انا بتوتر وأحيانا مبعرفش اسيطر علي التوتر يعتبر حياتي اتدمرت والمشكله لما بتوتر بيحصل كركبه في المعده وغازات معده
السلام عليكم ورحمه الله وبركاته ايه الحاجات والتوتر عندنا ايه اكثر المواقف اللي لما بنتحط فيها بنبدا تظهر علينا اعراض ده نمره واحد هنبدا ناخذ بالنا ان احنا كل ما نلاقي نفسنا في المواقف دي نحاول على قد ما نقدر ان احنا نخرج منها او ما نكونش موجودين جوه الموقف قوي تمام طيب ثاني حاجه هنحتاج نشوف ايه اعراض التوتر اللي بتظهر علينا ما ينفعش الاقي اعراض التوتر بدات تظهر واسيبها خلاص بقى واسيبها تكمل لحد ما توصل للمرحله الشديده طيب ممكن تكون التوتر جاي من خلاص فكره وجاتلي وتفضل الفكره ماسكه دماغي فانا افضل متوتره على الفكره وعماله بفكر فيها فتفضل اعراض التوتر تزيد بشكل كبير فانا برده لازم اشوف انا ازاي اقدر اتعامل مع الفكره اللي بتجيلي اللي بتخلي التوتر مستمر خدهم واحده واحده المواقف لما انا بتحطه في موقف وبتوتر فيه هنا انا غالبا عندي يعني شك شويه في قدراتي اني اقدر اتعامل مع الموقف ده وهو ده اللي بيخليني اتوقع او اني بفضل اتوقع في احداث سيئه ممكن تحصل ومن كثر ما انا قاعده بفكر في الاحداث السيئه دي بتوتر على حاجه ما حصلتش اصلا. محتاجه اعمل ايه محتاجه ان انا انفس عن التوتر ده لازم الاقي بالتوتر ده مخرج بره جسمي لان لو ما بخرجوش بره الجسم وهو بيبدا يعمل ايه يبدا يتوجه ناحيه الجسم من جوه فيحصل بقى الايه الاعراض والمضاعفات دي اللي هي كل اللي انت فيه ده مش في المعده ده قولون عصبي محتاجه انك تاخدي بالك من ده كويس جدا زائد ان احنا ممكن ياخذ علاج دوائي للقولون العصبي بيهدي من الاعراض دي كتير جدا ولكن هيظل لازم يتعامل مع الاسباب الاساسيه والمثيرات للتوتر في الاساس وبس احنا بنساعد الدواء بتاعه القولون العصبي علشان يهدي معانا الاعراض.
تم النشر السبت، ٢٨ يونيو ٢٠٢٥
لازم تلاقي السبب الرئيسي للتوتر وتقضي عليه، او تقلليه عن طريق تمارين تنفس، او الرياضة او انك تكتب كل اللي بيدور في دماغك سواء في الموبايل او الورقة، ممكن تفضفضي مع الشات جي بي تي او اي حد مقرب ليكي، بس الافضل تستشيري دكتور في الموضوع دا.
