إجابة علي السؤال: كيف أتشجع على الخروج والتنزه بمفردي وأستمتع بالاعتماد على نفسي؟

من وجهة نظري، الاول روحي مكان قريب من بيتكم الاول، اشتري حاجة بسيطة وارجعي، وبعدها وسعي المشوار شوية، روحي مكان ابعد بس مهم تكوني عارفاه واهلك عارفين وموافقين، ولو عارفة مكان هادي حتى لو جمب البيت انزلي اتمشي وروحي تاني، كدة بتعودي نفسك براحة انك تخرجي لوحدك عادي، بعدها بقا روحي مكان بعيد نسبياً زي ما حابة وحاولي تعملي حاجات بتحبيها، علشان متحسيش انه ايه الملل دة ياريتني خرجت مع حد وبتاع، لو خارجة مكان تقعدي فيه زي حديقة صغيرة او مكتبة مثلا خدي معاكِ نوت بوك صغيرة اكتبي فيها ان دة مشوار خرجتيه لوحدك وهعمل كذا وعايزة اعمل كذا ودوني مشاعرك وقتها عاملة ازاي واكتبي التاريخ علشان لما تروحي وتقرأيها تاني تفتكري انك كنتِ مبسوطة بخطوة زي دي، وبس الصراحة دة كل اللي عندي يعني اتمنى اكون فيدتك ولو حاجة بسيطة 🤍

إجابة من Laila Mohammed

تم النشر السبت، ١٤ نوفمبر ٢٠٢٦

1 تعليق

شكرا جدا بجد

تم النشر السبت، ١٤ نوفمبر ٢٠٢٦

لعرض الإجابة في فدني اضغط هنا

فدني: فدني مجتمع عربي للأسئلة والإجابات والاستشارات، يجيب فيه خبراء موثّقون وأشخاص مرّوا بالتجربة.