استعيني بالله ولا تعجزي فالعجز صفة الضعفاء نظمي حياتك لازم تبقي عارفه إنتي هتعملي إيه في كل لحظه ومرتبة ومقسمه كل حاجه عليكي وعندك خطة واضحه لو بقا عندك خطة واضحه هتبدأي لواحدك بعيدًا عن العياط وفقد الشغف كل ده هيختفي لما تقرب واقفه مع نفسك كده وتشوفي إنتي عليكي إيه وبتعملي ايه
لا طبعا طبيبه شخصتني وخدت كذا جلسة معاها يعني... والله انا مش فاهمه اللي بيحصلي علشان افسرة اصلا يعني حاسة اني ف دوامة مش عارفة اطلع منها.. انا بحاول اعمل سيرش كل شوية علشان اقتنع اصلا اني عندي اكتئاب وان هو السبب ومش انا السبب ف ده علشان مدخلش فدوامة جلد ذات ونوبات غضب وضيق تنفس
تم النشر الأحد، ٣ مايو ٢٠٢٦
انتي كاتبة فوق متشخصة اكتئاب.. هل طبيب شخصك ولا من اختبارات النت؟ هو أكيد من أعراضه بس خلينا ناخد بالأسباب كلها.. حاولي برضه تطلعي فكرة إن البلاء لازم ييجي في الحاجة اللي بنحبها، ربنا والعياذ بالله مش جلاد وأي حاجة بنحبها على طول يحرمنا منها، ربنا كريم فنسأله من فضله وكرمه وندعيه يبارك لنا في الحاجة اللي بنحبها ونسأله خيرها ونتعوذ من شرها.. خلي بالك القناعات والأفكار بتأثر على النفس وسعيها فبرمجي عقلك على أفكار إيجابية تدفعك لقدام مش توقفك... ربنا يوفقك.
تم النشر الأحد، ٣ مايو ٢٠٢٦
بحاول انتظم اني اسمع الرقية يومياً.. ولكن لما بحثت كتير ده من اعراض الاكتئاب قلة التحصيل والتركيز والارهاق الذهني بلا مجهود.. انا بس صعبان عليا نفسي لأني بعافر ف احلامي ومستقبلي.. انا دي اكتر حاجه بحبها هى تخصصي واني اتطور فيه وبحاول اقتنع ان الابتلاء بييجي ف اللي بنحبه ودي اكتر حاجه بحبها انا اصلا دورت اني اشوف علاج نفسي لاني مش عاوزة افشل ف دراستي مكنش فارق معايا أي حاجه وحشة بحس بيها اد دراستي🙂
تم النشر الأحد، ٣ مايو ٢٠٢٦
@السائلة طيب جربتِ تمشي على رقية شرعية؟ حاولي كده ترقي نفسك أو مامتك ترقيك واقرأي سورة البقرة كل يوم.. وطبعا متقصريش في علاجك... ربنا معك وألف سلامة عليكِ.
تم النشر الأحد، ٣ مايو ٢٠٢٦
انا طول عمري مستعينه بالله.. يوميا بعمل خطط ويوميا بظبط هعمل ايه وبحاول ادخل مع صحابي اذاكر علشان اتشجع شوية ولكن بلا مبالغة بدخل في حالة ان مخي واقف اصلا مش قادرة اذاكر ولا قادرة ابص الكتاب مش كسل ولا كره بالعكس انا بحب المواد وبحب التخصص ولكن مخي واقف بجد انا عملت كل حاجه ممكن تتعمل ولكن تحصيلي ضعيف جدا بجد.. حاليا بقيت بدخل ف نوبات اني مش قادرة آخد نفسي ومش بعمل غير اني باصة لسقف اوضتي منهارة.. والحمد لله انا مش شخص ميعرفش دينه بالعكس الحمد لله انا ازهرية على قدر كبير من العلم الشرعي وبجاهد ف الذنوب وبجاهد ف حفظ القرآن ولكن مش عارفة بجد انا مالي وفي ايه وليه ده بيحصل 🙂
تم النشر الأحد، ٣ مايو ٢٠٢٦
لعرض الإجابة في فدني اضغط هنا