عاملين ايه أتمنى الكل يكون بخير أنا دلوقتي فى تانيه ثانوي عام شعبة علمية وزي منتو عارفين ان خلاص امتحانات نهاية العام قربت ومن بعدها هدخل تالته ثانوي فأنا بجد حابه اسمع نصيحة كل واحد فيكم تجاوز وعدى من تالته ثانوي وتكون نصيحة طالعه من القلب وحقيقية عشان استفيد منها وكمان انصحوني اتجنب وأبعد عن ايه وايه الحاجات الى انتو عملتوها وندمتكم وايه الى كان نفسكم تعملوه. ومتنسوش تدعو لطلاب تالتة ثانوي عام ازهر فني كل واحد فيهم محتاج الدعوة بشكل كبير افتكروهم فى الايام المفترجة دي.
تم النشر السبت، ٩ مايو ٢٠٢٦
أنا معظم مشاكلي ببقى عارفة حلها ايه بس مش بعرف اخد الخطوة للحل دا. يعنى مثلا من ضمن مشاكلي وهو انى بسكرول كتير على ريلزات الانستجرام ودا بيزود الدوبامين زي ما انتو عارفين المهم جالى تعفن دماغ وتعطن وممكن اقول مبقاش فى دماغ اصلا المشكلة هنا انى عارفه كل حلول المشكلة دي بس مش قادرة اخد الخطوة فاهميني؟؟؟
تم النشر الجمعة، ١ مايو ٢٠٢٦
بصي ي حبيبتى أنتِ طبيعيه جدا ومعظم الناس كدا برضو بس الى المفروض تعرفيه دلوقتى نفسك تدرسي نفسك ودراسة النفس دي لا تقل اهميه عن اي حاجه بتدرسيها او بتتعلميها يعنى من كلامك اهو انا فهمت انك شخصية مزاجية ودا طبيعي جدا المفروض بقا أنتِ تبقي فاهمه حاجه زي دي وتتقبليها عادي ولو عايزه تعرفي اكتر ممكن تعملى سيرش عن شخصيتك وهتلاقي كل حاجه عنها ومن ضمنهم انك فجأة بتتقفلى وبعدها ترجعي طبيعيه وهكذا ومش شرط مع شخص دا أنتِ مع الكل كدا حتى زمايلك البنات احتمال كبير بتتقفلى منهم وترجعي تاني طبيعتك نفس الحوار مع السيناريوهات فاهمة؟
تم النشر السبت، ٢ مايو ٢٠٢٦
أنا مش هقولك مش كل البنات كدا ولا الكلام دا كلو عشان اكيد سمعت منه كتير بس زي مافية بنات بالشكل دا فى اولاد امر وانا هنا مش بدافع ولا ببرر لانى مليش علاقة بالموضوع بس نصيحتي ليك هنا انك متستعجلش فى خطوة زي دي بمجرد تعامل كويس معاك مش اكتر والبنت الى هتتجوزها لازم تختارها على اقل من مهلك لانها هتكمل معاك حياتك وبالمناسبة بما انى دخلت وتكلمت فى البوينت دي حابة اقوللك متبقاش طماع انت وبتختار شريكه حياتك يعنى متفكرش فى نفسك بس فكر انها هتكون ام لاولادك وهل حابب اولادك يتربو على ايدها ولا لأ وبعدين كل حاجه ورارها حكمة واكيد في حمكة ورا الحوار الى حصلك دا كلو.
تم النشر الجمعة، ١ مايو ٢٠٢٦
وواللهِ الواحد بيحاول يبني مستقبله بطريقة كويسه وترضي ربنا عشان السنين متجريش بيه ويكتشف فى الاخر انه محصلش حاجه ف ربنا يعيني وعين اي بنى ادم بيبنى نفسه بنفسه في جيل التشتت دا عشان الحوار صعب واللهِ وتسلم علي نصيحت حضرتك التوحفهه دي 😂🫶🏻
تم النشر الأحد، ١٠ مايو ٢٠٢٦
معلش مخدش بالى من الاسم كويس 😅 وبجد المسدج فرقت معاية كتير وربنا يقدرني وعمل كدا وإن شاء الله يكرمك ويكرمني
تم النشر الأحد، ١٠ مايو ٢٠٢٦
بصي انا مستواية كويس جدا لو ذاكرت ف معني كلامي كدا اني مش بذاكر اصلا بس طبعا تالته غير بإذن الله بس ديما باجي اخر شهر امتحانات كدا وبلم الدنيا كلها وبطلع بدرجات حلوه الحمدلله انما السوشيال دي كانت مدمراني فى حتت السكرولينج الكتير دا بس الحمدلله عرض المشكلة هنا وكام واحد فادني بنصايح عجبتني وطبقتها واهو الحمدلله ليه فتره مش بسكرولينج نهائى واه دروسي كلها اون لاين بس بطلع حصة فى الاسبوع للفصحه مش اكتر ونفس المادة الى بروح فيخا باخد فيها منصة عشان زي مقلتلك انا بخرج فصحة مش اكتر هواياتي انى بحب اقري كتب قوي بس الكتب دي لازم تكون تطوير ذات حاجات زي دي مش روايات والكلام دا والاضافة الى ممكن اقولهالك زيادة اني ختيفة قوي تقصيري في سنيني الى فاتت دي تأثر معايه فى تالته عشان معظم الناس بتقولي المناهج متراكمه ف اكيد هتتعبي
تم النشر السبت، ٩ مايو ٢٠٢٦
هو تقريبا الحل الوحيد انى ارمي نفسي على الحاجه فعلا ومسحهم عشان كل مقول هقلل السكرولينج برجع تاني ومش بعرف اسمع اى حاجه طويله ولا محاضرات ولا اى حاجه وداخله على تالته ثانوي ف مش هينفع النظام دا بجد انا همسحهم ودلوقتي وربنا يعيني ويعين اى حد بيحاول وهخلي نيتي لله زي مبتقول وربنا يسهل
تم النشر الاثنين، ٤ مايو ٢٠٢٦
فعلا القرءان لما بيدخل اى حاجه بيظبطها وهعمل كدا من بعد مشيئة الرحمن طبعا
تم النشر السبت، ٢ مايو ٢٠٢٦
حبيت بجد وإن شاء الله هعمل كدا
تم النشر السبت، ٢ مايو ٢٠٢٦
لعرض الملف الشخصي في فدني اضغط هنا