يا جماعة.. أنا تعبان أوي، وحاسس إني بكتب الكلام ده وأنا على آخري. عارف شعور إنك عايش وسط الدنيا بس مفيش حد شايفك؟ أنا شاب عندي 18 سنة، بس جوايا طفل لسه بيصرخ ومحدش سامعه. بقالي 10 سنين تايه من يوم ما أمي (الله يرحمها) سابتني، ومن يومها والحياة بقت حرب باردة أنا فيها لوحدي.
لقيت الهروب الوحيد ليا في 'العادة السرية'.. بدأت وأنا طفل عندي 7 سنين، مكنتش فاهم يعني إيه حياة، بس كنت فاهم إني بهرب من وجعي لعالم قذر ووهم مسموم. دلوقتي أنا واقف قدام المراية، مش عارف أسامح الشخص اللي شايفه، وفي نفس الوقت بدمع على طفل صغير اتظلم واتسرقت طفولته منه.
أنا في حالة صراع مش طبيعية، بجلد ذاتي ليل نهار.. مرة أقول أنا كنت طفل بريء ملوش ذنب، ومرة أقول إني أنا اللي دمرت حياتي بإيدي. وصلت لـ 75 يوم تعافي، كنت طاير من الفرحة، بس اكتشفت إن الفراغ اللي جوايا أكبر بكتير. عشان أهرب من الوحدة القاتلة دي، بقيت برمي نفسي في علاقات غلط، بدور على أي حد يحسسني إني موجود، بدور على أي حضن يطمني، والنتيجة كانت وجع وكسرة أكبر.
كل يوم قبل ما أنام، بسرح وبحلم.. بحلم بحد يجي يطبطب على كتفي، يحضنني بجد ويقولي 'أنا حاسس بوجعك، أنا معاك، متخافش'. أنا مش بكتب ده عشان أشكي، أنا بكتبه لأني بجد تعبت.. تعبت من الحرب اللي بخوضها لوحدي كل يوم. محتاج أخوات يساعدوني، محتاج حد يقولي الطريق لسه مفتوح.. أنا هنا، وعايز أعيش بجد، عايز أبدأ حياتي وأنا مطمن.. حد ممكن يساعدني
يا أحمد، أول حاجة أقولها لك وأنا بكل صدق: أنا شايفاك، وسامعة وجعك، ومش هتجاهل الطفل اللي جواك اللي بيصرخ. اللي مريت بيه من فقدان أمك وأنت صغير، واللجوء للعادة دي كوسيلة هروب من سن 7 سنين، ده مش ذنبك لوحدك، ده جرح عميق اتزرع في طفولتك. الصراع اللي بتعيشه بين جلد الذات والشعور بالبراءة طبيعي جدًا بعد كل اللي حصل، ووصولك لـ75 يوم تعافي قبل كده دليل على قوتك الداخلية، حتى لو الفراغ رجع يظهر. من منظور إسلامي، الله سبحانه وتعالى شايف كل دمعة وكل تعب، وهو أقرب لك من حبل الوريد. التوبة مش بس وقف العادة، لكنها كمان رحمة ومغفرة، والبداية تكون بالدعاء واللجوء للقرآن، لأنه بيشفي القلوب المتعبة. حاول تخصص وقت يومي، ولو بسيط، تقرأ فيه آيات عن الرحمة والصبر، وتدعي ربنا يملأ الفراغ ده بحضوره. ده مش هيحل كل حاجة بين يوم وليلة، لكنه هيديك أساس متين تبني عليه. عمليًا، ابدأ بخطوات صغيرة وواضحة: اكتب يوميًا 3 حاجات إيجابية عن نفسك، حتى لو بسيطة زي "أنا قوي لأني وصلت 75 يوم قبل كده"، عشان تقلل من جلد الذات. ابعد عن العلاقات اللي بتزود الوجع، وركز على بناء صداقات صحية من خلال أنشطة مشتركة زي الرياضة أو هوايات، عشان تحس بوجودك بدون ما تبحث عن حضن مؤقت. لو الوحدة قاتلة، جرب تتواصل مع ناس في مجتمعات إيجابية على فدني، وابحث عن أسئلة مشابهة عشان تشوف تجارب الآخرين وتاخد أفكار جديدة. أنت لسه 18 سنة، والطريق قدامك مفتوح، والطفل اللي جواك ممكن يتعالج بالصبر والرحمة مع نفسك. أنت مش لوحدك في الحرب دي، وربنا هيساعدك لو ناديته. خد نفس عميق وابدأ بخطوة واحدة النهاردة، أنا هنا لو عايز تكمل الكلام.
