حاسس إن عندي تراكمات صدمات قديمة هي أساس كل اللي بمر بيه.
قصتي بدأت وأنا طفل عندي من 11 لـ 15 سنة؛ اتعرضت لتنمر شديد لما نقلت مدرسى لمدرسه تانيه جديدة اسوء جدا والصعب فى الموضوع انى سمعتهم ان انا السبب فى اخدهم القرار دا وكنت بعيط لوحدي في السر، ذى ما بابا كان بيقولى متخليش حد يشوفك وانت بتعيط وعانيت من حرمان مادي قاسي خلانى في مرحلة الى بعديها أعمل أفعال غلط (زي السرقة) عشان أجيب اللي ناقصني، وده انتهى بصدام وفضايح. بعدها مريت بصدمة عاطفية قاسية وتنمر من الاهل، ولجأت لطرق غير منطقية (زي السحر) وقتها عشان أعوض النقص العاطفي والعجز، وفشلت برضه.
كل الصدمات دي (تنمر، حرمان، رفض) خلَتني أهرب للمخدرات وفضلت أشربها لمدة 12 سنة كاملة لحد ما بقيت عندي 28 سنة.وطبعا مش محتاج احكى اى الى مريت بيه فى 12 او 13 سنه دول من كوارث مهلكه من ناس غلط عرفتها لحجات غلط عملتها لفرص ضيعتها وكل دا كان بياكل من روحى وكمان أثناء فترة الإدمان دي، كنت متورط في سلوكيات جنسية غير مستقرة بشكل كبير ومرعب ومقرف ومؤذية نفسياً.
النقطة الأثقل والأصعب اللي اكتشفتها مؤخراً في التعافي:
طول عمري كنت فاكر إن بابا هو أكتر شخص سبب في اللي أنا فيه بسبب غيابه، إهماله، طريقته الغلط، بخله وعدم مبالاته. لكن بعد ما بطلت، اكتشفت إن ماما مش مختلفة عنه كتير، وأن حبها ليا طلع "مشروط"، وإني كنت أعمى ومكنتش شايف الحقيقة دي لأني كنت مرتبط بيها عاطفياً بطريقة مخلتنيش أقدر أحلل ولا افهم مواقف كتير إلا دلوقتي. لما ظهرت مواقف مؤخراً في رحلة علاجي أثبتت لي ده، كانت دي "الصدمة الأخيرة" بالنسبالي، خصوصاً إني كنت دايماً شايفها هي الملاذ والأمل الأخير، وماكنتش متخيل إنها تطلع في الآخر زيه.
الوضع الحالي:
أنا بطلت مخدرات من شهرين، وبطلت سجاير من أسبوعين.. بس للأسف رجعت أشرب سجاير تاني دلوقتي، بس حاسس برعب وقلق شديد من الانتكاس وبتجيلني أفكار ضاغطة. أنا محتاج أعالج جذور الصدمات دي وأفهم إزاي أقف على رجلي بجد من غير ما أنهار. خاصا إنى ادركت تماما ان لايوجد احد من اهلى قادر انه يساعدنى
انا الحمد الله بصلى بانتظام بدايه من اليوم اللى وقفت فيه مخدرات بس الوضع حاليا بيتدهور
اى نصيحه
بدايةً مفيش حاجه من اللي عملتها علشان حاجه بمعني ان السرقة والسحر وكل اللي عملته مش علشان عندك حاجه دا شيطانك اللي مسولك دا والمفروض تعرف حاجه زي دي الأول علشان تعالج نفسك لازم تعرف ان المعصيه مش بسبب حاجه في حياتك وانما بسبب شيطانك وانك اتبعته ولازم تفهم نفسك كويس علشان تغلبه وتقوي إيمانك وتقرب من ربنا وتحصن نفسك عارف ليه بقول مش علشان دي؟ لأن كلنا او يعتبر المعظم والأغلبيه عندهم النقص دا ومفيش حد حياته كويسه وكامله من كل الجوانب اصلا فلما انا مثلا أبص علي جانب عندي ناقص واروح أعمل عليه معصيه واجي أقول علشان اعوض النقص دا يبقي انا محتاجه أعيد تفكيري تاني في الجانب دا وإلا كنت شوفت كل الناس بتعوض النقص اللي عندها كلها حرفيا وعموما ناس كتير بتعمل كدا ومتبعه هواها وشيطانها الا قله وهما دول اللي دايما القرآن بيتكلم عنهم انهم هيدخلو الجنه حتي لو انت مسلم بس عصيت وعملت دا هتكون بمشيئة ربنا تدخل النار الأول وتلقي عذابك وبعد كدا تدخل الجنه او تدخل الجنه علطول بمشيئه ربنا برضو وانا ك انسانه مقدرش اقول كدا بس احنا عارفين ان في فئه هتدخل تاخد عذابها وتطلع ف انا ليه أكون منهم ومتعلمش من أخطاء غيري يمكن كلامي كتر في النقطه دي بس الكلمه بتسحب كلمه تانيه علشان تفسرها ف عموما يعني كويس اوي والحمدلله انك عندك قلب حي وبيحس حتي لو أذنبت كتير فلازم لازم تقعد قعده رايقه مع نفسك وتفكر هتظبط حياتك ازاي ولازم تكتر من الأعمال الصالحه لأن الصالحات يذهبن السيئات فلازم تعمل أعمال صالحه كتير علشان ذنوبك كلها تغتفر وابدأ بالعبادات اللي هي السنن والنوافل واحده واحده ومتضغطش علي نفسك علشان متتعبش وتقف لا خدها واحده واحده الإسبوع دا مثلا نافله الفجر اللي بعده اول اتنين من الضهر اللي بعده اجيب سنه الضهر كامله لأنها أربعه غير الفرض وهكذا لحد ما تثبت وزدو من الذكر واعمل سيرش عن العبادات البسيطه اللي ثوابها كبير علشان هيتبعها اعمال كبيره وقليل دائم خير من كثير منقطع وأخر حاجه بالنسبه لأهلك، احنا دايما لازم نحسن الظن بغيرنا فمابالك بأهلنا يعني هما ممكن مش قادرين يشوفو انت محتاج اي ولا يهتمو بيك علشان عندهم ضغط تاني وكل واحد فينا عنده اللي مكفيه انا ك حد لسه معداش العشرينات عندي حمل لو اشتالته مش هتقدر عليه لأن كل واحد همه علي مقاسه يعني بمعني أصح حتي اللي عنده اربع سنين مدايق وعنده هم في حياته وكل واحد همه علي حسب سنه وظروف حياته هما ناس كبيره طبيعي الهم عليهم أكبر وحتي ان شوفت دا من اهلك عيني عينك دا وقاصدين اديلهم العذر برضو كدا كدا باباك ومامتك سيدنا ابراهيم علي ما اظن كان والده كافر وبرغم دا قال واغفر لأبي وياما بنشوف ناس أهلها قاسيين عليهم وبيبروهم برضو ف انا علي ما اظن لأن انا مش شايفه حياتك دا شيطان برضو وعاوز يفرق بينك وبين أهلك علشان دي خطوه عظيمه عنده أصلا إنما يختار الذئب من الغنم القاصيه يعني الشيطان بيحب انه يوسوس للي بعيد عن اهله او الصحبه بتاعته علشان بيكون أضعف ف ممكن دا سبب برضو اسمع بودكاست كتير اوي الفتره دي هيفيدك اوي واسمع دورة شجرة الخلد لشريف علي بنصح اي حد بيها بالذات لو شيطانه موقعه في ذنوب كبيره لأن يعتبر الدوره بتتكلم عن افعال الشيطان وازاي بيوقعك وازاي تقدر تبعد عنه ف ان شاء الله تفيدك الكلام كتير شويتين بس ان شاء الله يفيدك بالتوفيق وان شاء الله نلتقي في الجنه وتدخلها بغير حساب ولا سابقة عذاب ان شاء الله 💗
