السلام عليكم، العلاقات المؤذية والمرهقة لكِ ابعدي عنها ولا تفكري غير في نفسك وراحتها، حتى لو هي استخدمت أسلوب "قلب الترابيزة" أو أي خدع نفسية عشان تحسسك بالذنب أو تطلع هي الضحية قُدام الكل اختاري نفسك ولا تهتمي لأي حاجة. اشغلي نفسك دلوقتي بدراستك وتطوير نفسك وشخصيتك واملي وقت فراغك بحاجات مفيدة تخليك أفضل كل يوم عن السابق وكل المشاكل دي ساعتها هتبان تافهة ولا تستحق ذرة من وقتك وتفكيرك. بالنسبة لزمايلك اللي بيبعدوا فخسارتهم مكسب لك، الشخص اللي يصدق عنك بسهولة أي اتهام ولا يحاول يسمع منك أو يثق فيك مهما كان اللي سمعه يبقى لا يستحق يكون قريب منك... فأنتِ كبري من أي شخص يتصرف معك كده وإن شاء الله تقابلي مستقبلا ناس تستحق صداقتك بجد. مامتك اتكلمي معها بصراحة وقولي لها كل اللي كتبتِها هنا في مشكلتك وبيني لها قد إيه أنتِ تأذيتِ نفسيا منها ولا أعتقد إن مامتك هتقف في صف الغريب ومتحسش بوجعك. وربنا يوفقك ويرزقك أصحاب حقيقيين يعاونوك على الخير دايما.
لا لا متحطيش في بالك الحاجات دي.. (الله خيرٌ حافظًا) لو أي حاجة قلقاكِ قولي (حسبي الله ونعم الوكيل) الذكر ده كاف لو واظبتِ عليه بيقين ومن قلبك فربنا إن شاء الله يكفيكِ شر أي حد أو حاجة خايفة تؤذيكِ وكمان واظبي على أذكار الصباح والمساء، ربنا الحافظ.
تم النشر الخميس، ٩ أبريل ٢٠٢٦
الفكره ان هيا عندها صور ورقيه كتير ليا الي حوليها بيقلقوني وبي يقولو لي خديها منها ممكن تأذيك انا مش مقتنعه هل ده صح ولا ايه
تم النشر الخميس، ٩ أبريل ٢٠٢٦
لعرض الإجابة في فدني اضغط هنا