أنا شاب لدي من العمر ٣٥ عام مريت بأشياء كتر صعبه في حياتي تعرضت لاغتصاب اكتر من مره وانا طفل في حدود ٥ او ٦ سنين او اكتر مش متذكر كويس كنت صغير جدا لكني فاكر الأحداث وكان اول مره كنت رايح الدرس وكان في جمبنا مدرسه تجاره بنات اعترضوا طريقي ٣ اشخاص في الشارع قدام الناس كتفوني ونطو بيا سور المدرسة وهددوني بمطوه واعتدو عليه وانا مكنتش فاهم شيء وعمال أعيط
وكان تاني شخص اعتدي عليه ابن عمي وانا مكنتش فاهم حاجه برده وبعدها زي ما يكون القدر كان قصدني تعرضت للاعتداء لتالت مره من قبل شخص كان عامل بناء ومرت الايام وكبرت وانا دايما حريص ان حد يعرف سري وكنت دايما مصاحب صحاب بتوع مشاكل برغم انهم مش شبهي ولا أنا شبههم
جايز كنت مصاحبهم عشان بطمن معاهم او بتحمي فيهم او بداري نفسي وسطيهم انه حد يكشف امري مش عارف ودايما كنت في صراع مع والدي بسب صحبتي للناس دي لانه والدي ظابط جيش لكنه كان قاسي جدا جدا عليه أنا وأمي
كانت والدتي الله يرحمها تقولي انه كان بيضربني وانا طفل وفي اللفة لو عملت حمام على نفسي بصراحه والدي أذاني كتير سواء بالضرب القاسي والتكتيف بالحبال لدرجه انه كنت بروح المدرسه والحبال معلمه في ايدي وعلى رقبتي وكان صحابي يتريقو عليا وانا كنت اقعد ألف قصص عشان احاول اداري العلامات دي
ودايما كنت بطفش من البيت لما اعرف انه على وصول عشان كنت بخاف يضربني او يموتني وكنت اروح اسهر في أفراح وأسهر مع أصحابي في الشوارع ومرت الايام وبعدها سافرت اوربا عن طريق البحر وبقالي في الغربه ١٥ سنه ومش عارف اعمل أوراق ولا حتى عارف اعمل فلوس ولا عارف انزل مصر
ولا بقيت عارف أتعامل مع الناس برغم اني شخص هادي جدا وبحب الهزار وطيب وبحب أساعد الناس وبدعي اني ذكي شويه لكن مشكلتي بغضب بسرعه نتيجة الصراع الي جواي والظروف الي عايشها وعشتها خصوصا اني بقيت شايف في عيون كل الي حواليه انهم كاشفين امري ولكن محدش واجّهني باللي بيحكوه حواليه حتى اقرب الناس ليه زي ما يكون متأكدين عشان كده محدش حاول يوجهمي او يتأكد مني ويسمعني زي ما يكون باين في ملامحيً ولا في نظراتي مش عارف
حاولت انتحر اكتر من مره وكان بينقذوني على آخر لحظه بسب قصه حب مع بنات مكملتش وسابوني وراحو وبسبب الصراع والخوف الي بقا ملازمني ودخلت في قصص حب مع بنات ومع رجاله كمان عملت معاهم علاقات كامله لكن كراجل مش شاذ لان بالرغم كل دي ولكن عمري ما كنت شاذ ولا حتى فكرت في يوم من الايام
انا عملت كده لأسباب كتيره هنا في اوربا الشواذ كتير وبيصطادوا الشباب الصغير والتايه في الحياه وانا كنت منهم وانا كنت شاب صغير ٢٠ سنه مع العلم اني برضه اتجهت الاتجاه ده عشان مكنش معايه فلوس أعيش بالرغم اني ليه أهل هنا دمرونا ومساعدونيش ولا حتى رضيو يعملوا لي ورق عشان اعرف اشتغل زي الناس بقيت اروح انام معاهم ويدوني فلوس سواء نساء او رجاله لبسه لبس حريمي يعني.
