مشكلتك مش تافهه ولا حاجة اولا مفيش مشكلة فى كونك تحبى تصاحبى الاكبر منك ... المهم هل انتى عارفه انتى بتحبى تصاحبيهم ليه ؟..يعنى بتشوفى نفسك فيهم لما تكبرى مثلا وبيبقوا بالنسيالك قدوه ولا بتحسى كده بالامان وانتى مع حد اكبر منك ؟ اهتمامك بانك متغلطيش معاهم فى الكلام وانك تحافظى على صورة معينه ده شىء جميل بس هل هو مع الاشخاص دول بس ولا بتركزى مع الناس كلها كده عشان متزعليش حد ؟ واحب اعرف شكل علاقتك باهلك وهل انتى قريبة منهم ولا لا ؟
اظهارك لمشاعرك مش هيقلل من قيمتك ولا هيغير من ان شخصيتك تظهر قويه ابدا
تم النشر الاثنين، ١٩ فبراير ٢٠٢٤
اللغبطة دى مش فى صالحك ...انتى جواكى حاجات جميلة ..حتى لو البيت كله مش بيظهر حب واحتواء..خليكى انتى مصدر ده عشان متلاقيش نفسك بتدورى على اللى موجود اصلا وتأذى نفسك بمشاعرك اللى هى حلوه اصلا بس لما تكون مش فى محلها هتتقلب ضدك
تم النشر الاثنين، ١٩ فبراير ٢٠٢٤
يعنى هى شخص انتى معجبة بطريقته اوى وشخصيته وحاطاها شعوريا فى مقام زى بتاع الاهل اللى انتى تكونى بتقدميلهم حب وتقدير و بتبذلى كل الجهد عشانهم
تم النشر الاثنين، ١٩ فبراير ٢٠٢٤
جميل جدا...هو ده توجه للمشاعر فى غير محله
تم النشر الاثنين، ١٩ فبراير ٢٠٢٤
بحس مع الأكبر مني بالأمان وبالاحتواء كمان وبراحة أكبر من كوني مع زمايلي اللي من سني مع أن صحابي اللي هم من سني بيحبوني جدااااا جدااا كمان بس عمري م اتعلقت بحد فيهم بالعكس أنا مهملة جدا ف علاقاتي يزمايلي اللي من سني بهتم شوية وبعد كدا بحس بملل وان أنا خلاص معنديش طاقة لأي علاقة بس مع الأكبر مني واللي هم مش كل الأشخاص اللي اكبر مني هي بتبقي شخصية واحدة بس بتبقي هي بالنسبالي كل حاجه ف الدنيا عايزة افضل معاها علطول مع أن عايزة اقول ان شخصيتها قوية اصلا ومبتظهرش اي مشاعر أو كدا الا كل فين وفين بس معجبة أنا بشخصيتها وهي إنسانة ناجحة جداا ماشاءالله ومحبوبة جدا وعلاقاتها واسعة جداا جدا يعني بحب كل حاجه فيها وعلفكرة انا بحب انا اللي اقدملها وبحس أن انا فرحانة ومستريحة لو هي زعلانة وانا جبتلها حاجه وفرحتها أو اهتميت بيها ف أي حاجه بحي انا اللي احتويها كمان وأي رد فعل صغير منها لو بس بصتلي وضحكت بيبقي جوايا شعور ميتوصفش هي راحتي ف أن انا اخليها فرحانة بسببي أو احسسها باهتمام كبير اووي كأني انا الكبيرة وهي اللي أختي الصغيرة مثلا وبالنسبة للتدقيق ف كلامي انا ف كلامي عموما مع الناس حريصة جدااا وباخد بالي من كل كلمة انا بقولها يعني براعي مشاعر الناس جدااا بس فكرة بقي ان انا ببقي عايزة أظهر بشكل مثالي واخاف اكون قلت كلمة أو اتصرفت تصرف يزهق اللي قدامي دا بيبقي بزيادة اووي مع الأشخاص دول بس لو اي حد تاني ممكن افكر شوية وبعدين انسي عادي إنما هي لأ بفضل طول اليوم ولحد م اشوفها المرة اللي بعدها وانا بفكر ف آخر موقف انا عملته وعلاقتي بأهلي كويسة الحمدلله مفيش أي مشاكل بس في نقطة كدا في جفاف شوية أو مفيش احتواء اوي وحتي انا كمان ف البيت ببقي جافة جدااا يعني كل اللي بقول عليه دا بيبقي في الشارع إنما أنا ف البيت شخص تاني اصلا مستحيل أقول كلمة حلوة أو اقدم احتواء أو الكلام دا لحد من اخواتي اوحد من البيت لأن دا طبعنا وطبع البيت كلو ف لو هموت كدا مظهرش اي مشاعر ولا عاطفة ولا اي حاجه من دي ف البيت
تم النشر الاثنين، ١٩ فبراير ٢٠٢٤
لعرض الإجابة في فدني اضغط هنا