إجابة علي السؤال: ما أفضل ترشيحاتكم لمدرسي مادة الكيمياء للثانوية العامة لشرح المنهج وطرق الحل بسلاسة؟

السلام عليكم ياجميلة، بصي من تجربتي الشخصية كنت مع مستر خالد وكان اللهم بارك شرحه وافي ومستر محترم تاخدي منه معلومة حقيقة بجد، فا لو انتِ فعلاً جربتيه وفاهمة الشرح منه اصبري على نفسك في الحل، الحل واحدة واحدة هايبقا كويس ممكن تسمعي ملخص للباب اللي وحش في الحل معاكِ او مراجعة من مستر عبد الله الحبشي كان استاذ كويس بردو ومنظم لو الدنيا مش منظمة في دماغك بس تكوني اوريدي كنت سامعة الشرح ممكن كمان تسمعي حل كتاب مندليف منصة اسمها العباقرة وكل دة على اليوتيوب وادي لنفسك فرصة تفكري في السؤال كويس، لو فضلتي تجربي في مدرسين هتحسي انك تايهة ودة الاكيد لان مشكلتك الحل مش الشرح اظن، ولو مشكلتك الشرح نفسه جربي اساتذة في سنتر قريب من محيطك حتى لو مكانش مشهور فيه ناس اللهم بارك بردو مش مشهورة ومعروفة اوي بس بتبسط المادة، المهم بلاش تصعبيها على نفسك واحدة واحدة وشوفي مشكلتك فين الاول وحليها براحة، وان شاء الله تعرفي تعدي دة.🤍 صحيح لو مشكلتك في المعادلات فا ركزي على النظري بتاعك الاول قبل ما تجربي تكتبي المعادلة او تحلي عليها، مُوفقة ان شاء الله

إجابة من Laila Mohammed

تم النشر السبت، ١٤ نوفمبر ٢٠٢٦

1 تعليق

شكراً جدا لحضرتك 🤍

تم النشر الاثنين، ١٦ نوفمبر ٢٠٢٦

لعرض الإجابة في فدني اضغط هنا

فدني: فدني مجتمع عربي للأسئلة والإجابات والاستشارات، يجيب فيه خبراء موثّقون وأشخاص مرّوا بالتجربة.