د/هاله السيد نبيه

(أخصائية التغذية العلاجية والسمنة) ✍🏻شهادة فى التغذية العلاجية جامعة إيمورى بأمريكا ✍🏻دبلومة فى التغذية العلاجية من كلية الصيدلة بتقدير إمتياز مرتفع ✍🏻تم ترشيحي لوظيفة فى المركز القومى للبحوث سنة ٢٠٠٨ قبل التحاقى بمركز الكلى والمسالك البولية جامعة المنصورة ✍🏻صيدلانية كلينيكال بمركز الكلى والمسالك البولية جامعة المنصورة سابقًا ✍🏻عضو باللجنه الإعلامية بنقابة الصيادلة بالدقهلية سابقًا ✍🏻صانع محتوى طبى على وسائل التواصل الإجتماعى منذ بداية عام ٢٠١٥ ومساعدة حالات على رسائل الصفحه

✍🏻خريجة كلية الصيدلة والتصنيع الدوائى بمجموع امتياز ✍🏻كتابة مقالات طبية على تطبيق ميدارو الطبى سابقًا وبعض الصفحات الطبيه ✍🏻حضور مؤتمرات طبيه فى التغذية العلاجية والصيدلة الإكلينيكية فى مصر والكويت والملتقى الإعلامى العربى ✍🏻مساعدة حالات على نزول الوزن بشكل صحى عن طريق متابعات الأون لاين✍🏻الإنضمام كخبيرة من خبراء تطبيق فدنى كأخصائية فى مجال التغذية العلاجية

إجمالي النقاط: 220

1 سؤال

ما هي أبرز أعراض وعلامات مقاومة الإنسولين وكيف يمكن الاستدلال عليها مبكراً؟

مين يعرف أعراض مقاومة الإنسولين ؟حاولوا تجاوبوا و هنزلكم الإجابة آخر اليوم

تم النشر الثلاثاء، ١٧ نوفمبر ٢٠٢٦

5 إجابة

✍️ لو فى زيادة فى منطقة البطن….شعور بالإرهاق من أقل مجهود طول اليوم ،صعوبة فى التركيز من أى حاجة بنعملها بشكلٍ يومي ،جوع وعطش مستمر طول اليوم وخصوصًا بالليل ،ميل لأكل السكريات والمعجنات والنشويات ، لما نعمل دايت بيبقى فى ثبات فى الوزن ،بيحصل زيادة فى الوزن بشكل ملحوظ فى مدة بسيطة ،ظهور زوائد جلدية وخصوصًا فى منطقة الرقبة اسمرار الجلد فى بعض مناطق الجسم وخصوصًا الرقبة والإبط ،ممكن يبقى فى معاناة من إرتفاع ضغط الدم وتكيس المبايض ……كل دى أعراض مقاومة الإنسولين ….. يعنى إيه مقاومة الإنسولين ،طيب يعنى إيه إنسولين ،أى أكله بأكلها بتعلى الإنسولين فى الدم ….كل مرة بيطلع إنسولين الجسم بيخزن دهون ….ولما نكون محتاجين نقلل دهون فلازم نقلل نشويات وسكريات 💥الإنسولين وظيفته إنه بياخد الأكل وبيدخله جوه الخلية عن طريق إنه يوصلها طاقة ولما نأكل نشويات وسكريات كتير طول الوقت فطول الوقت الجسم فيه إنسولين …..كل شوية يدخل إنسولين على الخلية لحد ما فى يوم من الأيام هتقفل بابها ⬅️أول ما تقفله كده إسمها مقاومة الإنسولين ،يعنى الأكل مبقاش يوصل للخلية ولو مقاومة الإنسولين متسيطرش عليها يبقى فى طريقنا لمرض السكر فلازم نسيطر عليه علشان صحتنا …… #مقاومة_إنسولين #كارديو #مقاومة #أكل_صحى#النوم

تم النشر الثلاثاء، ١٧ نوفمبر ٢٠٢٦


وعليكم السلام ، بتأكلى أقل من احتياج جسمك وغالبا بيحصل نقص فى فيتامينات ومعادن كنتيجة لكده فيسبب اصفرار الوجه وتساقط الشعر، محتاجه أكيد نظام غذائي مناسب لك وتغيير أسلوب حياة

تم النشر الاثنين، ١٦ نوفمبر ٢٠٢٦


وعليكم السلام ، حسب الأعراض وشكوى المريض ببدأ أطلب تحاليل معينة علشان اطمن هل الأعراض دى نتيجة نقص مثلا فيتامين د أو حديد وهكذا ، كل نقص ممكن يعمل اعراض معينه فى الجسم ببقى عرفاها ، وكمان لما حد بيبدأ دايت بطلب أصلا تحاليل معينه علشان لو فيها نقص هتؤثر على نزول وزنه وصحته وهو ماشى على النظام وهكذا ،

تم النشر الاثنين، ١٦ نوفمبر ٢٠٢٦


ممكن يكون قلة النوم والسهر أو التوتر والقلق أو سوء التغذية ونقص بعد الفيتامينات والأنيميا ،أى سبب من دول عندك ؟

تم النشر الأحد، ١٥ نوفمبر ٢٠٢٦


هل حضرتك بعد وقف الحقن كنت متابع مع دكتور التغذية بنظام غذائى صحى مناسب لك ، غنى بالبروتين والألياف وممارسة النشاط البدنى ؟؟؟ لأن لو رجعت لعادات الأكل القديمة و قللت الحركة فطبيعى الوزن يزيد بعد إيقاف الحقن

تم النشر السبت، ١٤ نوفمبر ٢٠٢٦

4 تعليق

أكيد ، اضغطى على حجز استشارة هيوصلك بالواتس أب بتاعى

تم النشر الاثنين، ١٦ نوفمبر ٢٠٢٦


مسك الموبيل كتير يسبب صداع بسبب شد عضلات الرقبة والضغط المستمر على عضلات الرقبة وكمان اجهاد العينين

تم النشر الأحد، ١٥ نوفمبر ٢٠٢٦


هل ضغط الدم مظبوط عندك ، ولا يعنى فى ارتفاع أو انخفاض فى الضغط؟ هل فى الم فى الرقبة؟

تم النشر الأحد، ١٥ نوفمبر ٢٠٢٦


اعملى تحليل صورة دم كاملة (CBC) ومخزون حديد ferritin علشان نتأكد فى أنيميا ولا لا ممكن تسبب الأعراض دى ، كمان كشف نظر ضرورى

تم النشر الأحد، ١٥ نوفمبر ٢٠٢٦

حساب فيسبوك حساب تويتر حساب يوتيوب حساب انستجرام

لعرض الملف الشخصي في فدني اضغط هنا

فدني: فدني مجتمع عربي للأسئلة والإجابات والاستشارات، يجيب فيه خبراء موثّقون وأشخاص مرّوا بالتجربة.