السلام عليكم
جاتلي فكره وهي نشارك فكره ازاي نجاوب على الناس سواء في فدني او غيره لان هنا ساعات بشوف ناس كتير بتجاوب بس إجابتهم تخلي السائل يتعمق في مشكلته اكتر انا كمان ساعات بغلط هبتدي انا .
1 فكره تحقير العاصي والمدمن:
أنا دي بشوفها كتير حد مدمن اي نوع من الادمان او مذنب يجي يحكي حد يرد عليه يقولو يبني حرام يبني انت كدا وممكن يشتمه بس شتيمه (ذوق شويه😀) طب ما المدمن او السائل عارف انه حرام وعارف كل حاجه بس هي مشكله دماغ لازم تتعافي انا حاسس ان لما المدمن يشارك واحنا نقولو الكلام دا حاسس يقرأ الرسايل من هنا ويروح يضرب ضربته سواء هي اي لان بعد كلام الناس حس انه حقير مش انسان وانه هيعيش حقير ويموت حقير، المدمن بيئه تعافيه لازم يكون ناس بتقبله مش بتحقره لحد ما يتعاقي،،
2 فكره تكرار نفس الاجابه:
حد بعت سؤال يكون في خمس اجابات من أشخاص مختلفه كلهم نفس النصايح والكلام دا انا شايفه بنتقل على صاحب السؤال
3 فكره الاراده:
انا دي شايفها تفاهه وناس كتير بتنصح تقول لي المدمن او غير المدمن قوي ارادتك وانت هتعدي اول حاجه مفيش مدمن عنده اراده انا بتكلم مدمن مدمن مش لسا بادي ودا مش تحقير مني لان فعلا بيبدأ التعافي لما تسلم امرك للله وتقول انا ضعيف مش شغل انا قوي انا هروح للمحفز دا وارادتي هتنجيني ، متحاولش متحاولش تتعافي او تنجح وانت بتنضف نفسك وانت واقع في بركه طين،
غير المدمن لو اعتمد على الاراده هي مهلكه تخيل تذاكر مره وعشره لا اصل مفيش اراده او الشغل وهكذا مش قصدي لازم نهين نفسنا في عملنا بس ،،مزاجك وارادتك هو سر فشلك،،
4 لو شايفين نقطه غلط ناقشوني عادي الانسان بيغلط+شاركو انتو ملاحظاتكو نخليها نتعامل صح ونساعد الناس
و عليكم السلام.. أنا فاهمة قصدك في تكرار محتوي الإجابات، بس شايفة إن ده طبيعي جدًا ومش المشكلة الكبيرة اللي متخيلها. لأن أغلب المشاكل بيبقى ليها شوية أساسيات في الحل، فطبيعي تلاقي نفس المعاني بتتقال من كذا حد. الفكرة مش إن الكلام اتكرر، الفكرة إن كل واحد بيقوله بطريقته، وممكن أسلوب حد فينا يكون هو اللي يوصل لك أكتر. وبرضو مش شايفة إن تكرار الردود حاجة مزعجة للدرجة، لأن في الآخر كل واحد بيحاول يساعد، وانت حر تقرأ اللي يناسبك وتسيب الباقي. عدد الردود أصلاً مش ضخم لدرجة إنه يبقى عبء. حكاية إن الكلام الطويل ممل، آه ممكن أتفق معاك جزئيًا، بس مش دايمًا. اللي بجد عايز يحل مشكلته بيبقى عنده استعداد يقرأ شوية، خصوصًا لو هو نفسه كاتب المشكلة بالتفصيل. ساعتها صعب ترد عليه بكلمتين من غير ما تسيب نقاط مهمة أو تبقى الإجابة سطحية..وكمان بصراحة، زي ما أنت مثلا كتبت كل التفاصيل عشان حد يفهمك، فاللي بيرد وبيقرأ وبيحاول يساعد من حقه إن كلامه يتقري. في الآخر أنت المستفيد، فطبيعي تدي الموضوع شوية وقت. وفي نفس الوقت عندك حق إن مش كل حاجة تتحل بكلمة إرادة وخلاص، لأن في مشاكل أعمق من كده وبتحتاج وقت ودعم، مش مجرد ضغط. فالأحسن نبقى بنوازن، لا بنهون الغلط ولا بنقسى على الشخص. في الآخر الموضوع كله إننا نحاول نوصل الكلام بطريقة قريبة ليك، وانت تختار اللي يناسبك. فحتى لو الردود شبه بعض، ده مش عيب قد ما هو اختلاف طرق توصيل لنفس الفكرة...معذرة طوّلت تاني برضو 🥲.
