عندي مشكلة الهروب من المشاكل
مش بعرف أواجه مشاكلي أو اتحمل المسؤوليه وبخاف
انا ف تالته ثانوي علمي و كنت قبل كدا بعرف اذاكر كويس
بس اما دخلت تالته بقيت بتجنب المذاكره خوف مش كره في الدراسه انا بحب اذاكر بس بخاف أواجهها كمسؤوليه
والسنه بتخلص وانا بهرب بالموبايل الي انا اصلا في العاده معنديش مشكله ممسكهوش في الاجازه وبالنوم وبالتفكير
بحكم ديما على نفسي اني هفشل ومش هقدر اعمل حاجه و الي هما حققوه في شهور مش هاجي انا الحقه ف شهرين
عارف اللى بتعمله ده اسمه ايه اسمه ...انا خايف افشل فبسهل على نفسى طريق الفشل المذاكرة مش مشكلة عشان تواجهها ..لان الطريق ليها معروف ومفهوم حتى لو قدامك شهر واحد مش حتى شهرين الطريق هو الفعل والاجتهاد ...والاساليب بقى كتييييره اوى ومتاحه دلوقتى . اذا كانت نفسك بتهيألك ان مسؤولية المذاكرة حاجة كبيرة ...فجرب كده تشوف وتسمع مسئوليات الناس اللى وراها شغل بتارجت او بيت بيصرفوا عليه او مسئولية مشروع بالكامل . ساعتها هتعرف ان دى مش مسئوليه يتهرب منها وامرها هين . اللى هتربى نفسك عليه هو اللى هيخليك قدام يا اما شخص بيتهرب من مسئوليه كبيره والدنيا كلها تدعى عليه واثره يبقى سىء يا اما هتبقى شخص بيشيل المسئولية بحق وبيحاول ميحققش خسائر وده اللى الدنيا كلها هتدعيله وتقدره . شوف انت عاوز تبقى انهى شخص واعرف ان المستقبل بيتشكل من افعال النهاردة
تم النشر الخميس، ٢٢ فبراير ٢٠٢٤
يارب 🤍🤍
تم النشر السبت، ٢٤ فبراير ٢٠٢٤
،🤲🤲🤲🤲بالتوفيق ان شاء الله،✊🏅🎖️
تم النشر السبت، ٢٤ فبراير ٢٠٢٤
شكراً ليكي ، دعواتك 🤍
تم النشر السبت، ٢٤ فبراير ٢٠٢٤
متخافيش حبيبتي. ده بيدل علي انك متوترة. عشان اخر سنه وعليها هيتوقف شكل مستقبلك. هتدخلي ايه وهتروحي تنسبقك فين. متخافيش. وحاولي ترتبي نفسك بس انتي كده وذاكري بزمهومتتوتريش. وثقي بنفسك. انك ناجحه ناجحه. انتي بس رابي نفسك. وقيمي نفسك. وتعملي لنفسك فالنص وقت ترفيهي ترفهب عن نفسك فيه لتقدري تواصلي. ةيعني اعمليلك جدول امشي عليه. وان الله لا يضيع اجر من احسن عملا. صدق الله العظيم. ،✊ وكل الدعم لكي اختي
تم النشر السبت، ٢٤ فبراير ٢٠٢٤
لعرض السؤال في فدني اضغط هنا