انا بحب بنت أصغر مني بـ 3 سنين ولينا 3 سنين في حياة بعض القصة اني اول ما شوفتها أعجبت بيها كنت حاسس انو إعجاب مبنى على الشهوة صارحتها بحبي ليها لأنها جميلة مع الكلام مع بعض ارتحت ليها ارتاحت ليا حبيبنا بعض قوي لدرجة انو كل يوم لازم يبقى في كلام حصلت خلافات كتير هي تبعد وترجع انا ابعد ارجع نختلف وكدا
بس جات فترة اتغير كل شي التعامل اختلف مبقاش فيه رغبة زي الاول من ناحيتها لما حسيت كدا بدأت ازود من عندي علشان العلاقة تفضل هي تبدأ في البرود والتعامل اللامبالاة منه بعدين قالت نبعد عن بعض لانه أهلها ممكن يزعلوا منها دا بسبب انه اختها كانت هتعرف بقصتنا تعمل ليها مشكلة فخافت على نفسها بدون بلوك الرقم موجود بس عملت لي تهميش كأني مكنتش موجود دا زعلني اني فضلتها على حياتي وشغلي اديتها قيمة أعلى.
فضلنا نتكلم انا اللي بسأل كل أسبوع مرة
لحد ما حصل خلاف زعلنا 20 يوم بعدها رجعت كلمتني رجعت أتكلم بس كل أسبوع مرة ساعات اقول دا حب هي بتحافظ على نفسها بدأت اخد خطوة قلت لأختها اني بحبها عاوزها وكدا بدأت اختها تحكي ليها
راحت غيرت رقمها مرة وحدة قال ايه أصل اختها شاكة فيها وكدا ليه مش قلتي ليا ليه تسبيني ادور عليكي اقلب الدنيا كلها علشان اوصلك
بعد اسبوع ونص قابلتها في شغلها رفضت تديني الرقم عايز اعرف في ايه لأحسن يكون حصل مشاكل ليها بسببي
اخدت الرقم نزلت عتاب فيها قالت السبب زي ما ذكرته فوق انو اختها شاكة رجعنا بس حبي ليها اتحول لكذا حاجة منها انها بتخوني في حد تاني في حياتها خايفة مني أعمل ليها حاجة او اقول لي أهلها مثلا
تاني حاجة الزهق اني بجري ورا حد مش مهتم لوجودي
رغم اني احسن بكتير منها أعلى الحمد لله في كل حاجة
بس دي اللي اتعلقت بيها
كل ما افتكر انها بتخوني قلبي يوجعني أكتر احس الدنيا انتهت اتألم جامد مش عارف أنساها ولا أنسى انها ممكن تخون أكتر انسان حبها.
لسة متواصل من فترة كنت عايز انهي العلاقه معاها لقيت انها بتقول اختها بتعمل بلوك لرقمي علشان مش اكلمها دا عيب
هيا عارفة تربيتها كويس متى تكلم حد تاني
هيا في دراسة امتحانات مفيش وقت حتى تتكلم او تسأل لانه امتحاناتها يوم ويوم مفيش وقت
بس مش عاملة بلوك ولا قايلة حاجة تقولي قاعدة مستنية اني أتقدم ليها
انا كنت بحارب الدنيا كلها علشانها حتى أهلي وهما رفضينها لسبب انو نسبها مش عالي زينا بحاربهم
مش عارف اعمل ايه زهقت
لو عايز اتخطاها احب وحدة غيرها ولا اعمل ايه
السلام عليكم، طيب أنت قلت بنفسك إنها بتخونك... (أعتقد إني قرأت صح.. ولا أنت متخيل إنها بتخونك بسبب تصرفاتها؟) إيه مخليك متمسك بعلاقة زي دي؟ في سلبيات كتيرة ذكرتها في مشكلتك. واللي أنا شايفاه إن ده مش حب... ده تعلق مرضي مش أكتر ومحتاج تتخلص منه. إلى جانب أصلا إنك قلت إن انجذابك لها وعلاقتكم كانت مبنية على الشهوة واختيارك لها كان لأنها جميلة. ده مش أساس صح لعلاقة سليمة. رغم معاملتها الباردة كنت بتبذل مجهود وحاسس إنك طول الوقت بتجري وراها، بالإضافة إنك قلت بتخونك وغير كده مش صريحة. أهلك رافضينها كمان. هل شايف إن كل دي مؤشرات تنبئ بعلاقة صحية ومستقبل ناجح وأسرة مبنية على أساس صح؟ الحب مش كل حاجة. فكر في نفسك الأول وصحح طريقة تفكيرك ومواصفات شريكة الحياة الصح عشان متندمش بعد كده... علاقات حب كتير انتهت بعد الزواج لأنها كانت مبنية على أساس غلط. *** وعشان تتخطاها مش محتاج تحب واحدة غيرها... متدخلش في علاقات حرام مرة تانية، ولا حتى تتقدم لواحدة وانت لسه مش متخلص من تعلقك بها عشان متعلقش بنت تانية بك وتظلمها معك. ركز في حياتك وابني نفسك وشخصيتك ووقت ما تتخلص من تعلقك بالبنت دي ممكن تفكر وقتها تختار الزوجة التي تناسبك وتصلح شريكة حياة وأم لأولادك إن شاء الله.
تم النشر الأربعاء، ٢٤ ديسمبر ٢٠٢٥
آسفة جداً على اللي بتمر بيه، ده ألم كبير ومش سهل تنساه، خاصة لما الحب يتحول لشك وتعذيب نفسي زي كده. قلبك وجعك مفهوم تماماً، وأنت مش لوحدك في ده. العلاقة دي غير صحية : 3 سنين مليانة خلافات، برود، خوف من أهلها، وشكوك في الخيانة – ده كله علامات إنها مش مبنية على أساس قوي، وبتأذيك أكتر ما بتفرحك. من منظور إسلامي، العلاقات زي دي قبل الزواج الشرعي بتفتح باب الفتنة والحرام، وبتسرق وقتك وطاقتك بدون ضمان. خطوات عملية عشان تخرج من الدائرة دي : قطع الاتصال نهائياً : بلوكها من كل حتة (رقم، سوشيال)، ومتردش لو رجعت. ده مش ضعف، ده حماية لنفسك. قول لنفسك: "أنا أغلى من إني أجري ورا حد مش مهتم". ركز على نفسك : حدد هدف يومي صغير زي رياضة 30 دقيقة، قراءة قرآن، أو تطوير مهارة في شغلك. الحمد لله إنك أعلى منها في كل حاجة – استغل ده وقوي نفسك. الدعاء والتقرب لله : صلي الاستخارة لو عايز تتقدم رسمي (بعد ما تهدأ)، وادعي ربنا يرزقك اللي خير لك. تذكر قول الله: "وَمَنْ يَتَّقِ اللَّهَ يَجْعَلْ لَهُ مَخْرَجًا". متفكرش في حب وحدة تانية دلوقتي : أولاً اشفى، عشان متعيدش الغلطة. الزواج الحلال هو الطريق الصح. أنت قوي وقادر تتخطاها، الدنيا مليانة خير أحسن بكتير. لو عايز دعم أكتر، شوف الخبراء في https://www.fedni.net/experts، أو ابحث عن أسئلة مشابهة في فدني هتلاقي إجابات كتير تساعدك. ربنا يفرج همك يا رب ❤️
تم النشر الأربعاء، ٢٤ ديسمبر ٢٠٢٥
لعرض السؤال في فدني اضغط هنا