أنا حاسس بيكي جدًا وصدقيني اللي إنتي فيه مش غريب، في السن ده المشاعر بتتلخبط جدًا والواحد ساعات بيحس إنه متغير فجأة ومش فاهم نفسه. مش لازم تكرهي نفسك عشان كدا، دي مرحلة وهتعدي، ومش معناه إنك وحشة أو قلبك اتقفل. بالعكس، اللي بيحب من قلبه بيتأثر بسرعة وبيدخل جواه تعب أكتر من غيره. اللي إنتي محتاجاه دلوقتي إنك تدِّي لنفسك فرصة تهدي، مش لازم تضغطي على نفسك بالكلام أو المشاركة غصب عنك، وقت ما تلاقي نفسك عايزة تحكي أو تشاركي قولي، ولو مش قادرة كفاية إنك تسمعي. المهم متسبيش نفسك وحيدة جوا دماغك، جربي تكتبي اللي جواكي في ورق حتى لو مش هتشوفيه تاني. قربك من ربنا برضه هيفرق جدًا، حتى لو بدعاء صغير أو ركعتين بس، هتحسي براحة. وافتكري إن مفيش حد حياته مثالية، كلنا بنعدي بفترات كره وضيق، بس اللي بيخلينا نكمل إننا عارفين إنها مش هتدوم. إنتي مش لوحدك ❤️
بس الإنسان ليه ميبقاش قوي
تم النشر الثلاثاء، ٩ سبتمبر ٢٠٢٥
شكرا ❤ الفترة دى احسن كتير الحمدلله بدات اصلي
تم النشر الثلاثاء، ٩ سبتمبر ٢٠٢٥
لعرض الإجابة في فدني اضغط هنا