اللي هو امشي سيبي البيت يلا اتصل على بوكي مش عارفه ايه كلام زي كده فيعني اللي هو يمشي فارق معاه.
آخر مشكله حصلت ما بينا كانت من حوالي اسبوعين. ويعني مش مشكله يعني تستاهل ان هو يعني شدينا مع بعض شويه علشان هو زعق لي قدام مامتي فقلت ان انت بتزعق لي وانت مش عارف ايه مع بعض. وبعدين كنا جايين في يعني في المواصلات انا وهو ومامتي كانت مامتي تعبانه وانا بكشف عليها وهو كان جالي يعني فالمهم رحمه دخلني هنا عند مامته وقال لي تقعدي هنا لحد ما اجي اخدك. وروحت داخله وفضلت قاعده بقالي حوالي فوق 15 يوم كده قاعده عند مامتي ولحد دلوقتي ما جاش خدني ولا مثلا أتصل بيا ولا ولا اي حاجه ولا كاني اي حاجه مع
العلم ان انا بصرف في البيت. وبربي الولاد. حتى للدروس انا اللي بديها لهم يعني مش مكلفه حاجه ولا يعني مصاريفي ثقيله عليه ولا اي حاجه بس مش عارفه هو بيعمل كده معانا ليه؟.
وعليكم السلام ورحمة الله وبركاته، كيف فهمت من القصة انو في عدة مراحل كان بزواجك، اولا ببيت العيلة وكان في مجال مع سلفتك وحماتك، بعدين تحسنت شوي العلاقات... بس ممكن نسأل سؤال كيف طبيعة علاقتك مع زوجك من ناحية تفاهم؟ بشكل عام عشان تدوم العلاقة لازم كل مشكلة بتصير تنحل للنهاية وما يضل في بالقلب اشي، لانه تراكمات من هون وهناك بيعمل نفور من الطرفين... واكيد لما تزوجتو ما كانت هيك العلاقة... ممكن يكون في اشي هو مش راضي يحكيه، انا بنصح صراحة، تحكي معو، تقعدو سوا، تفهمي منو... انت مرتو مش اختو ولا صاحبو بالسكن، شريكة حياتو لازم يكون بينكو تفاهم واخذ وعطاء بالكلام. حاولي حلي المشكلة بشكل مباشر، وممكن تستعيني بشخص للصلح... وانا بنصحك تحكي مع مستشارة اسريّة، المهم تكون تخاف ربنا... داومي على الاستغفار، كرري الاستغفار صدقيني كنز بإيدك؛ وبإذن الله كل اشي بيرجع احسن من قبل وبترجعي لبيتك وبتعيش حياة حلوة بإذن الله تقلقيش اختي❤ بس خدي مني هاي النصيحة وداومي على الاستغفار، احنا داخلين على ايام مباركات، استغليها، امسكي مسبحتك وابدئي بهاي اللحظة
تم النشر الأحد، ٢٥ مايو ٢٠٢٥
بيعمل كده عشان حس إنك مش عاوزه تروحى لمامتك أو إنهم مش هيقفوا جنبك فبدأ يضغط عليكى بالطريقه دى.. المفروض تحسسيه إنهم يتمنوا إنك تقعدى معاهم في اى وقت و انهم واقفين في ضهرك.. و تخليه هو اللى يصرف.. إنتى بتعملى اللى عليكى في البيت و مع ولادك و معاه و مش مقصره في حاجه.. هو سابك عند مامتك عشان احتمال يكون يعرف وآحده والله أعلم.. إنتى ولادك معاكى ولا معاه؟ هو طبعا هيعرف قيمتك و هيبقى عاوزك ترجعى عشان تصرفى كل اللى معاكى... ربنا يصلح لك الحال يارب.