تم النشر السبت، ٢٢ أغسطس ٢٠٢٦
النجاح في التعافي رحلة مستمرة. احضر ورش اجتماعية ،طور من نفسك لو تعرف تتابع مع متخصص على فترات. المهم انك تحط اهداف ايجابية تستمر عليها. وفي ورش ومحاضرات نفسية بتكون لنشر الوعي
تم النشر الجمعة، ٢١ أغسطس ٢٠٢٦
بهنيك أولا علي خطواتك دي بجد مش كتير بيعملها يعني اللي بيتجهوا لطريق المخدرات دول بيكون صعب عليهم يبطلوه بس بجد بهنيك والله ، بص في قاعدة بتقول " اللي فات مات " الماضي وذكريات الماضي لا هتجيب ولا هتودي ، هتقولي صعب اتخطاها هقولك ايوا صعب مقلناش سهل بس بما انك قدرت تتجاوز المخدرات ف بإذن الله روحك المعنوية هتساعدك في تجاوز الماضي ، بداية تجاوز الماضي بتيجي ازاي بقا ؟ بص أولا هي عدم التفكير في الماضي ونركز علي الوضع الحالي والمستقبل ، خد عهد علي نفسك بإنك هتبدأ مسيرة حياة جديدة طاهرة في طاعة الله وعمر اللي كان قريب من ربنا ربنا بيتخلي عنه " والذين جاهدوا فينا لنهدينهم سبلنا " ، كل ما تلاقي عقلك هيفكر في الماضي جاهد وامنعه وقوم اشغله سواء بالتخطيط لبناء حياتك وشغلك ، لإن العقل دا لو انت مشغلتهوش في حاجة هو هيشغل نفسه بالتفكير المفرط فاحنا نمنع الحتة دي بإننا نشغله احنا منستناش لما هو يشغل نفسه بنفسه ، ثاني حاجة مهما امك وابوك يعملوا هيفضلوا أمك وأبوك اللي ربنا وصَّاك بطاعتهم ، بيعاملوك وحش عاملهم بما يرضي الله حلو " ولا تقل لهما أفٍ ولا تنهرهما وقل لهما قولا كريما " اصبر على أذاهم لوجه الله ، انت مش هتستحملهم العمر كله هما فترة وهيسيبوك وانت فترة وهتتجوز وتعيش مع عيالك ومراتك وكلنا في الآخر هنموت ، في الآخر أهم حاجة بنصحك بيها ألا وهي الصحبة اللي انت بتمشي معاها ، اختار الناس اللي تاخدك لطريق ربنا وابعد عن اللي بيرجعوك للمخدرات والمعاصي ، و ابني علاقة قلبية مع ربنا وليس علاقة جسدية فقط .
تم النشر الجمعة، ٢١ أغسطس ٢٠٢٦
أخي، أولاً أحييك بكل قوة على الخطوة اللي اتخذتها من شهرين بوقف المخدرات، وعلى التزامك بالصلاة من أول يوم. ده مش إنجاز بسيط، ده دليل على إرادة حقيقية ووعي عميق بأهمية التغيير. اللي بتمر بيه من تراكمات صدمات الطفولة، والتنمر، والحرمان، والاكتشاف المؤلم عن والدتك، كل ده ثقيل جداً، ومن الطبيعي إنك تحس بالرعب من الانتكاسة دلوقتي، خاصة بعد ما كنت شايفها الملاذ الأخير. الوعي الجديد ده بيفتح جرح قديم، لكنه في نفس الوقت فرصة للشفاء الحقيقي من الجذور. الصدمة من اكتشاف أن حب الأم مشروط، بعد سنين من الاعتماد العاطفي عليها، بيخلّي الإنسان يحس إنه لوحده