تم النشر الأحد، ٣ مايو ٢٠٢٦
وعليكم السلام ورحمة الله وبركاته يا محمد! 😊 فكرتك دي جامدة جداً وبتلمس قلب الموضوع، وأنا معاك ١٠٠٪. خلينا نشارك الخبرات دي عشان نفيد بعض ونحسن إجاباتنا في فدني وغيره، ونقلل الأخطاء زي ما قلت. هقولك رأيي في نقاطك وأضيف شوية ملاحظات عملية: ١- تحقير العاصي أو المدمن: صح كلامك تماماً! المدمن أو المذنب عارف إنه غلطان، بس الدماغ محتاجة "تعافي" زي ما قلت، والحقارة بتزود اليأس وترجعه للضربة. بدلها : ابدأ بالتعاطف الإسلامي – "الله غفور رحيم، والتوبة بابها مفتوح دايماً" – ثم قدم خطوات عملية زي: "جرب تبدأ بخطوة صغيرة زي الصلاة اليومية أو استشارة متخصص في فدني (شوف الخبراء هنا: https://www.fedni.net/experts)". ده بيبني أمل ويحسسه إنه مقبول. ٢- تكرار نفس الإجابة: أيوة، ده بيخلي السائل يمل وينتقل. حل عملي : اقرأ الإجابات السابقة الأول، وأضف زاوية جديدة – زي مثال شخصي، آية قرآنية، أو خطة يومية مختلفة. مثلاً لو السؤال عن الإدمان، واحد يقول "الرياضة"، التاني "جدول يومي للطعام الصحي". ٣- نقاش الأخطاء وملاحظات إضافية: أهلاً بالنقاش! خطأي الأكبر أحياناً: الإجابات الطويلة جداً، فالناس بتزهق. نصيحتي : خلي الإجابة قصيرة + نقاط مرقمة + خطوة أولى فورية. كمان، ركز على "التمكين" – "أنت قادر تغير" – مش بس "ما تعملش كده". ومن منظور إسلامي: ذكر رحمة الله أكتر من التحريم، عشان اليأس من الشيطان. شاركوا أنتم كمان يا جماعة! شوفوا أسئلة مشابهة في فدني عشان تتعلموا أكتر. إيه رأيكم في الفكرة دي، وإيه أخطاؤكم اللي عايزين نقللها؟ خلينا نطور بعض ونساعد الناس بجد. 💪❤️
تم النشر الأحد، ٣ مايو ٢٠٢٦
أنا بس عندى ملاحظة بسيطة : بلاش فى إجابات المشاكل الصعبة والثقيلة على صاحبها والأسألة المهمه ال محتاجين توضيح فيها نقول ( ممكن ، وغالباً ، وتقريبا ، واحتمال ) يا عندك معلومة خلينه نقول أقرب ما يكون للصواب لأن معظمنا مش متخصص معظمنا من واقع تجربة وبعض المعرفة يا إما معندكش فأنتظر الإخوة فى البرنامج يجاوبه وانا وانت إن شاء الله نستفيد
تم النشر الاثنين، ٤ مايو ٢٠٢٦
وعليكم السلام ورحمة الله وبركاته، كلامك مفيد جدا لو محدش كان بياخد باله من نقط زي اللى ذكرتها هياخد باله بعدين شكرا ليك🤍 ،بالنسبه لنقطه ان الإجابات اوقات بتخلينا نتعمق فى المشكله اكتر ده حقيقي فيه اوقات اسأله بتبقي محتاجه كده والعكس برضو بيبقي السؤال مش محتاج و بصراحه معنديش ملاحظه حاليا ممكن اكون ناسيه لو فيه حاجه بجد 😅😅
تم النشر الأحد، ٣ مايو ٢٠٢٦
معاك في حتة انه ناس بيلوموا الشخص الغلط يعني اصلا هما الناس المحترمة دي منزلين التطبيق و داخلين بكل حرج و حاسين بالاهانة و داخلين يقولوا ساعدونا يا جماعة الخير تقوموا مهزئينهم -بشكل محترم- يعني عملتوا ايه انتو بجد انتو نزلتوهك سابع أرض حرفيا بس حتة الإرادة يعني لا الإرادة بتبقى حل ف أوقات كتير؛ فالإرادة مش تبع الشغف خالص علفكرة
تم النشر الأحد، ٣ مايو ٢٠٢٦
@سـمـ ـاء جزاكي الله خيرا علي مشاركتك
تم النشر الأحد، ٣ مايو ٢٠٢٦
@hesham abdalghfar جزاك الله خيرا علي مشاركتك
تم النشر الاثنين، ٤ مايو ٢٠٢٦
لعرض السؤال في فدني اضغط هنا