السلام عليكم، كنت عايزة اسأل هو ازاي بتعملوا فحص كامل للفيتامينس اللي موجودة في الجسم؟ يعني انا عايزة اعرف ايه اللي ناقصه جسمي بالظبط اقدر اعوضه، لكن في نفس الوقت سألت في معمل تحاليل قالتلي لازم تكوني محددة عايزة تعملي تحاليل نوع معين من الفيتامين، حد فاهمني؟ لكن انا معرفش وهل لازم اكشف عند طبيب يقولي اعمل تحاليل ايه بالظبط؟ @د/هاله السيد نبيه
تم النشر الاثنين، ١٦ نوفمبر ٢٠٢٦
لسة متخرجتش صدقاً، بس أظن انه يدور على اهتماماته وينميها، يكتسب لغة، وحتى ممكن تشوفي الحاجات اللي كنتِ بتأجليها دايما بسبب الدراسة وتعمليها، اكتبي في وقة كل اللي مهتمه تتعلميه وتعرفيه كل اللي مهتمه ترجعيه في يومك، اي حاجة مش عاجباكِ تحاولي تحطي خطة ليها تعدليها، ممكن كمان تقرأي، الكتب بجد عالم تاني، ممكن تكملي استكشاف وتعليم في المجال اللي كنتِ فيه لو كنتِ حباه يعني، وبس يعني دة كل اللي في دماغي 🤍
تم النشر السبت، ١٤ نوفمبر ٢٠٢٦
السلام عليكم ياجميلة، بصي من تجربتي الشخصية كنت مع مستر خالد وكان اللهم بارك شرحه وافي ومستر محترم تاخدي منه معلومة حقيقة بجد، فا لو انتِ فعلاً جربتيه وفاهمة الشرح منه اصبري على نفسك في الحل، الحل واحدة واحدة هايبقا كويس ممكن تسمعي ملخص للباب اللي وحش في الحل معاكِ او مراجعة من مستر عبد الله الحبشي كان استاذ كويس بردو ومنظم لو الدنيا مش منظمة في دماغك بس تكوني اوريدي كنت سامعة الشرح ممكن كمان تسمعي حل كتاب مندليف منصة اسمها العباقرة وكل دة على اليوتيوب وادي لنفسك فرصة تفكري في السؤال كويس، لو فضلتي تجربي في مدرسين هتحسي انك تايهة ودة الاكيد لان مشكلتك الحل مش الشرح اظن، ولو مشكلتك الشرح نفسه جربي اساتذة في سنتر قريب من محيطك حتى لو مكانش مشهور فيه ناس اللهم بارك بردو مش مشهورة ومعروفة اوي بس بتبسط المادة، المهم بلاش تصعبيها على نفسك واحدة واحدة وشوفي مشكلتك فين الاول وحليها براحة، وان شاء الله تعرفي تعدي دة.🤍 صحيح لو مشكلتك في المعادلات فا ركزي على النظري بتاعك الاول قبل ما تجربي تكتبي المعادلة او تحلي عليها، مُوفقة ان شاء الله
تم النشر السبت، ١٤ نوفمبر ٢٠٢٦
من وجهة نظري، الاول روحي مكان قريب من بيتكم الاول، اشتري حاجة بسيطة وارجعي، وبعدها وسعي المشوار شوية، روحي مكان ابعد بس مهم تكوني عارفاه واهلك عارفين وموافقين، ولو عارفة مكان هادي حتى لو جمب البيت انزلي اتمشي وروحي تاني، كدة بتعودي نفسك براحة انك تخرجي لوحدك عادي، بعدها بقا روحي مكان بعيد نسبياً زي ما حابة وحاولي تعملي حاجات بتحبيها، علشان متحسيش انه ايه الملل دة ياريتني خرجت مع حد وبتاع، لو خارجة مكان تقعدي فيه زي حديقة صغيرة او مكتبة مثلا خدي معاكِ نوت بوك صغيرة اكتبي فيها ان دة مشوار خرجتيه لوحدك وهعمل كذا وعايزة اعمل كذا ودوني مشاعرك وقتها عاملة ازاي واكتبي التاريخ علشان لما تروحي وتقرأيها تاني تفتكري انك كنتِ مبسوطة بخطوة زي دي، وبس الصراحة دة كل اللي عندي يعني اتمنى اكون فيدتك ولو حاجة بسيطة 🤍
تم النشر السبت، ١٤ نوفمبر ٢٠٢٦
الحقيقة أنا مش شايفة اي مشاكل غير اولاً صُحبتك، وثانياً علاقتك مع ربنا، لأن كلامك بيدل إنك مش عارف ان دة مش عادي او حرام؟ وحتى لو عارف فا هي هي نفس المشكلة، انا شايفة انك كدة تمام وزي الفل، وبعدين لسة اولى جامعة عايز تكلم بنات ليه؟ واصلاً الجملة مريبة، يعني ايه تكلم بنات! دة مش هيفيدك بحاجة بال العكس تماماً مشاعرك هتستنزف على الفاضي حرفياً، ولما يجي الوقت المناسب مع إنسانة مناسبة مش هتعرف تجرب معاها مشاعرك لأول مرة بال مش هتعرف تديها مشاعر اساساً، حضرتك في اولى جامعة دة معناه انك تركز على كليتك ودراستك ومستقبلك، اما العلاقات فا وقتها المناسب ربنا اللي بيحدده، وانا بتكلم عن العلاقة اللي بجد، فنصيحتي إنك تبعد عن صُحبتك دي، لان هي اللي خلتك تحس بالنقص وهي بردو اللي هتخليك تعمل حاجة انت مكنتش بتعملها، والحاجة دي على المدى البعيد هتأثر على نفسيتك وعلاقتك بربنا، ومستقبلك، الافضل تشوف ناس شبهك ناس تزقك لفوق مش العكس، وادخل في طريق تزكية النفس واسمع بودكاست لدة، واعرف ازاي تقرب من ربنا وتعمل لنفسك حدود واضحة، لإن مش اي حاجة الكل بيعملها بالضرورة تكون صح او حتى عادي، دة لا عمره كان العادي ولا هيكون.
تم النشر الاثنين، ٢ نوفمبر ٢٠٢٦
متشكرة جداً على التوضيح. 🤍
تم النشر الثلاثاء، ١٧ نوفمبر ٢٠٢٦
وفي الكيمياء كتاب مندليف كويس جداً وأفكاره حلوة
تم النشر السبت، ١٤ نوفمبر ٢٠٢٦
لعرض الملف الشخصي في فدني اضغط هنا