اعمل ايه علشان اتخلص من المقارنه ؟! والمقارنه انا اللى بفرضها على نفسى للاسف محدش بقارنى بحد لا انا اللى بقارن نفسى بغيرى يعنى مثلا فى امتحان انا نقصت 3 درجات وصاحبتى نقصت نص مع انا تعبت جدا وحاسه انى عملت كل اللى عليا ليه انا اجيب كده وهيا كده دايما انا اللى تحت بخطوة انا مثلا يا دوب بسمع المحاضرات بذاكر كويس انسان طبيعى ساعات بيقع وساعات يقوم مش ماشى على نفس الرتم دايما اجى اكلم صاحبتى دى وللعلم احنا مش بنتكلم غير كل اسبوعين ولا حاجة علشان تانية بكالوريا فنطمن على بعض مثلا وكده الاقيها بتقولى انا باخد تلات دروس فى المادة و بحل مش عارفة كام كتاب رغم انها مكنتش بتذاكر فى السنين اللى قبل كده وكانت بتجيب اعلى منى بردو اقولها طب ازاى بتقولى مش بذاكر وازاى بتجيبى كده ؟! انا مش عارفة العيب فى مين عارفة انه مينفعش اقارن و انا والله دايما ادعى لها واقول ربنا يوفقها اكيد ربنا عاطيها قدرات اكبر منى بس مش عارفه بردو مخى غصب عنى بيفكر وده بيتعبنى انا ويحسسنى انك مهما عملتى هتفضلى قليلة بردو
أختي العزيزة، أولاً أريد أن أقول لكِ إن شعوركِ طبيعي جداً، وكثيرات يمررن بنفس الصراع الداخلي اللي بتوصفيه. المقارنة الذاتية دي مش عيب فيكِ، لكنها فعلاً بتستهلك طاقتكِ وبتخلّيكِ تحسين إن جهدكِ "قليل" رغم إنكِ بتعملي كل اللي عليكِ. المهم إنكِ واعية بالمشكلة دي، وده أول خطوة نحو التخلص منها. ابدئي بتغيير التركيز من "ليه هي أفضل مني؟" إلى "إيه اللي أقدر أحسّنه في طريقتي أنا؟". كل مرة تلاقي نفسكِ بتقارني، قولي لنفسكِ جملة واضحة زي: "رحلتي مختلفة، وربنا عنده خطة لكل واحدة فينا". ده مش مجرد كلام، ده تذكير بأن القدرات والظروف مش متساوية، وإن النتيجة مش دايماً مقياس للجهد. حاولي تكتبي كل أسبوع إنجازاتكِ الصغيرة، حتى لو كانت "سمعت المحاضرة كاملة" أو "حلت تمرينين"، عشان تشوفي تقدمكِ أنتِ بدل ما تقارنيه بغيركِ. كمان، لما تتكلمي مع صاحبتكِ، حاولي تحددي المواضيع اللي بتثير المقارنة، ولو لزم الأمر قللي التركيز على التفاصيل الدراسية في حديثكم. ادعي لنفسكِ بنفس القوة اللي بتدعي بيها لها، وتذكري إن ربنا بيحب العبد اللي بيجتهد ويتوكل، مش اللي بيوصل أول. لو استمر الشعور ده بيأثر على مزاجكِ أو ثقتكِ، فكري في استشارة متخصصة نفسية عبر تطبيق فدني عشان تاخدي أدوات أعمق تناسب حالتكِ. أنتِ مش "قليلة" أبداً، أنتِ بتبذلي جهد حقيقي، وربنا شايفه.
تم النشر السبت، ١٧ أكتوبر ٢٠٢٦
أنا بقول أنه مفيش حاجة اسمها تبطلي مقارنة، عقلك بطبيعته بيقارن نفسك بغيرك، ودي حاجة كويسة لو بقيت حافز ليكِ أنك تجتهدي أكتر ( بس طبعا بدون مبالغة وبدون انشغال وبحث عن الناس لمقارنتها، لو الموضوع بيحصل بشكل بسيط فتمام) ... المشكلة لما المقارنة تتحول اشعور بعدم الرضا عن نفسك، هنا المعضلة ، الصح أنك ترضي باللخظة اللي أنت فيها وتتطلعي للأفضل..... احمدي ربنا دايما، في كل وقت، وبعد كل نتيجة، وبعد كل مقارنة، وكافئي نفسك على الإنجاز مهما كان صغير، المكافأة حاجة بسيطة زي حاجة تشتريها بس تكون نيتك أنها مكافأة على إنجازك
تم النشر السبت، ١٧ أكتوبر ٢٠٢٦
لعرض السؤال في فدني اضغط هنا