تماماً. ده مش ضعف، ده رد فعل طبيعي لمن فقد الثقة في أقرب الناس. في الإسلام، ربنا سبحانه وتعالى بيأمرنا بالبر بالوالدين، لكنه أيضاً بيعلّمنا أن نعتمد عليه أولاً، ونبني أنفسنا من الداخل. استمر في الصلاة بانتظام، واجعلها نقطة انطلاق للتأمل اليومي في قوتك الداخلية، مش بس كعبادة. اكتب يومياً ثلاثة أشياء صغيرة حققتها بدون الاعتماد على أحد، حتى لو كانت بسيطة زي الالتزام بيوم بدون سجاير أو إنجاز مهمة يومية. ده بيساعدك تبني صورة ذاتية جديدة مبنية على الاعتماد على الله ثم على نفسك. للتعامل مع مخاوف الانتكاسة، ركز على بناء روتين يومي ثابت يملأ الفراغ اللي كانت تملأه المخدرات والسلوكيات القديمة. حدد محفزاتك اليومية (مثل أوقات الفراغ أو الذكريات) واكتب خطة بديلة عملية لكل واحدة، زي الخروج للمشي أو قراءة كتاب مفيد أو التواصل مع أشخاص إيجابيين جدد. التعافي من الجذور يحتاج وقت، فابدأ بخطوات صغيرة مثل البحث عن معلومات موثوقة عن معالجة الصدمات عبر الكتب أو المصادر الإسلامية المتخصصة في النفس البشرية. أنت قادر تقف على رجليك، والله ما بيترك عبداً يسعى بصدق. ابحث عن أسئلة مشابهة على فدني لتحصل على المزيد من الآراء والتجارب.
تم النشر الجمعة، ٢١ أغسطس ٢٠٢٦
الشكر لله وبعديه انتم يعنى وبصراحه الكلام دا طالع من قلبى انتم ناس محترمه والخير جواكم كبير كلكم الحمد الله الذى هدانى للبرنامج دا كنت قربت اتجنن من AI 😂
تم النشر الأحد، ٢٣ أغسطس ٢٠٢٦
لا لا انت فاهم غلط التجارب دى اثرت عليا انا بس آذتنى انا بس معملتش حاجه ف حد غيرى دا بالنسبه للسحر كان عباره انى اتعرفت على شيخ وكنت عايزه يعلمنى وكده واصلا كان بيستغلنى وبعدين بفضل دعاء امى ليا بعد ربنا الحمد الله مقدرتش اعمل اى حاجه من الكلام دا بس انك تمشى فى الاتجاه دا .دا فى حد ذاته كفيل انه يشوههك نفسيا .... السحر و السرقه الكلام دا كان من ١٥ سنه او ١٤ سنه بالنسبه للسحر الحمد الله مآذتش حد وبالنسبه للسرقه مش فاكر غير شخصين او ٣ وإن شاء الله ربنا يقدرنى واعمل كده واردلهم الثمن وبرضو عايز اقولك ان دا مكنش زى م انت متخيل هوا طبعا غلط والجنيه زى المليون بس انا كنت صغير ساعتها والحمد الله ان الموضوع خلص فى وقتها وماستمرش معايا حتى لو كان خلص بالمظر البشع الى خلص بيه دا ... وشكرا لنصيحتك بجد غاليا جدا وتذكره مهمه .. ربنا يكرمك ويغفرلك ويعفو عنك ويعافيك ويوسع رزقك
تم النشر السبت، ٢٢ أغسطس ٢٠٢٦
شكرا يا محترم
تم النشر الأحد، ٢٣ أغسطس ٢٠٢٦
تم الحمد الله ❤️
تم النشر الأحد، ٢٣ أغسطس ٢٠٢٦
السطر الثامن في التعليق
تم النشر الأحد، ٢٣ أغسطس ٢٠٢٦
انا مش لاقى الجمله الى طلبت منى اعدلها
تم النشر الأحد، ٢٣ أغسطس ٢٠٢٦
