السلام عليكم
انا السنادي كنت في تالته اعدادي الترم الاول استهترت فيه ومذاكرتش بجديه كنت بذاكر بس مش اوي، المهم ف الترم الاول جبت 95/140، انا اتصدمت لاني
عمري ما جبته ولا كنت متوقعه المجموع
لاني ف تانيه اعدادي جبت 250/280
المهم جيت بقي الترم التاني وادركت خطورة الموضوع اني ممكن مدخلش ثانوي، ذاكرت باجتهاد مش زي الترم الاول، والله من اول يوم في الترم الاول ذاكرت لحد اخر يوم كنت بذاكر بالاربع ساعات في اليوم حتي في رمضان وليلة العيد ويوم العيد وكنت بحل مئات الاسئلة والكتب الخارجيه كلها ومن علي اليوتيوب بس مكنتش بروح سناتر لان الترم التاني كان وقته قليل ومكنش هينفع اروح واجي كل يوم.
المهم دلوقتي النتيجة لسه مطلعتش باقي عليها كم يوم، وانا والله عملت اللي عليا والباقي علي ربنا بس احتمال كبير مدخلش ثانوي مع اني حليت كويس في الامتحانات الحمدلله بي عندي احساس اني مش هجيب مجموع ثانوي وبنفس الوقت عندي احساس ان ربنا مش هيضيع تعبي طول ال 3 شهور ولو ربنا مختارليش ثانوي هيبقي اكيد خير ليا، بس انا مش متقبله الفكره
انا والله شاطره وبذاكر ومحدش بيقولي ذاكري لان امي مش متعلمه واخويا صغيره ومش بيذاكر اصلا وبابا متوفي فمحدش بيضغط عليا ولا يقولي اذاكر ولا يتابعني ولا اي حاجه ومش فارق معاهم دخلت اي ولا جبت مجموع كام بس انا عايزة المجموع لنفسي لاني حقيقي تعبت والله العظيم
يعني وانا في الحضانه مكنش فيه حد يذاكرلي ولا يحل معايا الواجب وحتي في ابتدائي كان مستوايا مش كويس لان مكنش حد بيذاكرلي ولا كان حد مهتم بتعليمي اصلا عندهم فكرة اني بمجرد اني في مدرسة فخلاص بقي مش محتاجه مذاكره ولا دروس ولا حاجه. ولا انا اصلا عمري روحت دري في سنتر لاني ببساطة مليش صحاب ولا عمري صاحبت حد واني صاحبت مثلا بتبقي الصاحبه دي ليها اصحاب تانيين فبمجرد ما تشوفهم تسيبني،
انا زعلانه لاني حاسه اني ال 11 سنه في التعليم مطلعتش بيهم بحاجه لا صحاب ولا ذكريات ولا درجات ولا ثانوي ولا اي حاجه، زي ما بدأت زي ما انتهيت، انا بحاول استوعب ان خلاص حياتي خلصت علي كده اني ممكن مروحش ثانوي ومش هيبقي عندي صحاب ولا ذكريات ولا اي حاجه، وان مشواري التعليمي انتهي،
انا بدأت اذاكر واهتم لمذاكرتي وانا في تانيه اعدادي وجبت الدرجة اللي قولتهالكم فوق يعني كانت اول سنه اهتم بالمذاكره بس جت تالته وكانت صعبه عليا لاني بقالي سنه واحده بس بحسن في مستوايا وبحاول اجيب درجات حلوه، يعني انا بالنسبالي السنتين دول بس اللي ذاكرت فيهم وحسيت بالتعليم محدش يلومني لان مش بايدي انا مختارتش بايدي ان بابا يتوفي وانا صغيره ف اولي اعدادي وهو عنده 75 سنه ولا ماما يكون عندها الان 50 سنه ومش متعلمه ومختارتش ان ميكونش عندي اخوات ولا صحاب مفيش حاجه ف ايدي مستوايا السيء اللي كان ف الاول مكنش بايدي والله العظيم،
انا خايفه يا جماعه مجبش مجموع ثانوي والله بكتب وانا بعيط انا مش عايزة جامعه ولا حاجه بعد ثانوي انا عايزة ثانوي بس ده طموحي مش عايزة حاجه تانيه بس للاسف في حالتي صعب لان ممكن واحتمال كبير مجبش مجموع ثانوي اللي هو متوقع يكون التنسيق 223 درجة، انا مصبرتش لحد ما تطلع النتيجة اشوفها واكتب ده، انا كلامي ملخبط مش عارفة بقول اي
انا مريت بحاجات كتير وصعوبات كتير هتقوليلي صعوبات اني انتي عندك 18 سنه هقولكم ان امي ربنا يسامحها من بعد ما بابا مات من تلات سنين بقت بتضربني وتهيني وتفرق بيني وبين اخويا لدرجة ان جالي تبلد عاطفي واضطراب ما بعد الصدمه، واللي مش عارف انا بقول اي، التبلد العاطفي ده مش بيخلي الواحد يحس بأي مشاعر ولا يقدر يعيط ولا يفرح بنفس القدر قبل كده، انا رغم اني بعيط الان بس عياط دموع بس لكن مش حاسه بمشاعر حقيقيه جوه قلبي، ربنا يسامحك يا امي، والله ببقي نفسي احس بالزعل واعيط بس مش حاسه بزعل ولا بتوتر، يعني بتضربني بعيط تلات دقايق بالكتير وبعدين مش بحس لا جسدياً ولا نفسياً، اللي هيقولي متعصبيش امك ومتتعبيهاش عشان متضربكيش،
هقولك انها اصلا مش بتضربني عشان مش بسمع كلامها، هي بتضربني عشان بتخانق انا واخويا عشان هو ببستفزني وانا بقولها وهي بتدافع عنه وده بيزعلني وبيحسسني بالظلم لان لو بابا كان عايش كان دافع عني، ده وصل بيها الحال انها مسحت بيا الارض وضربتني وجرتني من شعري عشان بنت خالي اللي عندها 7 سنين.