وبالنسبه للعلاقات الحب للبنات الي عرفتهم في حياتي ايام الدراسه كنا نقعد مرتبطين سنه واتنين وتلاته وانا مش عارف احوش فلوس ولا اعمل شيء بسبب اني مش عارف أكمل في شغل لان ممكن أعمل مشكله معاهم او هم يحاولو يعملو معايه مشكله عشان يطرودوني ويطردوني
جايز مبقتش عارف أتعامل مع الناس ولا هم الناس الي مش فاهمين أنا حياتي بقت مشتتة ومبقتش عارف اعمل ايه خصوصا اني بعد سن ٣٠ بقت متمسك بعاداتي وتقاليد المصريين ومش عارف أتعامل مع اوربين بعادتهم وتقاليدهم ولا حتى مع العرب لان ببساطه معدش حد بيتعامل بالعادات والتقاليد والاصول في الزمن الحالي
خصوصا كمان الي هدني ولغبطني اكتر موت والدتي من كذ اقل من سنه وكان والدي له سبب كبير بعد امر ربنا كان بيعاملها وحش جدا بسبب مرضها وكان دايما يهينها ويسبها طول الوقت. لكن دايما عندي احساس بيرودني ان الي والدي بيعملو ده ومش متزن نفسيا كده بسبب انه يعرف حاجة دايما كنت بحسها في نظراته وكلامه ليه ولكن مواجهنيش بشيء وانا معنديش ولا كان عندي الشجاعة اني احكي
أنا بسببي العيله كله سمعتها ادمرت وانا ادمرت بسبب القدر والنصيب ودايما بقول الحمد لله ومش معترض وزي الجبل شايل وساكت لكن أنا حقيقي مبقتش قادر
كان نفسي أعيش حياه طبعيه أتجوز واعمل بيت وأسره وافرح والدتي لكن ربنا ما أردش وبقيت عايش في وحده رهيبه وادخل حاله اكتئاب وأخرج منها ومبقتش عارف أتعرف على حد ولا حتى علي وحده تحتويني وتحتوي الطفل الي اتظلم جوايه بحنانها وتعوضني عن حنان امي وتبقى سندي لكن حتى دي بقيت فاشل فيه بسبب حاله الانطواء والخوف الي بقيت فيه
انا حتى بقيت اخاف أتواجد في مكان فيه ناس كتير بخاف من نظرتهم او يكون في حد بينهم عارف سري
الخوف الشديد بقا متمكن مني جدا لدرجة انه بقا باين في ملامحي أنا حقيقي مبقتش عارف اعمل ايه او اقول ايه أنا بقول الكلام دي وانا عارف ان المساعد ربنا لكن الي جواي محدش يستحمله ودايما عندي سوال لربنا ليه أنا يارب ولما استوعب الي قلته واستغفر ربنا وارجع أسأل طب الحكمه من البلاء ده وليه أتعرض لكل ده لحد ما أنا وعائلتي ادمرنا وضاعت سمعتنا بين الناس
ولا ده غضب من ربنا عليه هل طفل صغير غلط في ايه عشان ربنا يغضب عليه كده أنا تعبت والله العظيم من الوحده والتفكير في اسئله كتير مش لاقي ليه اجابات تعبت من جلد الذات وبقيت فاقد الأمل في كل البشر الي ربنا ودايما اقول ان أكيد ربنا حيعوضني بس هل في عوض عن الي حصلي ده شرف البني آدم وستر ربنا عليه مفيش اغله منه.
اسف للاطاله برغم اني اختصرت كلام كتير بالرغم اني مش عارف أنا كتبت الكلام دي ليه او حغير اي في الي القدر أو في الي حصل..
