مساء الخير
دلوقتى يا جماعه انا عندى خوف من النزول من البيت لوحدى الا للضروره القصوى اوى لكن كفسحه مش عارفه انزل لوحدى حاجه عايزه اشتريها لنفسى مش عارفه انزل و بحس ان الموضوع تقيل على قلبى انى البس و انزل مش عارفه اعمل ايه!!!
بغض النظر عن المفاهيم أو التجارب اللي وصلتك لده الحل الوحيد انك تكسري الخوف بالمواجهة في حالتك دي يعني تنزلي أكتر ولوحدك بس بضوابط وشروط زي الوقت والمكان الآمن ولبسك المحترم والخ... وفجأة هتلاقي انك اتعودتي ولغيتي معتقداتك الخاطئة اللي عقلك مكونها عن الموضوع وكونتي معتقدات حديدة صح❤ ومتقلقيش عشت زيك وقت طويل في بداية مراهقتي
تم النشر السبت، ١٦ أغسطس ٢٠٢٥
بصي ياقمر هو حاسة ان الموضوع طبيعي شوية لو مش متعودة تنزلي وقاعدة في البيت كتير يعني زي رهاب اجتماعي كده وكتير بيمروا بيه وانا كنت كده في أولى أعدادي ومقدرش انزل من غير حد معايا حتى لو إيه بس دايماً الحاجة الي بنخاف منها لازم نواجهها هو الخوف كده متحطيش في بالك نظرة حد ليكي خالص، والي من نصيبك هيحصلك حتى لو إيه اخرجي واتفسحي عادي بس خليكي محافظة على لبسك برا البيت وعلى الضوابط الشرعية عموماً صدقيني هتلاقي الناس بتتعامل معاكي باحترام عشان شايفينك محترمة وهتتبسطي اوي، الشارع مش وحش اوي لدرجة اننا نخاف منه كده احنا لازم نتعايش بردو ومينفعش يكون اعتمادك في النزول من البيت على حد عشان مش كله هيبقى فاضي، يعني من الآخر محدش هيكسر الخوف ده غيرك، ومن ناحية انك بتحسي اللبس والنزول تقيل على قلبك لا ده طبيعي بصراحة بس خدي الموضوع ببساطة ومتفكريش انك لسه هتقومي وتشوفي لبس و.. و.. لما تعوزي تنزلي فكري هتروحي فين وتنزلي ليه وخلاص وساعتها قومي على طول🌷🫶🏻.
تم النشر السبت، ١٦ أغسطس ٢٠٢٥
مساء الخير يا عزيزتي، شعور الخوف وعدم الراحة عند النزول وحدك أمر ممكن يمر به الكثيرون، وخاصة إذا ما تعودتيش على الأمر أو حصلت لك تجربة مضايقة أو موقف غير مريح في الماضي. خليني أساعدك في تفهم المشاعر دي وأعطيكي بعض النصائح العملية لتتعاملي معاها: تقبلي مشاعرك بدون حكم من الطبيعي جدًا أن تحسي بالخوف أو القلق، مش لازم تضغطي على نفسك أو تشعري بالذنب عشان كده. خدي خطوة بخطوة، وحاولي تفهمي مشاعرك بهدوء. ابدئي بخطوات صغيرة مثلاً، ممكن تبدأي بالنزول لفترة قصيرة وقريبة جدًا من البيت، مثل نزول الشارع أو محل قريب، مع محاولة التركيز على التنفس والهدوء أثناء المشي. حضري نفسك نفسيًا قبل النزول، فكري مثلاً في هدف صغير وواضح (زي شراء حاجة بسيطة تحبيها). قولي لنفسك أنك قوية وقدرتك على التغلب على الخوف هتزيد مع كل مرة تتخطيها. جهزي نفسك بطريقة مريحة اختاري ملابس تحسي فيها بالراحة والأمان. ممكن تسمعي موسيقى تحبيها أو تستخدمي عطور مفضلة، أي حاجة تخليكي تحسي بالثقة. استخدمي وسائل مساعدة إذا شعرتي بعدم الأمان بصعوبة، يمكنكِ أخد هاتفك معك والتأكد من شحنه، وأبلاغ شخص تثقي فيه بأنك خارج المنزل. مارسي التكرار والمثابرة مع تكرار تجربة النزول وحدك ستبدأ ثقتك تزيد، والخوف يقل تدريجيًا. في حال استمر الشعور بالخوف الشديد وتأثيره على حياتك اليومية ممكن تستشيري طبيب نفسي أو أخصائي نفسي يساعدك في معالجة القلق بطريقة مهنية وآمنة. وأخيرًا، تذكري دائمًا أنك قوية، وخطواتك الصغيرة دي هتوصلك لأماكن كثيرة بإذن الله. لو حبيتي، ممكن أساعدك في البحث عن خبراء نفسيين في فدني يساعدوك بخبراتهم. أنا هنا معاك دائمًا، وإذا حابة تشاركي أكتر عن المشاعر اللي بتمري بيها أنا جاهزة أسمعك. دمتِ بخير وسلامة يا غالية. 💖 ذكية
تم النشر الجمعة، ١٥ أغسطس ٢٠٢٥
الخوف من زمان و مرتبط بإنه دايما مامتى بتقعد تحذرنى من حاجات كتير وحشه بتحصل فى الشارع فبقيت اخاف انى انزل لوحدى و ببقى عايزه حد ينزل معايا
تم النشر السبت، ١٦ أغسطس ٢٠٢٥
هل الخوف ده من زمان ولا من قريب وهل الخوف مرتبط بموقف معين أو من حدث حصل سواء في المنطقة عندكم أو شوفتيه في التلفزيون
تم النشر السبت، ١٦ أغسطس ٢٠٢٥
ابدئي بخطوات صغيرة مثلا تنزلي الصبح بدري وتنزلي كتير مع حد لو الموضوع صعب في البدايه وخلي كل مرة تنجحي فيها تكبر ثقتك بنفسك مش لازم تنجزي كل شيء مرة واحدة، الأمان جواكي ومع الوقت هتحسي بالشجاعة أكتر متنسيش انه لن يصيبك الا ماكتب الله لكي وتوكلي علي ربنا وادعي انه ربنا يساعدك
تم النشر الاثنين، ١٨ أغسطس ٢٠٢٥
لعرض السؤال في فدني اضغط هنا