إجابة علي السؤال: ما هي أبرز أعراض وعلامات مقاومة الإنسولين وكيف يمكن الاستدلال عليها مبكراً؟

✍️ لو فى زيادة فى منطقة البطن….شعور بالإرهاق من أقل مجهود طول اليوم ،صعوبة فى التركيز من أى حاجة بنعملها بشكلٍ يومي ،جوع وعطش مستمر طول اليوم وخصوصًا بالليل ،ميل لأكل السكريات والمعجنات والنشويات ، لما نعمل دايت بيبقى فى ثبات فى الوزن ،بيحصل زيادة فى الوزن بشكل ملحوظ فى مدة بسيطة ،ظهور زوائد جلدية وخصوصًا فى منطقة الرقبة اسمرار الجلد فى بعض مناطق الجسم وخصوصًا الرقبة والإبط ،ممكن يبقى فى معاناة من إرتفاع ضغط الدم وتكيس المبايض ……كل دى أعراض مقاومة الإنسولين ….. يعنى إيه مقاومة الإنسولين ،طيب يعنى إيه إنسولين ،أى أكله بأكلها بتعلى الإنسولين فى الدم ….كل مرة بيطلع إنسولين الجسم بيخزن دهون ….ولما نكون محتاجين نقلل دهون فلازم نقلل نشويات وسكريات 💥الإنسولين وظيفته إنه بياخد الأكل وبيدخله جوه الخلية عن طريق إنه يوصلها طاقة ولما نأكل نشويات وسكريات كتير طول الوقت فطول الوقت الجسم فيه إنسولين …..كل شوية يدخل إنسولين على الخلية لحد ما فى يوم من الأيام هتقفل بابها ⬅️أول ما تقفله كده إسمها مقاومة الإنسولين ،يعنى الأكل مبقاش يوصل للخلية ولو مقاومة الإنسولين متسيطرش عليها يبقى فى طريقنا لمرض السكر فلازم نسيطر عليه علشان صحتنا …… #مقاومة_إنسولين #كارديو #مقاومة #أكل_صحى#النوم

إجابة من د/هاله السيد نبيه

تم النشر الثلاثاء، ١٧ نوفمبر ٢٠٢٦

0 تعليق

لعرض الإجابة في فدني اضغط هنا

فدني: فدني مجتمع عربي للأسئلة والإجابات والاستشارات، يجيب فيه خبراء موثّقون وأشخاص مرّوا بالتجربة.