السلام عليكم، عارفة إن الابتلاء صعب واللي مريت به كان لازم يترك أثر كبير ومحدش فينا يقدر يحكم عليك وهو ممرش بنفس الظروف، لكن ليه متتعاملش إن خلاص كل ده في الماضي؟ لحد امتى هتفضل مستسلم للماضي وغرقان في دوامة جلد الذات والبحث عن الحكمة من الابتلاء بدل البحث عن المخرج. ** أي حد هنا هينصحك إنك توقف جلد ذات وتفوق لنفسك ممكن تحس إنه بيحكم عليك أو مش حاسس باللي مريت به ولا متفهم إن تصرفاتك كانت نتيجة للي تعرضت له، لكن صدقني أي طبطبة وكلام عن إن معك حق في كل كلامك وإنك لا تتحمل أي مسؤولية هيكون ضحك عليك ومساعدة إنك تفضل غرقان في الوضع ده. ** أيوه وأنت طفل مفيش ذنب عليك وكنت ضحية بس حتى لو تحت ضغط ظروف مريت بها أي قرارات أخدتها كانت جزء من خطأك ونتيجة لاستسلامك. وأي قرار نابع من استسلام حاليا هيكون برضه خطأ منك مش من القدر لأنك بدل ما تضع حد للماضي فضلت شايله على ظهرك ومستسلم إنه يدفعك للهاوية. *** هل تفتكر إن مفيش ناس مرت بابتلاء أعظم من اللي مريت به من طفولتك؟ فيه ناس مروا بظروف أسوأ وأبشع بمراحل. في حالتك مثلا، مع صعوبة وبشاعة اللي حصل في طفولتك، تخيل أطفال في نفس السن على مر السنين كان سيناريو اللي حصل معهم أبشع، أطفال اتخطفت واتباعت عشان تجارة الجنس وصناعة الإباحية. منهم كانوا عايشين حياة مسالمة مع أهاليهم وأطفال تانية مروا ببشاعة الحروب والكوارث قبل ما يتعرضوا بعدها للخطف والاتجار فيهم. ومش اعتداء مرة أو تلاتة زي ما حصل معك، ده اعتداء متكرر ومستمر لسنين. حالات كتيرة جدا وموجودة في العالم. فيه منهم اللي أكيد مات ومكملش وناس استسلمت لمصيرها وناس تانية عرفت تنتصر على ماضيها وتتعافى وتساعد غيرها بعد كده وحتى تحارب في سبيل منع تعرض غيرها لنفس المصير. ****** فالخلاصة، هتفضل واقف مكانك مستسلم للماضي وبتتساءل عن حكمة القدر والابتلاء مش هتخرج من اللي انت فيه. وقف البحث عن أي تبريرات أو أسباب للماضي وحتى الأخطاء اللي عملتها لما كبرت وابدأ البحث عن الحلول وفقط. وأول الطريق إنك تستعين بالله وتلجأ إليه وترضى من قلبك. سلم أمرك لله وهو المعين. وتذكر دائما بخصوص القدر والابتلاءات. (الله يعلم وأنتم لا تعلمون) *** طولت في إجابتي بس أرجو إنها تفرق معك وأكون ساعدتك ولو بقدر بسيط. بالتوفيق.
تم النشر السبت، ٢٩ نوفمبر ٢٠٢٥
قرب من ربنا واستغفر واحكيله عن كل حاجه اعتبره صاحبك اللي واثق انه عمره ميطلع سرك لحد واستغفر عن كل حاجه عملتها انت اه استسلمت وامشيت ورا الغلط رغم انك عارف أنه حرام وغلط ويمكن بررت دا أن اللي حواليك كدا بس رغم أن انا عارف أنه غلط وحرام عملته اللي حصل خلاص بس مش تتمادي ف الغلط ومش تبرر أن كل اللي حواليا كدا عشان هما غيرك وربنا يهدينا جميعا عارفه اللي حصلك وانت طفل اثر فيك اوي بس انت استسلمت لما كبرت وكنت عارف ان دا غلط وبرضوا عملته بس فوق بقى وكفايه كدا اولا زود ثقتك من نفسك وقول دايما اعوذ بالله من الشيطان الرجيم واي لحظه ضعف تفكر فيها استغفر وافتكر أن ربنا قريب منك ومعاكي في كل لحظه ربنا قال ونحن أقرب إليه من حبل الوريد صلي وتحميله حتي لو الحاجه دي بنسبالك عادي قول كل اللي عاوزه قوله يارب عاوز اقرب منك عاوز اتغير عايز أبقى عبد انت راضي عنه بس مش تقعد تجلد في نفسك حرام عليك نفسك هتحاسب عليها دي امانه وابعد عن كل الصحاب السوء واي حاجه انت عارف انها حرام وغلط واشتغل وأملي وقت فراغك ودائما اذكر ربنا وربنا يهدينا جميعا .
