ما تهتمي بكلام الناس، الناس بيحكو كتير بس بالاخر كل شخص عنده حياته ومشاكله، ممكن تسمعي كلمة تتأثري فيها وتخربلك كل نهارك بالمقابل الشخص الي قالها ولا على بالو بيروّح البيت وبعيش حياته... لهيك حافظي على قلبك وحاولي ما تتأثري بكلام حدا.. هاد اولا. ثانيا، انت ما طلبتي من الوالد يسجلك بالكلية الاهلية، على العكس انت رفضتي انه يدفع بس هو من نفسه قرر انه يدفع، فما تلومي نفسك، بس بنفس الوقت استغلي هاي الفرصة... فرصة انك فتتي على الجامعة، في اشخاص ما بتسمحلهن الظروف حتى انو يكملو تعليم مدرسة... وقسمي وقتك كتير منيح، استغلي اوقات بعد الفجر للدراسة، صلي الصبح وابدئي الدراسة بترتيب... ولما اهلك يطلبو مساعدة ساعديهن واحتسبي الاجر واطلبي القوة من الله واصلا اذا بدهن يطلبو مساعدة بكون خلال النهار وانت الفجر للظهر بكون معك كتير ساعات تدرسي بنجاعة بالتوفيق❤
كلامك حقيقه
تم النشر الجمعة، ٢٦ سبتمبر ٢٠٢٥
لعرض الإجابة في فدني اضغط هنا