و عليكم السلام.. أنا فاهمة قصدك في تكرار محتوي الإجابات، بس شايفة إن ده طبيعي جدًا ومش المشكلة الكبيرة اللي متخيلها. لأن أغلب المشاكل بيبقى ليها شوية أساسيات في الحل، فطبيعي تلاقي نفس المعاني بتتقال من كذا حد. الفكرة مش إن الكلام اتكرر، الفكرة إن كل واحد بيقوله بطريقته، وممكن أسلوب حد فينا يكون هو اللي يوصل لك أكتر. وبرضو مش شايفة إن تكرار الردود حاجة مزعجة للدرجة، لأن في الآخر كل واحد بيحاول يساعد، وانت حر تقرأ اللي يناسبك وتسيب الباقي. عدد الردود أصلاً مش ضخم لدرجة إنه يبقى عبء. حكاية إن الكلام الطويل ممل، آه ممكن أتفق معاك جزئيًا، بس مش دايمًا. اللي بجد عايز يحل مشكلته بيبقى عنده استعداد يقرأ شوية، خصوصًا لو هو نفسه كاتب المشكلة بالتفصيل. ساعتها صعب ترد عليه بكلمتين من غير ما تسيب نقاط مهمة أو تبقى الإجابة سطحية..وكمان بصراحة، زي ما أنت مثلا كتبت كل التفاصيل عشان حد يفهمك، فاللي بيرد وبيقرأ وبيحاول يساعد من حقه إن كلامه يتقري. في الآخر أنت المستفيد، فطبيعي تدي الموضوع شوية وقت. وفي نفس الوقت عندك حق إن مش كل حاجة تتحل بكلمة إرادة وخلاص، لأن في مشاكل أعمق من كده وبتحتاج وقت ودعم، مش مجرد ضغط. فالأحسن نبقى بنوازن، لا بنهون الغلط ولا بنقسى على الشخص. في الآخر الموضوع كله إننا نحاول نوصل الكلام بطريقة قريبة ليك، وانت تختار اللي يناسبك. فحتى لو الردود شبه بعض، ده مش عيب قد ما هو اختلاف طرق توصيل لنفس الفكرة...معذرة طوّلت تاني برضو 🥲.
ايوا فاهمه حضرتك و عندك حق برضو وجهة نظر و انا متقفه مع حضرتك ف كدا الاجابات الطويله مهما كانت مفيده بتبقي ممله شويه ف الاخر بعتذر لو الاجابه كانت هجوميه شويه بس هيا طلعت معايا كدا..و بارك الله فيك
تم النشر الأحد، ٣ مايو ٢٠٢٦
جزاكي الله خيرا علي مشاركتك ،اول نقطه بتاعت الاجابات المتشابه انا مش عقبه ليا بنسبه كبيره انا بتكلم فيها بس عادي كفايه ان الاعضاء هنا تعبو عشان يساعدو غيرهم ،والاجابات الطويله انا زيك بردو اجاباتي كلها طويله عايز احسن من الموضوع شخصيا عشان محدش يمل مني سواء هنا او الواقع بس بحاول
تم النشر الأحد، ٣ مايو ٢٠٢٦
لعرض الإجابة في فدني اضغط هنا