ما هي أفضل الكتب والمصادر الإضافية التي ينصح بها لطلاب الثانوية العامة (علمي علوم)؟

ممكن حد يرشحلي كتب تالته ثانوي اضافيه

معايا الخبير والامتحان فيزيا

الامتحان والتفوق كيميا

الامتحان والتفوق أحياء

الابداع و الامتحان وكتب محمد صلاح عربي

العمالقه والمعاصر انجليزي

انا علمي علوم

ما هي أفضل الكتب والمصادر الإضافية التي ينصح بها لطلاب الثانوية العامة (علمي علوم)؟

سؤال من أحد أعضاء فدني

تم النشر الجمعة، ٦ نوفمبر ٢٠٢٦

1 إجابة

السلام عليكم ورحمه الله وبركاته. الحقيقه لو انا هنصح مش هنصح بان احنا نزود على نفسنا مصادر زياده خلينا دائما الفكره الاساسيه بتاعتنا هو ان احنا بنقدر رب على الاجابه. يعني ايه متدرب على الاجابه انا بشوف اسئله بطرق متنوعه. وبشوف انا اجاوب عليهم افضل اجابه ازاي وده يكون كافي جدا لانه. التريكيه بتكون في التدريب المستمر ان انا بمرن عقلي ازاي يسترجع الاجابه المظبوطه في وقت قليل وما يحتاجش ان هو يتشتت او ياخذ وقت كبير وهو ده اللي بيكون كافي جدا كنت بشوف فيديو بيحكي عن القصه بتاعه دكتور احمد زويل وكانت واحده من الحاجات اللي قابلته لما سافر بره ان هو كان شاطر طريقه ان هو يحفظ ويسترجع المعلومه المحفوظه بالظبط ولكن الطريقه كانت بتاعه الامتحانات اللي بره اللي هي الطريقه اللي محتاجه سرعه بديهه كان هو مش متدرب عليها وده مثل له تحدي جديد ومختلف وهو موجود بره وبيكمل دراسته بره او شغله مع الناس بره وخلينا نقول انه دي فعلا. نقطه التدريب على استرجاع المعلومه ايا كانت شكلها جميل يبقى سؤال.

تم النشر الأحد، ١٥ نوفمبر ٢٠٢٦

8 تعليق

أعتقد دول كفاية وكمان كتاب واحد يكفي لو خلصتي كل الأفكار والاسئلة لكن بلاش تجيبي تاني كفاية دول، وصدقًا لو جبتي كتب العالم كله كلها نفس الأفكار، المهم ركزي على الشرح والحل أول بأول، وكتاب مهم جدًا تخلصي كل الأفكار بس أفكار كتاب واحد

تم النشر الجمعة، ٦ نوفمبر ٢٠٢٦


النفيس دا في الأحياء

تم النشر الأحد، ٨ نوفمبر ٢٠٢٦


انا برضو بقول كفايه دول اهم حاجه تخلصيهم بس

تم النشر السبت، ٧ نوفمبر ٢٠٢٦


والمعاصر في الانجليزي جميل جدا

تم النشر الأحد، ١٥ نوفمبر ٢٠٢٦


والمعاصر في الانجليزي جميل جدا

تم النشر الأحد، ١٥ نوفمبر ٢٠٢٦


وفي الكيمياء كتاب مندليف كويس جداً وأفكاره حلوة

تم النشر السبت، ١٤ نوفمبر ٢٠٢٦


دول كفايا وممكن تشوفي الاسئله الغيرك بيغلط فيها واكتبيها ذاكريها عشان متغلطيش فيها

تم النشر السبت، ١٤ نوفمبر ٢٠٢٦


بصي هو مش ب عدد الكُتب اهم حاجه انك تخلصي كل افكار الأسئلة الموجوده

تم النشر الجمعة، ١٣ نوفمبر ٢٠٢٦

لعرض السؤال في فدني اضغط هنا

فدني: فدني مجتمع عربي للأسئلة والإجابات والاستشارات، يجيب فيه خبراء موثّقون وأشخاص مرّوا بالتجربة.