تم النشر السبت، ٢٩ نوفمبر ٢٠٢٥
جرح الطفولة بيفضل معلم في القلب والوجع اللي بيجي من الاهل عمره ما بيتنسي ابدا -الله يكون في عونك علي اللي مريت بيه - بس انت غلطت لما سبت نفسك للشيطان -بس انت لازم تفوق بقي وتدرك ان قيام الساعة ف اي لحظة فحاول ترجع بلدك او اي بلد عربية ولومش هتقدر اعتزل في بيتك الحالي ودور علي شغل حلال وخليك من بيتك لشغلك ويا ريت لو تادي صلاتك في المسجد لو قريب منك وصلي واستغفر ربك علي ذنبك طول الوقت استغفر واطلب السماح من ربنا -كرسك حياتك لشغلك اللي هتاكل منه بالحلال وعبادتك لربنا اللي ان شاء الله تغفر ذنبك وحاول تروح لدكتور نفسي علشان تتطلع اللي جواك وترتاح -وخلي عندك يقين ان كله هيتحاسب وكل حد اذاك ربنا هياخدلك حقك سواء في الدنيا او اكيد في الاخر ف حاول تنسي الماضي ودا مش سهل بس انت كدا بتعمل الغلط والحرام وبتاخد الماضي واللي حصل فيه كاعذار ف توب يا اخي الي الله لانك ملكش غيره -ربنا يهديك ويكفيك شر الشيطان اللهم امين ويصلحلك حالك
تم النشر السبت، ٢٩ نوفمبر ٢٠٢٥
اولا.. انصحك بغض البصر قدر المستطاع لأنه َممكن يكون سبب أساسي في عدم الرضا عن الذات وضعف البصيرة... ثانياً انصحك بالصلاة في وقتها وقراءة القرآن ثالثا.. ان تضع لنفسك رؤية بعد ٣.. ٥...سنين بما تريد تحقيقه وانجازه وهكذا قم بقراءة كتب قدر المستطاع لتفهم نفسك أكثر
تم النشر السبت، ٢٩ نوفمبر ٢٠٢٥
أخي العزيز، شكراً لشجاعتك إنك كتبت وفضّيت قلبك — كلامك مؤلم ومليان جراح حقيقية، وأنا بسمعك وبحترم مشاعرك جداً. ما حصل لك وانت طفل هو ظلم كبير، وأنت لم تكن مسؤولاً ولا ذنب عليك أبداً. كل ما وصفتَه من اغتصاب، ضرب، هجران، خسارة أمك، وصراعات مع والدي — كلها أسباب وجيهة للألم والغضب والخوف والانعزال اللي بتحس بيهم الآن. أولاً — تأكيد مهم من ناحية دينية ونفسية: - أنت بريء من كل ما حصل؛ الطفل لا يُحاسب ولا يستحق هذا الظلم. الإسلام يعظم استرجاع الحقوق والرحمة، وابتلاءات هذه الدنيا فيها حكمة قد لا تظهر لنا الآن، والله أرحم بنا من أي إنسان، والجزاء مرتبط بصبرك واستجابتك لله. لكن هذا لا يبرر الألم ولا يعني أن لا تطلب علاجاً أو مساعدة — بل طلب الشفاء واجب ومشروع. - مشاعر الأسى، الغضب، الخجل، والرغبة في الانعزال كلها ردود طبيعية لصدمات كبيرة. هذا لا يعني أنك "مجنون" أو أنك فاشل؛ يعني فقط أنك حملت أوزاناً أثقلت منك. ثانياً — خطوات عملية عاجلة ومباشرة أنصحك تبدأ بها الآن: 1. إذا كنت تفكر بالانتحار أو في خطر فوري: اطلب المساعدة فوراً — اتصل بخدمات الطوارئ في بلدك أو اذهب لأقرب مستشفى. هذا أهم خطوة للحفاظ على حياتك. 2. تواصل مع معالج نفسي متخصص في الصدمات (trauma-informed therapist). العلاجات الفعّالة لصدمة الطفولة: العلاج المعرفي المعرض للصدمة، علاج السلوكي المعرفي الموجّه للصدمة، وEMDR (علاج تحرّك العينين) — وهي طرق مثبتة تساعد على تقليل ذكريات الصدمة وتأثيرها على حياتك. 3. قيّم الحاجة لزيارة طبيب نفسي (psychiatrist) إن كانت نوبات الاكتئاب شديدة أو لديك أفكار انتحارية أو صعوبات بالتحكم بالغضب. الأدوية قد تساعدك وقتياً لتخفيف شدة الأعراض وتمكينك من العمل مع المعالج. 4. اطلب معالج أو طبيب يتكلم عربي أو يفهم حساسياتك الإسلامية والثقافية إن أمكن — سيسهل عليك فتح قلبك. على Fedni يمكنك البحث عن خبراء: https://www.fedni.net/experts — ابحث عن "طبيب نفسي" أو "معالج نفسي" أو "مدرب حياة" متخصص بالصدمات. 