تم النشر الأحد، ٢٥ مايو ٢٠٢٥
وعليكم السلام ورحمة الله وبركاته أختي الغالية، أولاً أود أن أقول لكِ إن تجربتك صعبة ومؤلمة، وأشعر بحجم التعب والإرهاق النفسي الذي عشته طوال هذه السنوات، خصوصًا مع مشكلات التعامل مع أهل الزوج والفترة التي قضيتها في بيت العائلة تحت ظروف صعبة. لكنكِ كنتِ صابرة، وصمدتِ من أجل أسرتك وبناتك، وهذا شيء مشرف ويستحق الثناء. بالنسبة للوضع الذي تصفينه مع زوجك، هناك عدة نقاط مهمة أرى أنه من الضروري التركيز عليها: تفاوت المعاملة من زوجك : واضح أن زوجك يتصرف أحياناً بلطف وأحياناً بطريقة جارحة أو مهينة، مثل قول "امشي سيبي البيت" أو تركك لفترات طويلة بدون اتصال. هذا التذبذب يُشعرك بالارتباك وعدم الأمان العاطفي، وهو أمر مؤلم جدًا لأي إنسانة تحب وتحترم نفسها. الاستقلالية والمسؤولية التي تتحملينها : أنتِ تعملين، تقومين بكل شؤون البيت ورعاية الأولاد، وتتحملين مسؤولية كبيرة. وهذا يعني أنكِ قوية وقادرة على الاعتماد على نفسك، وهذا مصدر قوة كبير لديك. عدم احترام الحدود والتواصل الصحي : وضع زوجك وعدم تواصله معك، خصوصًا أن تتركك عند والدته لأكثر من أسبوع دون اهتمام أو اتصال، أمر غير مقبول ويؤكد وجود مشكلة في التواصل والاحترام المتبادل بينكما. نصائحي لكِ خطوة بخطوة: التحدث بصراحة وهدوء مع زوجك : في وقت هادئ بعيدًا عن المشاحنات، حاولي فتح حوار مع زوجك حول مشاعرك وتأثير تصرفاته عليك. استخدمي أسلوب "أنا أشعر بـ…" بدلًا من "أنت تفعل كذا" حتى لا يبدأ بالدفاع. وضع حدود واضحة : لا تسمحي لأي طرف أن يقلل من كرامتك أو يتصرف بطريقة مهينة سواء كان زوجك أو غيره. حددي ما هو مقبول وما هو غير مقبول في المعاملة. التركيز على نفسك وأولادك : أنتِ ستظلين دائماً الأم التي تحمي وتدعم أطفالها، ووجودك القوي سيكون قدوة لهم. اهتمي بنجاحك واستقلاليتك، وازرعي الثقة في نفسك. طلب المشورة الأسرية أو الزوجية : إذا كان بالإمكان، قد تساعد جلسة مع خبير نفسي أو استشاري أسري على تحسين التواصل بينكما وفهم أسباب سلوك زوجك. الدعاء والاستعانة بالله : لا تنسي أن تلجأي دائماً إلى الله في كل وقت، وتطلبي منه السداد والتيسير والتغيير للأفضل. فالله مع الصابرين ومع من يسعى للإصلاح بحسن نية. إذا شعرتِ بأن الوضع أصبح لا يحتمل أو أن حقوقك مهضومة بشكل كبير، فلا تترددي في البحث عن نصيحة من متخصصين في مسائل الأسرة والزواج، فهم سيقدمون لك الدعم والخطوات العملية المناسبة. أنا هنا معك دائماً، وأنتِ مرحب بك لأي سؤال أو استفسار آخر. وأيضًا أنصحكِ بالاطلاع على الأسئلة المشابهة على فدني، وركزي على التواصل مع الخبراء المتخصصين عبر صفحة الخبراء التي ستجدينها في موقع فدني. ربي يعينك ويثبتك ويرزقك السكينة والهدوء في حياتك الزوجية وفي كل أمورك. ذكية معكِ دائماً 💜
تم النشر السبت، ٢٤ مايو ٢٠٢٥
السلام عليكم زوجك بيروح عند والدته وقت الزعل ده ولا بيقعد لوحده؟ هل هو غير مقتدر ماديا عشان يصرف كل المصاريف؟ انتى بتتكلمى معاه كتير فى مسألة انك بتصرفى .؟ ال 15 يوم كلهم مفيش تواصل بينكم ؟
تم النشر الاثنين، ٢٦ مايو ٢٠٢٥
الاستاذة ياسمين توفيق ممكن تساعد جدا بهاد الموضوع (من الخبراء بالتطبيق)
تم النشر السبت، ٢٤ مايو ٢٠٢٥
لعرض السؤال في فدني اضغط هنا