السلام عليكم
انا كنت علمي علوم وبحب الأحياء والمجال الطبي جدا خصوصا اللي متعلق بجسم الإنسان
بس النتيجه متوفقتش ودخلت تجارة انجلش بس لحد دلوقتي مش عارفه أتأقلم ولا احب الكلية،
وخصوصا ان كانت اكتر حاجه شايفه اني شاطره فيها هي المذاكره فبعد ما للأسف محققتش هدفي في ثانوية حاسه اني تايهه والحاجه الوحيده الللي كنت بعرف اعملها بقيت فاشله فيها ،
هل في اي طريق اقدر بيه اني اشبع الجزء الداخلي مني (اني اتعلم كل حاجه عن جسم الانسان) في كتب مثلا تقدرو ترشحوهالي؟ ولو حد مر بنفس التجربة قدر انه يتخطى ازاي؟
و عليكم السلام و رحمه الله و بركاته المشكله الكبيره في ثانوية عامه إن الناس ادتها حجم كبير ، و نسيوا السبب الأساسي وراء المذاكره سواء في الثانويه أو غير الثانويه مُهم تفهمي إن السبب الأساسي من الإجتهاد و السعي مش دُنيا و شغل بل هي عباده بنعملها لإن ده المطلوب مننا في الدُنيا ، مش مطلوب مننا غير السعي مهما كانت النتيجه ، ربنا بيقول {وأَنْ لَيْسَ لِلإِنسَانِ إِلَّا مَا سَعَى وَأَنَّ سَعْيَهُ سَوْفَ يُرَى} يبقا و أنتِ بتسعي في شتى أمور حياتك لازم تبقي واثقه إن ربنا هيجازيكي بالسعي ده سواء هيجازيكي دُنيا أو أخره و لو سبحانه و تعالى جزاكي أخره ف {الأخره خير و أبقى} يعني لو نلتي مُرادك و هدفك من السعي في الدنيا ب ان حلمك اتحقق ف الحمد للّٰه خير بس لو مأخدتيش هدفك ف بردو الحمد للّٰه في الحالتين الفائز بالسعي هو أنتِ لإن دي عباده المفروض هدفها هو التقرب من ربنا و نيل رضاه مش مُهم الدُنيا و مش مهم ايه النتيجه و هتوصل بينا لفين المهم تنفيذ أمر ربنا الي هو "السعي" ف لازم توقفي جلد نفسك و تستشعري هدف السعي الحقيقي و معناه عشان هو ده الي هيخليكي راضيه ب أي نتيجه.. طب دخلتي تجاره بدل طِب فكري معايا كدا مش كان ممكن ف طب تسقطي ؟ مش كان ممكن تدخلي طب و تعملي عمليه لإنسان فاشله تنهي حياته و تحسي بسببها بذنب طول عمرك و نفسيتك تدمر بسببها؟؟ اللّٰه أعلم دا علم غيب الي مش موجود عند حد غير ربنا ف دورنا نحمده على اي حال لإن هو العالم بالخير لينا و هو الي بيقدَّره { {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} يبقا ارضي بما قسمه اللّٰه لإن مش لعله خير ده هو ده أكيد الخير بلا أدنى شك ، يبقا كل الي عليكي تسعي تاني و تالت لإن ده سبب وجودك في الدُنيا ، اسعي في كليتك و اسعي في نيل الرضا و التقرب للّٰه عز و جل و هيبقا ليكي أجر عظيم!! و كونك مش عارفه تتأقلمي و كارهها ده بسبب إنك مش راضيه بقدر ربنا ف لازم تحمديه و ترضي بقضاءه ،، و حُبك لعلم الإنسان شيئ كويس جداً و مش معنى إنك مدخلتيش طب يبقا متقرأيش عنه بالعكس طالما حاجه بتستمتعي بيها ف اقرأي عنها و إنغمسي فيها ممكن تبقا مُفيده ليكي فيما بعد و بجانب ده لازم تركزي في مجالك و تجتهدي في كليتك ، و بالتوفيق 💗
تم النشر الأربعاء، ٢٩ أكتوبر ٢٠٢٥
مين قال انك متوفقتيش بالعكس التوفيق من عند الله وهو ده توفيقك ...كان زمان عشره أصحاب في ثانوية عامه كلهم كانو عندهم هدف أنهم يذاكرو ويخشو طب مع بعض وكان في واحد فيهم مميز جدا كانت النتائج والمؤشرات بتقول لو التسعه مدخلوش طب هو ده الي هيحقق الهدف ولكن الأقدار تفعل ما تشاء حصل العكس والتسعه دخلو طب وده الوحيد الي جاب مجموع تجاره انجليش زايك كده الراجل رضي بنصيبه ومكانش زعلان وعامل الحاجه الي بيعرف يعملها المذاكرة واجتهد في تجاره انجليش وخلص الكليه واشتغل في التجاره ونجح وكبر وكسب وفضل يكسب بس منساش حلمه الطب لما بقى كبير وحد جامد من التجاره وربنا كرمه اشتريه مستشفى كامله وتشاء الظروف أن أصحابه الي كانو بيذاكرو معاه وهما دخلو طب وهو لا يشتغلوا عنده في المستشفى بتاعته شوفتي القدر متعرفيش ربنا شايلك ايه ارضي وكملي وتعملي الحاجه الي انتي شاطره فيها وفي يوم من الايام هتحققي حلمك أكيد ده لو حلمك متغيرش مع الوقت ربنا يوفقك
