اللي بتحكيه مش حاجة تتاخد بهزار بس برضو مش لازم تخوفي نفسك زيادة. ساعات الضغط والتوتر بيخلوا دماغك عامل زي زحمة فكل صوت صغير يتضخم وتحسي بدوشة حتى لو المكان هادي..جربي تقللي الأصوات اللي حواليكي وتخلي فيه صوت خفيف ثابت زي قرآن أو صوت مية عشان دماغك يهدى شوية وكمان النوم مهم جدا وقلة النوم بتخلي الموضوع أوحش بكتير.كمان سؤال انتي بتحسي بكدا تجاه الاصوات اللي حواليكي بس؟طب لو انتي اللي بتتكلمي مع شخص او بتحضري فيديو الاصوات بتبقي اي بالنسبالك؟ لو اللي عندك مجرد إحساس بالزحمة فده بيتظبط مع الراحة وتنظيم يومك بس لو حاسة إنك فعلا بتسمعي كلام أو أصوات مش موجودة خالص يبقى لازم تروحي لدكتور نفسي وتطمني عادي جدا مفيهاش حاجة متسبيش نفسك كده وتحاولي تتأقلمي وخلاص لأنك تستاهلي تبقي مرتاحة.. ربنا يهديكي يا رب و يريّح بالك 🤍
بصي أنا فاهمة قصدك، إنتي مشكلتك مش بس في الصوت العالي، المشكلة إن كذا صوت بسيط مع بعض زي كلام حد او صوت المية زي م بتقولي بيخلي دماغك يتلخبط وتحسي بضوضاء مرة واحدة، عشان كده بتبقي محتاجة هدوء شوية عشان ترجعي طبيعي وده مفهوم جدا، وكمان عادي إن الخمس دقايق ميكفوش لو انتي أصلا مضغوطة. بس الفكرة متستنيش لحد ما تتخنقي وتقفلي كل حاجة، حاولي من بدري تقللي التداخل ده، يعني لو في صوتين مضايقينك قللي واحد فيهم أو ابعدي عن المكان، ولما تاخدي بريك سيبي نفسك لحد ما تهدي فعلا مش وقت معين وخلاص. وبرضو مش لازم طول اليوم يبقى في صوت شغال حتى لو قرآن، ادي لنفسك شوية سكون عشان دماغك يرتاح. ولو الموضوع بقى بيحصل كتير أو حتى وانتي في هدوء بتحسي بنفس الإحساس، ساعتها يبقى أحسن تطمني عند دكتور، مش عشان حاجة كبيرة بس عشان تفهمي اللي بيحصل وتريحي نفسك.
تم النشر الأربعاء، ٢٩ أبريل ٢٠٢٦
لو في صوت حد بيتكلم و صوت حنفيه مفتوحه مثلاً بحس ان في ضوضاء و لازم يكون في هدوء لو حتى لمدة خمس دقايق عشان ارجع طبيعي تاني او ممكن بعد الخمس دقايق مرتاحش برضو
تم النشر الأربعاء، ٢٩ أبريل ٢٠٢٦
انما في الاوقات اللي بحس اني مش عايزه اسمع اي حاجه ولا طايقه اي صوت حتى لو فيديو هادي مش بستحمل و بقفله
تم النشر الأربعاء، ٢٩ أبريل ٢٠٢٦
الاصوات بتكون موجوده حواليا كأني ف زحمة القاهره و مليون حد بيتكلم ف نفس الثانيه دايما مشغله القرآن في البيت الحمدلله
تم النشر الأربعاء، ٢٩ أبريل ٢٠٢٦
لعرض الإجابة في فدني اضغط هنا