الاول قبل ما تنزلى تشترى اى حاجة لازم تبقى محضرة فى ورقة انتى عاوزة تشترى ايه و حطى سعر تقريبى للحاجة اللى نفسك تشتريها قصاد كل منتج عاوزة تشتريه و كميته . يبقى المنتج السعر التقريبى و ممكن تسألى ماما أو بابا سعر الحاجة تطلع كام بالتقريب و الكمية 3 أعمدة . و حطى الميزانية الإجمالية للشراء . و بعد كدا انزلى لفى فى كذا مكان عشان تشوفى احسن مكان لبيع المنتجات دى و تكون خاماتها كويسة و اسعارها تكون مناسبة . و ممكن تسألى مثلا لو فى حد من صحاباتك لقيتى مثلا عليه لبس جديد او لبس عجبك ممكن تسأليها الحاجة دى حلوة ما شاء الله عليكى . ممكن تقولولى جبتيها منين و متسأليش على سعرها عشان ميبقاش تطفل . و هكذا حيتكون عندك خبرة شرائية كويسة و بعد كدا الناس هى اللى حتيجى تسألك . نصيحة أخيرة انتى لسه صغيرة نسبيا . فأبدأى دربى نفسك على الأماكن القريبة و الحاجات البسيطة زى مثلا انزل اشترى لماما مسحوق أو فاكهة أو منتجات البان أو حتى تسالى زى اللب و السودانى من محمصة قريبة و هكذا . و لازم تكونى شاطرة فى الحساب عشان تعرفى تدفعى و تعرفى اللى متبقيلك كام عشان محدش يخدعك . بالتوفيق
ابدا . ليس هذا مجهود ضائع . بل العكس بيزيدك خبرة و قدرة على التعامل مع البائعين و بيعرفك الفرق ما بين الخامات و الاماكن . و بعدين لازم تحطى فى دماغك مش شرط انى دخلت محل ما للسؤال على منتج . انى حشتريه . اللى ممكن يعجبنى ممكن ميعجبش غيرى . و اللى يعجب غيرى ممكن ميعجبنيش . لولا اختلاف الاذواق لبارت السلع . بارت يعنى تلفت و ركدت . و اهم حاجة فى الشراء الثقة و دا جزء أساسى و ركن مهم في الشراء و متنسيش لما تشترى هدوام تدى البائع و ليس صاحب المحل . البائع اللى ساعدك اديله تبس بقشيش يعنى . لأن جايز تروحى البيت و تجربى الحاجة ممكن يطلع فيها عيب . فهو حيرحب جدا بيكى لما ترجعى الحاجة تانى و حيساعدك .
تم النشر الأحد، ٥ يناير ٢٠٢٥
انا لو نزلت عشان الف زي ما انت قولت وفي الاخر ملقيتش اللي انا عايزاه بتضايق عشان بحس أن انا لقيت عالفاضي وأحرجت نفسي🙂
تم النشر الأحد، ٥ يناير ٢٠٢٥
لعرض الإجابة في فدني اضغط هنا