السلام عليكم، أعتقد مفيش مشكلة تعطي الشخص الثاني فرصة وتقعدي معه وتتعرفي على شخصيته، ممكن قوي يكون شخص كويس ومحترم ويقدرك وتكتشفي إنه فعلا الشخص المناسب يكون زوج هيقدرك ويعزك. أنتِ أساسًا قلتِ مكنش في حب ناحية الشخص الأول، انهيارك وتأثرك وإنك مش قادرة تتجاوزي فده بسبب الموقف نفسه مش بسبب الشخص، بسبب الجرح اللي حصل لك وألمكِ لنفسك وإزاي حد يتصرف معك كده. كل ده إن شاء الله هيروح مع الوقت، لو كنتِ بتحبيه وفيه تعلق مرضي مثلا وقلبك متعلق بشخص كنت هنصحك تتريثي ومتحاوليش تتعافي من حب بشخص تاني لأن ممكن قوي تظلمي طرف جديد ملهوش ذنب، لكن حالتك مختلفة وباعتقادي هو مجرد وجع على نفسك وكرامتك مش أكتر. فانسي الموضوع خالص وخلي الوقت والزمن يعالجوا المشاعر دي لكن في نفس الوقت اللي بيتم فيه التعافي أنتِ منشغلة عادي بحياتك وبتطوري من نفسك كل يوم وتتقدمي في شغلك وحياتك وكمان بتتعرفي أكثر على الشخص الجديد ومن غير ما العاطفة تعميكِ، حاولي تحكمي صح وتشوفي فعلا إذا يستحق يكون زوج تبني معه أسرة وتنشئي بيت ولا لأ. بالتوفيق إن شاء الله.
شكرا جدا ع النصيحه دي ❤️
تم النشر الأربعاء، ٣٠ أبريل ٢٠٢٥
لعرض الإجابة في فدني اضغط هنا