تم النشر الاثنين، ١٣ يوليو ٢٠٢٦
اول حاجة تبدأ بيها انك تحب نفسك وتعرف ان اي انسان بيغلط وده طبيعي جدا ودي حاجة حلوة جدا ان ضميرك مأنبك ده معناه ان جواك شخص نقي ممكن تبدأ تقرأ كتب فعلم النفس او كتب بشكل عام تبدأ تلعب رياضة ممكن تنزل جيم تنزل تجري شوية فأي مكان تروح اماكن جديدة تتعرف على نفسك من اول وجديد كإنك بتتعرف على شخص خارج جسم فاهمني؟ وعموما انا فهماك. وحاسة قد ايه فقدان الام بيبقى صعب لأني مريت بنفس التجربة ولكن خليك ديما حاطت هدف قدامك وهو ان مامتي لو كانت موجودة دلوقتي كانت هتبقى فخورة بيا كانت هتفرح من شخصيتي وتصرفاتي ولا لا لو لا فراجع نفسك واخيرا هقولك أهم حاجة قربك من ربنا وصلاتك ودعواتك لمامتك ولنفسك وربنا يرحمها يارب ويوفقك فحياتك
تم النشر الثلاثاء، ١٤ يوليو ٢٠٢٦
@فَاطِمٌ الشَّافِعِيُّ. انا بجد بحبك اوي وبحب اقرئلك أي كومنت كتباه في أي بوست💗ربنا يكرمك ويرزقك العلم والقبول اللي تقدري تساعدي بيه أي حد
تم النشر الثلاثاء، ١٤ يوليو ٢٠٢٦
بالنسبة للصدمات النفسية في د. عماد رشاد إزاي تتخلص من صدمات الطفولة وعامل سلاسل وحاجات فعالة، وفي د. هدى النمر لو عايز تغير حياتك هات كتب الكتب مفيدة جدًا جدًا جدًا ممكن البداية تكون بكتاب الداء والدواء بجد قمة الروعة أسمع شرح الكتاب، بعدين أشتري الكتاب في قناة إسمها دوباميكفين روعة أسمع بودكاست
تم النشر الاثنين، ١٣ يوليو ٢٠٢٦
السلام عليكم ورحمة الله وبركاته. الله يعينك اللهم آمين، حاول تكون كل صلواتك في المسجد، وأحجز حلقة قرآن الأفضل تكون برايفت روح عند شيخ ممكن تبدأ معاه ويكون صديقك ومش عيب لـو روحت وقولت أنا عايز صحبة صالحة الصُحبة هتعينك على الحياة ونفسك والشيطان هتذكرك بالله أنت بس ابدأ وأعمل الخطوة روح حلقة القرآن وخليك مع شيخ برايفت وهو هيساعدك في كل حاجة وأنزل جيم بس بعد حلقة القرآن عشان هيكون معاك صحبة صالحة، كل 3 شهور ضيف عادة جديدة في حياتك يعني أول 3 شهور حلقة قرآن ومعاها طبعًا صلاتك في المسجد تاني 3 شهور أنزل جيم، تالت 3 شهور ممكن تنزل تشتغل المهم فرغ الطاقة والأفكار السلبية في الإنشغال والعمل بالتوفيق أنت قدامك فرصـة واللوم مش هيفيدك
تم النشر الاثنين، ١٣ يوليو ٢٠٢٦
أولا الله يرحم والدتك ويسكنها فسيح جناته وثانيا حط حساب لوالدتك على طول مش معنى إنها مشيت يبقى هى مش معايا لا هى معاك فى قلبك وده كفاية هيا أكيد لو كانت موجودة كانت عاوزاك تبقى أحسن وتكون نسخة أفضل من نفسك خلى بالك أنه ربنا شايفك الناس مش هتشوفك بس ربنا شايفك وعارف اللى فى نيتك وارجع لربك وربنا هيسامحك ومن كلامك واضح أنه انت ندمان ومشفق. على حالتك وكمل يا بطل عشان امتحان بكرة وفى انتظارك مستقبل مشرق وباهر وإن شاءالله خير
تم النشر الأربعاء، ١٥ يوليو ٢٠٢٦
خير انت سيبها ع الله وحاول تعمل بنصيحتي وخلي الكليه اللي هتدخلها تكون بدايه تغيير ف حياتك كلها ادخل الكليه بنسخه من نفسك تكون حاببها وبالتوفيق
تم النشر الاثنين، ١٣ يوليو ٢٠٢٦
الحمدلله كويس
تم النشر الاثنين، ١٣ يوليو ٢٠٢٦
اي اخبار دراستك قول عادي
تم النشر الاثنين، ١٣ يوليو ٢٠٢٦
ايوه في تالته
تم النشر الاثنين، ١٣ يوليو ٢٠٢٦
انت بتدرس ؟ اعتقد انت ف ٣ث
تم النشر الاثنين، ١٣ يوليو ٢٠٢٦
قرب من ربنا واحده واحده اصحا يوم بدري الفجر انزل صليه مثلا او صلي ركعتين لو سهرت مثلا قيام ليل وابدا صلي والتزم بالفروض كلها وخلي صلاتك ف الجامع ابعد عن الموبايل قلل منه هات سبحه رقميه خليها قريبه منك ديما وقت ما تكون زهقان او مالل امسكها ابدا سبح واستغفر صدقني الموضوع هيفرق ادي نفسك فرصه اسبوع واحد بس اعمل كدا وصدقني هيفرق
تم النشر الاثنين، ١٣ يوليو ٢٠٢٦
لعرض السؤال في فدني اضغط هنا