وعليكم السلام ورحمة الله وبركاته، اولا رح أبدأ جوابي بتنبيه مهم جدا، التصوير خطر كتير ، ياما بنات صورو نفسهن وبعثو الفيديوهات بالغلط او نشروها بالغلط وتسرّبو وصارو يواجهو ابتزازات لحد لما انجرّو لطريق شمال عشان ما ينفضحو،غير طبعا حقيقة انه ما في امان وأي شخص ممكن يهكر التلفون والمعلومات دائما ممكن انه حدا يصلها بطريقة أو بأخرى، لهيك اوّل اشي اعمليه هو حذف كل اشي وما تعودي تتصوري بهاد الشكل. النقطة الثانية هي نقطة كتير مهمة، انت بجيل خلينا نحكي مش بداية البلوغ لهيك واعية لجسمك ولكل اشي بصير فيو، المشاعر الي بتحسيها بعد تصوير هيك فيديوهات او بعض استحضار هيك افكار هي طبيعية، لأنه هاي طبيعة الانسان. بس أبدا مش محلّها ومش وقتها... مادامك بتستحضري هيك مشاعر وبتسترسلي فيها، مادامها رح تصير أقوى، وطبعا انت مش متزوجة فما في طريقة للتخلص من كل اشي بتعمليه غير طريق الحرام الي الشيطان ممكن يجرّك الو لا سمح الله، خطوة بخطوة. لهيك انتبهي! الحل هو انّك تتقربي من ربنا وتقطعي هيك افكار؛ وتحاولي تنسي وتتجاهلي هاد الجزء من شخصيتك، ركزي على عبادتك، دراستك تطوّرك؛ اشغلي نفسك بالرياضة، ما تقعدي لحالك كتير ، خليكي دائما مع اشخاص... صومي اثنين وخميس، او حتى يوم واحد بالاسبوع، اكثري من الصوم. (وطبعا بالنهاية ما في داعي اقول انه العادة السريّة حرام)
شكراً لنصائحك 🫶
تم النشر الثلاثاء، ٧ أكتوبر ٢٠٢٥
لعرض الإجابة في فدني اضغط هنا