انا قولت جزء من اللي في قلبني، اتمني محدش يستهين بكلامي ولا يقول ده مش حقيقي، مش عارفة اقول اي وانا طالعه من اخر امتحان كانوا البنات بيتصوروا صورة للذكري، اتمنيت ان يكون عندي صديقة او اي حد اتصور معاه صورة للذكري،
والله تعبت فكرت ف الانتحار كذا مره بس بخاف وبتراجع، سلام طولت عليكم
وعليكم السلام يا أسماء. أولاً، أريد أن أؤكد لكِ أن مشاعركِ مفهومة تماماً، وأن تعبكِ وجهدكِ خلال الترم الثاني يستحقان التقدير الكبير. لقد واجهتِ ظروفاً صعبة جداً منذ الصغر، ومع ذلك اخترتِ أن تتحملي المسؤولية بنفسكِ وتذاكري بجدية رغم غياب الدعم، وهذا دليل على قوتكِ الداخلية وإرادتكِ. الخوف من عدم تحقيق هدفكِ في دخول الثانوية العامة طبيعي في مثل هذه اللحظات، خاصة أنكِ ترين فيه طموحاً شخصياً يعكس رغبتكِ في بناء مستقبل أفضل. من الناحية النفسية، يبدو أن الضغوط العائلية والصدمات السابقة قد أثرت على شعوركِ بالأمان والتقدير الذاتي، مما يجعل الانتظار أكثر صعوبة. لكن تذكري أن قيمتكِ لا تتحدد بمجموع درجات أو مرحلة دراسية واحدة؛ أنتِ فتاة شاطرة ومجتهدة، وقد أثبتِ ذلك من خلال التحسن الملحوظ في السنوات الأخيرة. في الإسلام، نؤمن بأن الله لا يضيع أجر من أحسن عملاً، وأن ما يختاره لنا هو الخير حتى لو لم ندركه فوراً. استمري في الدعاء والتوكل، واجعلي هذا الانتظار فرصة لتعزيز صبركِ وثقتكِ بنفسكِ. للتعامل مع هذا الخوف عملياً، ركزي الآن على ما يمكنكِ التحكم فيه: حضري نفسكِ ذهنياً لأي نتيجة، وابحثي عن مسارات بديلة مثل التعليم الفني أو الدبلومات التي قد تفتح أبواباً أخرى للجامعة أو العمل، فكثيرات نجحن في ذلك رغم البدايات الصعبة. حددي أهدافاً صغيرة يومية تساعدكِ على الشعور بالإنجاز، مثل قراءة كتاب مفيد أو تطوير مهارة جديدة. أنتِ لستِ وحدكِ في هذه الرحلة، ويمكنكِ البحث عن أسئلة مشابهة على فدني للحصول على المزيد من الآراء والتجارب. تذكري أن حياتكِ لم تنتهِ، بل هي بداية لمرحلة جديدة مليئة بالفرص إن شاء الله، وأنا هنا لدعمكِ في أي خطوة قادمة.
تم النشر الاثنين، ٢٢ يونيو ٢٠٢٦
مش هعرف ارد قوي في موضوع التعليم لان مش عارفه الانظمه الحاليه ايه بس بإذن الله تدخلي ثانوي و تتوفقي فيه ... انا حاسه خايفه و حزينه اكتر من البيت و من ان معندكيش اصحاب هي مش موضوع تعليم ... اه الاصحاب بنتعرف عليهم في المدرسه يمكن ده المكان الوحيد على حد علمي الا لو بتروحي نادي و تتمرني فأنتي خوفك ان ضياع التعليم مش ضياع تعليم بس ده تعليم و اصحاب ممكن اتعرف عليهم. ووقت بتقضيه و يشغلك عن البيت فكل ده حاجه تقلق فعلا ... انا للاسف معنديش حلول ... انا بس حبيت اكتب تقديرا لشعورك و كل القلق الي حاسه بيه مفهوم و متقدر و يا رب النتيجة تطلع و تطمني
تم النشر الاثنين، ٢٢ يونيو ٢٠٢٦
لعرض السؤال في فدني اضغط هنا