5. وضعك القانوني والمالي جزء كبير من الضغوط: حاول الوصول إلى منظمات المساعدة للمهاجرين أو محامي هجرة في البلد الذي تقيم فيه (منظمات لا تركز على الأصدقاء بل على جهات محترفة). هم يمكنهم إرشادك بخصوص أوراقك وحقوقك. ثالثاً — أمور يومية بسيطة تساعد تدريجياً (خطوات صغيرة قابلة للتطبيق): - روتين يومي بسيط (مواعيد نوم واستيقاظ وأكل ثابتة). - تجنّب المخدرات والكحول أو أي سلوكيات مخاطرة كآليات للهروب — هي بتزيد الألم على المدى الطويل. - كتابة مشاعرك في دفتر (تدوين يومي) يمكن يساعدك تنفّس داخلي دون مشاركة أحد قبل ما تكون مستعد. - تعلّم أن تحدد حدود مع الأشخاص اللي يسببوا لك ضرر أو توتّر. رابعاً — التعامل مع الشعور بالعار والخجل والانعزال: - اعترف لنفسك أن هذه مشاعر طبيعية بعد الاعتداء؛ لا تسمح لها أن تعرّف قيمتك. العمل العلاجي يساعدك تفرّق بين ما حدث لك وبين من أنت الآن. - الغضب والاندفاع الغير متوقع من نتيجة الصدمة — العلاج يعلمك طرقاً آمنة للتعبير عن الغضب والتحكم فيه. خامساً — إذا رغبت بمساعدة عملية الآن: - أنصحك أيضاً بالبحث في فدني عن أسئلة مشابهة لقصتك — ستجد تجارب ونصائح ممكن تفيدك. ختاماً — كلمات طمأنة وإيمان: أعلم أن الألم الآن كالسيف، لكن ليس من الشجاعة أن تخفيه أكثر؛ الشجاعة أن تواجهه بأسلوب آمن وتطلب المساعدة. ربنا قدّر لك ابتلاءً لكنه وعد بالثواب لمن يصبر ويطلب الشفاء. لست وحدك، وأنت تستحق حياة كريمة، دفء، واستقرار. أنا هنا معك، ذكية.
تم النشر السبت، ٢٩ نوفمبر ٢٠٢٥
تم النشر الأحد، ٣٠ نوفمبر ٢٠٢٥
ما هي مشكلتك حاليا مش في التوبة، ربنا إن شاء الله أكيد تقبل توبتك ويا رب يثبتك على طريقه وهدايته... الفكرة في كلامنا عن عدم الاستسلام للماضي إنك محتاج تتعافى فعلا من الماضي وممكن محتاج مساعدة مختص عشان تقدر تتجاوز آثار الماضي. أفكارك بخصوص الماضي والابتلاء والخوف اللي مسيطر عليك والوساوس من ناحية إن الناس عارفة سرك ونظراتهم وكل اللي حكيته هو اللي واقف في طريقك... محتاج تغير من جوا عشان تقف على رجليك وتوصل للحياة اللي بتطلبها من ربنا.
تم النشر الأحد، ٣٠ نوفمبر ٢٠٢٥
في نقطه احبب أوضحها لحضرتكم أنا تبت عن الغلط دي من زمان جدا دي كانت فتره في حياتي اول موصلت اوربا كانت وعشان مكنش في شغل ولا فلوس لكن مش مدمن عليها دي كانت تجربه وراحت لحالها الحمد لله وانا ومش بعمل حاجه حرام آخر علاقه كنت فيه مع بنت كنت بحبها وعقدنا ٦ سنين مع بعض وكانت حامل وسقطت وربنا موفقنيش وانفصلنا من سنتين بسبب عدم توفر العمل والأوراق ومن ساعتها معملتش اي علاقه محرمه.. أنا مشكلتي أنا عايز احب واتحب مش عارف أعيش لوحدي واشيل كل دي جواي والخوف متمكن مني جدا وتوتر بسرعه وخايف اقرب من وحده ولا أتعرف علي وحده لاني عارف ماضيه ميشرفش وخايف اتعري قدمه الوضع صعب جدا بالنسبالي حقيقي لكن ربنا موجود وقادر علي كل شيء والحمد لله علي كل حال لكن بتمني من ربنا انه ينظر اليه بالرحمه ليفرجها ويكرمني بعيشه عاديه زي كل الابني الآدمين محتاج عمل وزوجه وأطفال أنا مش طالب كتير حقيقي أحلامي بسيطه جدا أعيش مطمن بدون خوف او ان ربنا ليخدني عنده ارحم وافضل.. والرسول عليه الصلاة والسلام قال إذا طريت فقل هذا الدعاء اللهم إذا كنت تعلم الحياه خير لي ف أحيني وان كنت تعلم الحياه شر ليه خذني عندك..