تم النشر السبت، ٢٨ يونيو ٢٠٢٥
بصي أنا كنت زيك كده بالظبط التوتر كان بيأثر على معدتي وبحس بكرشة نفس وغازات بس بدأت أراقب أفكاري وأهدي نفسي بالتنفس العميق وبطلت أكل أكل تقيل وأنا متوترة كمان المشي الخفيف أو سماع قرآن قبل النوم كان بيريحني جدًا الموضوع محتاج تدريب وهتهدي مع الوقت
تم النشر الثلاثاء، ١ يوليو ٢٠٢٥
مرحبًا عزيزتي، أنا ذكية وسعيدة بأنك وصلتني لتحكي لي عن شعورك بالتوتر وتأثيره على حياتك وصحتك. أولًا، من المهم أنك تعرفي أن التوتر جزء طبيعي من حياتنا، ولكن عندما يتكرر بشكل كبير ويصبح صعب السيطرة عليه، هو فعلاً يسبب مشاكل صحية ونفسية تؤثر على جودة حياتنا. بالنسبة للوضع اللي بتحكي عنه، لما تتوترة بتحسي ب "كركبة" في المعدة وغازات، هذا تأكيد على أن التوتر بيأثر على جهازك الهضمي. التوتر يرفع من إفراز هرمونات مثل الأدرينالين والكورتيزول، وهما بيأثروا على حركة المعدة والأمعاء، مما يسبب اضطرابات هضمية مثل الغازات، الألم، والكركبة. كيف ممكن تساعدي نفسك تدريجيًا؟ تنظيم وقتك وتحديد مصادر التوتر : حاولي تعرفي إيش هي الأسباب اللي بتشعرك بالتوتر وحاولي عزلها أو التعامل معها بشكل منهجي. مارسي نشاط بدني معتدل : المشي أو أي حركة بسيطة بتساعد كثير على تفريغ الطاقة السلبية وتحسين المزاج. تناولي طعام صحي وابتعدي عن المأكولات اللي تسبب غازات أو حساسية لمنطقة معدتك. كتابة مشاعرك : أحيانًا كتابة ما بداخلك يساعد على تفريغ التوتر وفهم المسألة بشكل أفضل. تخصيص وقت لنفسك للهدوء : حتى لو دقائق قليلة يوميًا. لو استمرت المشكلة وتأثرت حياتك كثيرًا، أنصحك تستشيري طبيب أو متخصص نفسي لأن التوتر الصعب يحتاج دعم مهني، وهناك خبراء متميزين على منصة فدني يمكنهم مساعدتك. أنا هنا دائمًا إذا حبيتي تتكلمي أكثر أو تحتاجي دعم. لا تنسي، التوتر مش هينهي حياتك، وأنتِ أقوى مما تتخيلي! 🌷✨ هل ترغبي أن أساعدك في خطوات تنظيم التوتر بشكل أدق؟ (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الجمعة، ٢٧ يونيو ٢٠٢٥
ده قولون عصبي القولون عندك احساس وبيتهيج من اي ضغط نفسي اي مشاعر متخديش الأمور علي قلبك تعاملي براحه وكل حاجه ليها حل
تم النشر السبت، ٢٨ يونيو ٢٠٢٥
ممكن تعالجي نفسك لاني التوتر بيادي المشاكل صحيه قبل ما يكون ع الحياه اليوميه فمثلاً لو عندك امتحان حطي نفسك جوه ضغط الامتحان اقفلي ع نفسك واعملي تايمر بمعاد الامتحان وابداي حلي بدون ما تركزي مع اي حاجه حواليكي وهكذا في باقي الحاجات لازم تعودي نفسك ع السيطره ع الأمور وده بيجي من التعلم والخبره والمشاركة توترك مش سببه خوف أو حاجه زي دي بس ع العكس ممكن يكون بتخافي من المستقبل مش بتعرفي تسيطري ع اعصابك من اقل موقف فده بيجي انك تاخد نفس عميق وتخرجيه لما يحصل مشكله وتقولي لنفسك كل حاجه هتبقي بخير ودي لعقلك فرصه أنه يفكر بدون خوف وتوتر
تم النشر السبت، ٢٨ يونيو ٢٠٢٥
اكتبي الأفكار والمخاوف والاحتمالات اللي ممكن تحصل أثناء التوتر .. زي "هسقط" ، "حياتي اتدمرت" ,"كل حاجة خرجت عن السيطرة" .. فضفضيها
تم النشر الثلاثاء، ١ يوليو ٢٠٢٥
حاولي تستعيني بالله ودايما افتكري انها دنيا وان نصيبك وقدرك مكتوب وان احنا ماعلينا غير السعي وحسن الظن بالله وان والله مافي حاجه ف الحياه تستاهل ابدا ان احنا نتوتر عشانها نحاول نقرب اكثر من ربنا واكدي هنكون احسن
تم النشر الأحد، ٢٩ يونيو ٢٠٢٥
لعرض السؤال في فدني اضغط هنا