السلام عليكم،
كنت عايزة اسأل هو ازاي بتعملوا فحص كامل للفيتامينس اللي موجودة في الجسم؟ يعني انا عايزة اعرف ايه اللي ناقصه جسمي بالظبط اقدر اعوضه، لكن في نفس الوقت سألت في معمل تحاليل قالتلي لازم تكوني محددة عايزة تعملي تحاليل نوع معين من الفيتامين، حد فاهمني؟ لكن انا معرفش وهل لازم اكشف عند طبيب يقولي اعمل تحاليل ايه بالظبط؟
وعليكم السلام ، حسب الأعراض وشكوى المريض ببدأ أطلب تحاليل معينة علشان اطمن هل الأعراض دى نتيجة نقص مثلا فيتامين د أو حديد وهكذا ، كل نقص ممكن يعمل اعراض معينه فى الجسم ببقى عرفاها ، وكمان لما حد بيبدأ دايت بطلب أصلا تحاليل معينه علشان لو فيها نقص هتؤثر على نزول وزنه وصحته وهو ماشى على النظام وهكذا ،
تم النشر الاثنين، ١٦ نوفمبر ٢٠٢٦
السلام عليكم ورحمه الله وبركاته طبعا تحاليل فيتامين مش زي التحاليل الثانيه يعني ما يقدرش تروحي تقولي انا عايزه اشوف كل الفيتامين اللي في جسمي لانك هتدفعي مبلغ وقدره ومش صح ان احنا نعملها كده بدون ما يكون في تشخيص او حاجه احنا شاكين ان هي ممكن تكون قليله عشان كده تروحي لطبيب باطني وتقولي له انا عايزه اعرف ايه ممكن مشاكل اللي عندي تكون بسبب نقص الفيتامين فيبدا الدكتور يسالك اسئله يشوف مثلا عندك تساقط في الشعر نسبه معينه صحه جلدك اخبارها ايه مضبوطه ولا لا بيجيلك اعراض معينه ممكن تكون هو عارف انها ممكن تيجي بسبب نقص الفيتامين وهكذا هيسالك كذا سؤال وبعدين هيطلب منك التحاليل الخاصه بالفيتامين دي علشان يتاكد اذا كانت الاعراض والحاجات اللي بتحصل عندك بسبب نقص الفيتامين فاحنا هندي لك فيتامين كبسولات او غيره ولا لا دي مش بسبب نقص الفيتامين وممكن تكون لاسباب اخرى لها علاجات اخرى فهي دي الطريقه المتبعه الافضل علشان موضوع الفيتامين لو انت بشكل عام حاسه ان انت في عندك مشكله في الفيتامين ممكن تاخدي فيتامين بتتباع في الصيدليه عادي.
تم النشر الثلاثاء، ١٧ نوفمبر ٢٠٢٦
لعرض السؤال في فدني اضغط هنا