عاوز أتكلم مع طبيب بسبب عصبيتى الزائده و التى خرجت بسببها عن شعورى وضربت زوجتى
وعليكم السلام ورحمه الله وبركاته ، طبعاً انا مش دكتوره نفسيه ولا حاجه ،لكن حبيت انصحك كام نصيحه كده ممكن بإذن الله تفرق معاك يعني ،حضرتك وارد يكون السبب قلة الصلاه وعدم ذكر الله والدنيا اللي بتلهينا دي ،ف نرجع لطريق ربنا وشغل القرآن واسمعه وبلاش اغاني ف البيت والكلام ده . تاني حاجه وارد برضوا يكون السبب حسد وعين قويه ف شغلك وحياتك عمتًا ،ف شوف شيخ يُرقيك . ثالثاً ممكن تكون مضغوط جدا او بتفكر ف حاجات كتير زي مصاريف البيت أو اي نوع ضغط ده بيسبب عصبيه ف الحل إنك تسيب كل حاجه تمشي ببركة ربنا عليك السعي واللهُ هو المُدبر يعني ماتقلقش كل حاجه هتتحل وخلي ليك ولزوجتك وقت تقعدوا فيه لوحدكم من غير دوشه وكلام عن الحياه والمشاكل والكلام ده انساه خالص خدها ف حضنك كده واقعدوا وانسوا الدنيا وصالحها هاتلها اي شيء بسيط جدا او حتى كلمه حلوه وقولها عايزك واقعدوا ف البلكونه كده او مكان هادئ ومعاه فيلم، يعني أخلق جو جديد ده هيفيدك وهيقربكم اكتر من بعض وهي والله هتنسى اي شيء حصل بكلمه حلوه منك مش شرط آسف بس كفايه إنتِ كذا كذا مقدرش ازعلك أنتِ متعرفيش كنت حاسس بإيه وانا مزعلك وهكذا وهي هتنسى اصلا ومتنساش تصلي ركعتين قضاء حاجه وحط ف نيتك إن ربنا سبحانه وتعالى هيقضي ليك حاجتك .ويارب يارب تستفاد ويصلح لك ربنا حالك واحوالك يارب
تم النشر الأحد، ٤ يناير ٢٠٢٦
الموضوع بسيط بدون طبيب، شوف اي سبب المشاكل و ال بيغير مزاجك و حاول تتخلص منه، سواء ضغط شغل فحاول تاخد اجازه لفتره او قلق و خوف من المستقبل مثلا ف قرب من ربنا و ادعي او سواء هموم كاتمها فحاول تحكي لحد قريب منك حتى لو مش هيقدم حلول ولكن انك تحكي هيفيد شويه، الموضوع مش واضح قوي لانك مش حددت سبب تغير مزاجك ولكن هو إن شاء الله مش يخرج عن ال 3 اسباب دول+ نصيحه حاول تاخد فتره راحه و اخرج انت و زوجتك في أي رحله بدون تفكير في مسؤوليه او اي شيء فقط تكون عباره عن رحله وبس، و إن فيه أي قلق او خوف او حاجه من الحاجات ال مش لنا تحكم فيها دي فاتوضى و صلي ركعتين لربنا و ادعي و قول ال انت عاوزه و بإذن الله الامور هتتحل وترجع أحسن من الاول+ لو بتسمع اغاني او بتروح خروجات مع اصحابك او كدا وقفها افضل و ممكن تقرأ قرآن و هكذا.... إن شاء الله اجابتي تفيد بشيء و ربنا يصلح لك الامور يارب 🤲🏻
تم النشر الأحد، ٤ يناير ٢٠٢٦
أخي الكريم، أشكرك على ثقتك وشجاعتك في مشاركة هذا. الاعتراف بخطأك خطوة كبيرة نحو التحسن، والله يحب التوابين. العصبية الزائدة قد تكون علامة على ضغوط نفسية أو مشكلة صحية تحتاج تدخل متخصص. اقتراح عملي فوري: تواصل مع طبيب نفسي أو معالج متخصص في الغضب والسيطرة العاطفية. في Fedni، يمكنك العثور على خبراء موثوقين هنا: https://www.fedni.net/experts – ابحث عن أطباء نفسيين أو مستشارين أسريين، واطلب استشارة خاصة. اعتذر لزوجتك بصدق، واطلب غفرانها، وابنِ الثقة من جديد بالصبر والأفعال. جرب قراءة سورة الشرح يومياً لتهدئة النفس، وتجنب المثيرات مثل الإرهاق. ابحث في Fedni عن أسئلة مشابهة حول "السيطرة على الغضب" لنصائح إضافية. أنت قادر على التغيير، وأنا هنا لدعمك. خذ الخطوة الأولى اليوم! 💪
تم النشر الأحد، ٤ يناير ٢٠٢٦
انت طبيب نفسك ومش محتاج دكتور الموضوع محتاج صبر منك وانك تشتغل علي نفسك وتصفي ذهمك من الهموم والمشاكل والضغوط المتراكمة جواك اللي بتخليك تتعصب..تاخد راحة لتفسك كدة وتقعد مع نفسك جلسة محاسبة وتقارن الحياة وتتفهم ان العصبية مش هتجيب غير المشاكل وخراب البيوت وتشتت الاسرة ..وقرب من ربنا بصلاتك يوميا ده هيكون ليه واقع نفسي افضل من اي هموم ..وربنا يصلح حالك ويوفقك دايما
تم النشر الاثنين، ٥ يناير ٢٠٢٦
هل بتمر بضغط عمل أو كنت في ضغط في الطفولة
تم النشر الاثنين، ٥ يناير ٢٠٢٦
لعرض السؤال في فدني اضغط هنا