الشعور بالخوف الدائم والإحساس بأنك مراقب هو تجربة مرهقة للغاية ومؤلمة نفسياً. من المهم أن ندرك أن هذا النوع من المشاعر له أبعاد متعددة، سواء كانت مرتبطة بضغوط حياتية، أو حالات نفسية، أو حتى عوامل بيئية. حاولي تبعدي عن أي ضغوط او توتر وممارسة الرياضة وتجنب إرهاق العقل في التفكير واقناع النفس بأنك بأمان والأهم هو التقرب إلى الله تعالى
هو للأسف في العصر اللي احنا فيه دا إحساسك صح وكلنا مراقبين بالتكنولوجيا اللي حوالينا وكل البرامج اللي بنديها إذن للصور والكاميرا والمايك بيبقى عندها الفرصه انها توصل لينا لكن احنا بنتعامل مع الوضع دا على انه بقى واقع وحقيقه وبنحافظ على اد ما نقدر وخوفنا من المراقبه بقى عادي ودا اللي انتي تقنعي نفسك بيه ان حتى لو في مراقبه دا بقى عادي ودا بقى عند مليارات من المستخدمين للتطبيقات فيجب انك ما تفكريش في الوضع دا لان التفكير الكتير يزود الخوف ويعملك قلق وتوتر وخوف من كل حاجه وزي ما قلتلك اشتغلي نفسك باي نشاط ياخد تفكيرك او رياضه او اي حاجه بتحتاج منك تركيز وابعدي تفكيرك عن فكرة انك مراقبه طول الوقت
تم النشر الأربعاء، ١٥ أبريل ٢٠٢٦
انا عارفة الامن السيبراني و عارفة وظيفتهم ليها علاقة بعدم اختراق و غيره لكن بيكون احيانا مجرد شعور مش تأكيد
تم النشر الأربعاء، ١٥ أبريل ٢٠٢٦
فاهمك بس هل انتي قراتي او شفتي قبل كده اي حاجه عن الهاكر واختراق الهواتف او اي اخبار عن الأمن السيبراني؟
تم النشر الأربعاء، ١٥ أبريل ٢٠٢٦
انا مش بخاف من التصوير انا احيانا بصور نفسي عادي بردو لكن فكرة انه قاعد مشغل حاجة بتذاكر الخ و انت حاسس بوجود احتمالية ان الكاميرا الي متوجهة علي وشك دي تكون بتراقبك او حد وراها الموضوع حرفيا مش بيكون مريح و الموضوع يعتبر ظاهر جديد مش قديم ولا حاجة بس انا شعور انك قاعد و حاسس في حد ورا الكاميرا دي بيراقب تحركاتك كلها
تم النشر الأربعاء، ١٥ أبريل ٢٠٢٦
دا حاجه زي الرهاب الاجتماعي والحل انك تواجهي كل دا وفرغي كل الخوف اللي عندك في الكتابه فضفضي بكل حاجه على الورق وواجهي الكاميرا بانك تفتحيها وسجلي فيديو اتكلمي فيه وبعدين شوفيه تاني وحولي الخوف دا لحب واستخدميها في التصوير صوري اي حاجه عندك زي جمله في كتاب او معلومه او السما في وقت الغروب او منظر طبيعي او اي حاجه بتحبيها اما الضغوط حاولي تبعدي عنها على اد ما تقدري او تعاملي معاها على أنها دروس تتعلمي منها انك ما تكرريش دا في حياتك المستقبليه وابعدي عن الأفكار السلبيه
تم النشر الأربعاء، ١٥ أبريل ٢٠٢٦
الحمدلله انا قريبة من ربنا و بتقرب اكتر و اكتر ، بس البيئة الي حوليا ذات نفسها النظر عليها يخلي نفسية الواحدة اسوء حاجة بجانب اني بعاني من فرط التفكير المفرط و بعاني من التوتر المفرط .. حاسة ان دا يمكن يكون السبب بجانب الضغوط و تقلبات المشاعر .. مش متأكدة بصراحة لكن الوضع احيانا مزعج .. بحاول اتجنب النظر علي كاميرا الاب او الفون لكن لما بفكر ف الموضوع او عيني بتصادف و ببص عليها مش بحس براحة
تم النشر الأربعاء، ١٥ أبريل ٢٠٢٦
لعرض الإجابة في فدني اضغط هنا