الحمد الله ربنا وفقنى وخلانى اصلى الفجر ولسه راجع ومش كده وبس وفقنى اصلى فى الصف الاول
تم النشر الأحد، ٢٣ أغسطس ٢٠٢٦
انا قمت على الساعة ٢ تقريبا معرفتش انام تاني
تم النشر الأحد، ٢٣ أغسطس ٢٠٢٦
انت شكلك منمتش زيي
تم النشر الأحد، ٢٣ أغسطس ٢٠٢٦
في جملة ان شاء الله
تم النشر الأحد، ٢٣ أغسطس ٢٠٢٦
وأنصح نك تفصل ان عن شاء في الرسالة فوق = ان شاء وليس انشاء
تم النشر الأحد، ٢٣ أغسطس ٢٠٢٦
جزاك الله خير
تم النشر الأحد، ٢٣ أغسطس ٢٠٢٦
شكراً ليك ...نِعْمَ الرَّبُّ اللَّه بِئْسَ الْعَبْدُ أنا
تم النشر الأحد، ٢٣ أغسطس ٢٠٢٦
انت في الطريق الصح يا صاحبي
تم النشر الأحد، ٢٣ أغسطس ٢٠٢٦
اللهم آمين ربنا يهدينى ويغفرلى ويرحمنى انا اظن فى الله ربى و رب كل شيء ومليكه كل خير
تم النشر الأحد، ٢٣ أغسطس ٢٠٢٦
بارك الله فيك تب اذاً وتقرب لله يصلح قلبك الذي تتذكرهم استسمحهم واتفق معهم على مبلغ اما الذين لا تتذكرهم اخرج صدقات بنياتهم والله المستعان ارى فيك شخص طيب صدوق محب للخير استعن بالله ورد ما يمكن رده وتقرب لله أكثر والحمدلله بداية علامات حب الله لك انه ايقظك من غفلتك تلك وجعلك تتوب لذا اياك ان تخسر تلك العلاقه مع الله وانصحك بشيوخ تستمع لمحاضراتهم يوتيوب كعلاء حامد وأمجد سمير وأحمد العربي ومحمد الغليظ حاوط نفسك بشيوخ على منهجك واستمع لمحاضرتهم ليساعدوك على التوبه والاستقامه والقرب لله بل ربما تجاهد وتصبح داعيه في سبيل الله والدين اسأل الله أن يستخدمك في نصرة دينه انقذ ما تبقى لك لا أحد يعلم متى يموت ربما الثانيه القادمه فالنعمل للأخرة ورضى رب العالمين وانسى الماضي مادمت تصر على التوبه والله غفور رحيم🤍
تم النشر الأحد، ٢٣ أغسطس ٢٠٢٦
اخي رد الحقوق الى اصحابها الذي سرقت منه رد له حاجته ان استطعت والذي سحرته ان اوذي استسمحه بالعفو فحتى اذا تبت فعليك برد حقوق العباد
تم النشر السبت، ٢٢ أغسطس ٢٠٢٦
ليه فى ناس كتيرة ناس كتير بتشتكى من امراض نفسيه و الغالب انهم معندهمش ثقة فنفسهم هو دة شيئ محبط جدا ولكن انك توقف حياتك علشان مش عارف تفهم نفسك ولا عارف تتغلب على التعب اللى جواك فانت بتقتل نفسك بالبطيئ و هتفضل على حالك دة طول حياتك الحياة و الناس اللى حواليك مش هيتغيروا افهموا كدة اول تغيير لازم يكون منك لنفسك لان تغييرك لنفسك هيحسسك بالطاقة الإيجابية و هيفيدك انما هتقول اصل انا اتعرضت لصدمة فى الطفولة مش عارف اتخطاها؟؟ كلمة انا مش عارف ومش هعرف ومعنديش ثقة فنفس كل دة بيثبت فى عقلك الباطن و هتفضل كدة، حتى لو انت تقدر تتخطى و تغير نفسك هتفشل لان جواك ماشي و شايف انها مش هيقدر فاقنع نفسك خلى عندك ثقة فى نفسك و متنتظرش دعم من حد ودى اهم حاجة.
تم النشر السبت، ٢٢ أغسطس ٢٠٢٦
لعرض السؤال في فدني اضغط هنا