تم النشر الأحد، ٣٠ نوفمبر ٢٠٢٥
جزء من اللي حكيته انت المسؤل عنه...... كتيرر مننا حصل معاه حاجات زي كده لكن مدخلش في الدوامة هذه.... بعد ما بتكبر وتكون مسؤل عن نفسك شخصيتك واحوالك انت الوحيد المسؤل عنها.....الناس مش مركزة معاك اطلاقا.. مفيش حد فاضي لحد... نظرات الناس ليك كتير منها مفهاش حاجه بس انت موسوس.... الحل... بيئة نظيفه تبدا منها.. صحبة مختلفه.... شغل بوفت طويل عشان الفراغ بالنسبة ليك قاتل مأجور.... أوربا ليست بيئة صالحة إطلاقا.... لو هتكمل هناك..... ابدأ من أقرب مسجد هناك او نركز اسلامي.. ادخل عليهم وبلغهم انك تايه وهم هيساعدوك جدا نفسيا ومعنويا وهقربوك من ربنا.. انت ينقصك بيئة نظيفه... ولا يظلم ربك احدا
تم النشر السبت، ٢٩ نوفمبر ٢٠٢٥
معنديش الجراء ولا الشجاعه اني احكي الي مريت بي مع حد مهم كان مين دكتور او شيخ او صديق ولا حتي قريب ولا حتي غريب للأسف ماملكش الشجاعة الكافيه بخاف من نظرته ليه او ازاي حيشوفني بعد كده.
تم النشر الأحد، ٣٠ نوفمبر ٢٠٢٥
انا بلومك علي فترة اوربا ودخولك في الطريق اللي حكيت عنه..... ده برده سببه اهلك... والمشاكل اللي قبل كده؟
تم النشر السبت، ٢٩ نوفمبر ٢٠٢٥
انا بكرة الاستسلام... علي حالك ده انت بتخسر دنيا وآخره.... هتنسي كل ده لما تبقي كويس
تم النشر السبت، ٢٩ نوفمبر ٢٠٢٥
محدش هيساعدك غير ربنا..... ثم قرارك
تم النشر السبت، ٢٩ نوفمبر ٢٠٢٥
أحداث انتهت..... قوم... انت مسؤل عن نفسك الان.... وإلا خليك مكانك ومشتكيش
تم النشر السبت، ٢٩ نوفمبر ٢٠٢٥
بالرغم ان حضرتك حكمت عليه بحده ولكن وجه نظرك تحترم. لكن احب اقول لحضرتك ان أنا الي عشت أصعب الظروف والمعانه والصراع الداخلي والتشوه الي جواي بسبب الأحداث دي من وانا طفل وكل القسوه الي عشتها سواء من الأهل او من الناس وتيجي حضرتك تقولي أنا المسئول ولو فرضت ان كلام حضرتك صح بنسبه ١٪ حضرتك مفكرتش تساعدنى انت بتهاجمني وحكمت اني غالطان وانا مش معترض علي دي جايز اكون غلط حضرتك عملت زي الي مسك رد الفعل وساب الفعل الي هو أساس البدايه واحب اقول لحضرتك الإنسان مننا لم بيتئذي بيبقي مش متزن سواء عاطفيه او نفسيا خصوصا لم يكون طفل صغير جدا والتربيه والأحداث الي بتشوفها وتتعلمها في السن دي من الأهل والناس هي الي بتقرر شخصيتك لم تكبر. وبعدين حضرتك اتكلمت علي الي يخصني أنا.. فين الباقي سواء اهلي الي عمرهم مكانو حنينين عليه ولا سواء الي حصل معايه ولا أقدار ربنا وانا مش معترض وبقول الحمد لله لكن فين كل دي انت رميت اللوم عليه وانا المجني عليه..أنا قلت اني اختصرت كتير ياريت متحكمش علي حد انت معشتش ظروفه وحاول تساعد مش حاكم..
تم النشر السبت، ٢٩ نوفمبر ٢٠٢٥
لعرض السؤال في فدني اضغط هنا