تم النشر الثلاثاء، ٤ نوفمبر ٢٠٢٥
وعليكم السلام ورحمة الله يا عزيزتي، أشعر تمامًا بما تمرين به، لأن كثيرًا من الناس يواجهون لحظات تشتت وضياع خاصة عندما لا تسير الأمور كما توقعوا، خصوصًا في مرحلة مهمة مثل الثانوية والجامعة. أولًا، أريد أقول لكِ: أنتِ ليست فاشلة أبداً، بل هذه تجربة مؤقتة يمكن تجاوزها. لنقسم موضوعك إلى نقاط ونحاول نوضح لكِ خطوات عملية: التعامل مع الشعور بالتشتت والضياع: طبيعي أن تشعري بالحزن أو الإحباط لما لم تتحقق أهدافك بالكامل، لكن لا تسمحي لهذا أن يحدد قيمتك أو قدراتك. ركزي على نقاط القوة التي لديكِ، مثل ذكاءك ومهارتك في المذاكرة، فهذا أساس مهم يستحق التفاؤل. التأقلم مع الكلية ومجال الدراسة الحالي: حتى لو لا تحبين كلية التجارة والإنجليزي، حاولي أن تجدي أشياء فيها تهمك أو تحاولي استثمار دراستك فعليًا في مهارات مفيدة (مثل اللغة الإنجليزية، التي هي مفتاح للكثير من التخصصات، والبحث العلمي). لا تضغطي على نفسك بشدة لتغيير الفكرة دفعة واحدة، خذي وقتك للتعود. إشباع شغفك وحبك للمجال الطبي والأحياء: يمكنكِ متابعة شغفك خارج إطار دراستك الجامعية. كثيرون يطورون اهتمامهم بالعلم عن طريق القراءة الذاتية أو الدورات التدريبية على الإنترنت. بعض الكتب التي أوصي بها عن جسم الإنسان والمجال الطبي: "تشريح الإنسان" لهنري جراي (Gray's Anatomy) هو مرجع كلاسيكي ومفصل. "المقدمة إلى علم الأحياء" من تأليف كامبل. كتب ومقالات مبسطة باللغة العربية حول الأحياء الطبية متوفرة في المكتبات أو على الإنترنت. يمكنكِ أيضا متابعة قنوات ومواقع إلكترونية متخصصة في علم التشريح والعلوم الطبية. استراتيجيات للتغلب على الإحباط والشعور بالضياع: حاولي وضع خطة بسيطة تتضمن هدف صغير يومي أو أسبوعي تستمتعين بتحقيقه في مجال شغفك. اطلبي الدعم من أهل اختصاص أو معلمين في المجالات العلمية، أو ابحثي في موقع فدني عن خبراء في المجال الطبي يمكنهم مساعدتك بتوجيهات عملية. تأكدي بأن الحياة ليست محدودة بخطوة واحدة: كثير من الناس يغيرون مساراتهم المهنية أو دراساتهم ويجدون نجاحهم فيما يحبون في وقت لاحق. لا تيأسي، التجربة والتعليم المستمر هما مفتاح التطور. أنا هنا لدعمك دائمًا، وإذا أحببتِ، يمكنني أن أساعدك في البحث عن كتب أو مصادر تعليمية أيسر، أو حتى إرشادك لكيفية الاستفادة من الوقت الحالي للحفاظ على شغفك. هل تودين أن أساعدك في ترتيب قائمة مصادر أو تنظيم خطة بسيطة تستعيدي بها حماسك؟ أو ترغبنك في الاطلاع على خبراء في المجال الطبي على فدني للتواصل معهم؟ أنا هنا معكِ يا ذكية! 💪🌸
تم النشر الاثنين، ٢٧ أكتوبر ٢٠٢٥
ربنا سبحانه وتعالى بيسد باب علشان يفتح أبواب ويمكن الخير في شيء غير اللي انتي بتتمنيه وياما ناس سابوا مجالاتهم وربنا فتح عليهم في مجالات تانية بعيدة عن خيالهم
تم النشر الثلاثاء، ٢٨ أكتوبر ٢٠٢٥
كملي في مجالك وانجحي فيه وكل حاجة في التعليم ليها نفع بشكل عام ولو على حبك للمجال الطبي اهتمي بصحتك وشوفي نصائح الأطباء وظيفة الاعضاء في جسم الانسان وكيف نحافظ عليها ونهتم بيها وبكدا يبقى مليتي الفراغ واستفدتي
تم النشر الخميس، ٣٠ أكتوبر ٢٠٢٥
لعرض السؤال في فدني اضغط هنا