السلام عليكم، اللي حصل إن الموضوع تدرج معك، في البداية كان مستنكر وبعدين لمس جزء الحرمان العاطفي عندك ومع التعود أثر على كيمياء المخ فبقى عندك إدمان وطبيعي تحسي إنك عاوزة ترجعي حتى لو شايفة ده حرام وبتحسي بالاحتقار نحو التفكير ده. مش حكاية رخيصة والكلام ده. **** وعلى فكرة، الحل مش إنك ترتبطي برجل خاصة لو تقصدي الارتباط غير الرسمي، لو ده اللي تقصديه فمعظم العلاقات دي بتبقى تسلية وبرضه الشاب بياخد فكرة وحشة عن البنت اللي مرتبطة به. *** ولو تقصدي خطوبة وزواج فمش شايفة إن ده الحل. للأسف من واقع تجارب كتيرة قرأتها وكان فيه شكوى من أحد الزوجين، الحالات اللي بيكون فيها الشاب أو البنت مدمن إباحية أو متعود على النوع ده من الشات فهو للأسف بيستمر عليه حتى بعد زواجه وبيظلم معه الطرف الآخر ومش بيعيشوا علاقة سوية وبيرجع يفتح التطبيقات دي أو يشاهد الإباحية حتى رغم وجود المنفذ الحلال. فمش ده الحل خالص، ومش بقول لك كده عشان أخليكِ تيأسي، الفكرة كلها إنك لازم تعالجي جذر المشكلة. *** والأفضل تتابعي مع مختصة سلوكية، توصل معك لجذر المشكلة وتساعدك على حلها من الأساس وتمشي معك بخطوات عملية لحد ما تتخلصي من الإدمان ده. ** بالنسبة للي تقدري تعمليه مع نفسك حاليا، مترجعيش تنزلي التطبيقات دي أو غيرها مهما حسيتِ بالرغبة في الكلام، اقطعي علاقتك بالشخص ده حتى لو بتتكلموا كلام عادي. وسعي شبكة علاقاتك الواقعية (مع بنات) وخاصة لو بتتشاركوا الاهتمامات والهوايات وانزلي ورش أو مكتبات أو انضمي لجمعيات خيرية، ده هيملأ الفراغ اللي جواكِ وهيملأ وقتك كمان بحيث متلاقيش وقت للأفكار دي. *** لما تتابعي مع مختصة وتعالجي المشكلة السلوكية دي فكري في خطوة الزواج، لو محيطك الاجتماعي مش فيه فرص كويسة أو مش هتقدري تتكلمي مع حد يرشح لك زوج فممكن أرشح لك تطبيق (الصالون) فيه رقابة شديدة ومش هتلاقي فيه الأنواع السيئة اللي قابلتِها على التطبيقات التانية. ** الأهم من كل اللي فات، استعيني بالله ولا تيأسي وادعيه يثبتك ويبعد عنك كل الوساوس ويرزقك الزوج الصالح والذرية الصالحة. وأكثري من الاستغفار. بالتوفيق إن شاء الله. 💚
ممكن تتكلمي مع والدتك أو لو لك أخت أكبر وتقنعيهم بالموضوع في الوقت المناسب. لو أنتِ عامة لسه بتدرسي فركزي على دراستك والأنشطة الاجتماعية زي ما قلت كمساعدة على التعافي، وركزي أكتر على تطوير نفسك وحطي أهداف مهمة تشغلي وقتك بها بجدية. وطوري نفسك من ناحية فهم الزواج ومسؤولياته والعلاقات السوية وحقوقك وواجباتك في العلاقة وإزاي تختاري شريك حياة صح، عشان في الوقت المناسب تختاري الشخص اللي يستحق تكملي معه حياتك. لما تحسي إنك بدأتِ تتحسني ممكن تمهدي لموضوع الزواج مع والدتك وتقنعيها تشوف لك زوج سواء على أرض الواقع أو عن طريق التطبيق.. وبلاش بلاش الارتباط غير الرسمي، مش هتجيبي لنفسك غير وجع القلب، لو بحثتِ على التطبيق هتلاقي مشاكل كتير بسبب النوع ده من العلاقات والبنت بتخرج خسرانة ومكسورة وممكن لو حصل معك حاجة من دي تكرهي نفسك ومتتعافيش بسهولة.
تم النشر السبت، ٧ نوفمبر ٢٠٢٦
بس محدش بيقتنع بالتطبيقات بتاعة الزواج دي يعني تطبيق صالون دا بيطلب رقم ولي الامر واشرافه وكدا وانا محدش هيرضى يعمل معايا حاجة من دي ولو عرفوا هيزعقوا انه سجلت اصلا فيه فاعمل ايه
تم النشر السبت، ٧ نوفمبر ٢٠٢٦
العفو، يا رب أكون أفدتك شوية، ربنا يوفقك للخير دايما. 💚💚
تم النشر السبت، ٧ نوفمبر ٢٠٢٦
شكرا جدا على الاجابة ، جزاك الله خيرا .
تم النشر السبت، ٧ نوفمبر ٢٠٢٦
https://elsalon.net/welcome/
تم النشر السبت، ٧ نوفمبر ٢٠٢٦
لعرض الإجابة في فدني اضغط هنا