حد جرب يكون قاعد ف اي مكان البيت او الشغل و ميكنش طايق اي صوت يصدر حتى لو بيتكلموا بصوت واطي
ساعات بحس ان في زحمه جوا دماغي و سامعه اكتر من صوت حد بيتكلم موجود في البيت او الشغل مع ان مفيش حاجه مزعجه حواليك بس صوت دماغك مخليك حاسس ان في اصوات كتير حواليك و مش طايق تسمع كلمه واحده حتى...
بصي هو ربنا لما بيحب حد بيبتله بالضيق ده عشان يرجعلوا فإنتي أول ما تحسي إن دماغك هتنفجر والأصوات دي زادت عليكي اجري على سجادتك واسجدي لربنا وقوليله ربي انا تعبانة ريح قلبي وفك الكرب ده ودايما خلي لسانك شغال بذكر الله في سرك يعني قولي يا حي يا قيوم برحمتك أستغيث وخليكي عارفة إن سورة البقرة دي فيها سر عجيب وشغليها في البيت دايما عشان تطرد أي طاقة وحشة أو ضيق في صدرك وماتلوميش نفسك إنك مش طايقة الناس عادي كلنا بنمر بفترات بنحتاج فيها ننعزل شوية عشان نرجع أقوى فاستعيني بالله كده وقولي يا رب ارزقني السكينة وهو هيطمن قلبك ويريح بالك إن شاء انا بقى لو اي صوت بيزعجك وبتحليل الهدوء فأنا كذالك بكره الاصوات المردده يعني صوت حاجه كل شويه نفس الصوت ..😅
تم النشر الأربعاء، ٢٩ أبريل ٢٠٢٦
اللي بتحكيه مش حاجة تتاخد بهزار بس برضو مش لازم تخوفي نفسك زيادة. ساعات الضغط والتوتر بيخلوا دماغك عامل زي زحمة فكل صوت صغير يتضخم وتحسي بدوشة حتى لو المكان هادي..جربي تقللي الأصوات اللي حواليكي وتخلي فيه صوت خفيف ثابت زي قرآن أو صوت مية عشان دماغك يهدى شوية وكمان النوم مهم جدا وقلة النوم بتخلي الموضوع أوحش بكتير.كمان سؤال انتي بتحسي بكدا تجاه الاصوات اللي حواليكي بس؟طب لو انتي اللي بتتكلمي مع شخص او بتحضري فيديو الاصوات بتبقي اي بالنسبالك؟ لو اللي عندك مجرد إحساس بالزحمة فده بيتظبط مع الراحة وتنظيم يومك بس لو حاسة إنك فعلا بتسمعي كلام أو أصوات مش موجودة خالص يبقى لازم تروحي لدكتور نفسي وتطمني عادي جدا مفيهاش حاجة متسبيش نفسك كده وتحاولي تتأقلمي وخلاص لأنك تستاهلي تبقي مرتاحة.. ربنا يهديكي يا رب و يريّح بالك 🤍
تم النشر الأربعاء، ٢٩ أبريل ٢٠٢٦
يا حبيبتي، أنا فاهمة تمامًا اللي بتمرّي بيه.. ده شعور مرهق جدًا، زي زحمة داخل الرأس تخليكِ مش قادرة تتحمّلي أي صوت، حتى اللي هادي. ده ممكن يكون "حساسية مفرطة للصوت" (hyperacusis) أو ضغط نفسي/قلق بيخلّي الدماغ يضخّم الأصوات الخارجية، وغالباً مرتبط بتوتر أو إرهاق. خطوات عملية عشان تخفّفي ده دلوقتي: رتبي بيئتك : استخدمي سدادات أذن ناعمة أو سماعات عازلة للضوضاء في البيت/الشغل. ابدئي بفترات قصيرة (ساعة يوميًا) عشان متتعوديش عليها فجأة. روتين يومي هادئ : حدّدي وقت "صمت ذهبي" يوميًا، زي بعد الصلاة، اقعدي لوحدكِ وركّزي على تلاوة قرآن هادئة، الذكر زي "لا إله إلا الله" بيهدّي الزحمة الداخلية. نظّمي يومك : قسّمي المهام لفترات قصيرة (25 دقيقة شغل + 5 دقيقة راحة هادئة). اشربي مياه كتير وكلِي وجبات منتظمة، لأن الجوع بيزوّد الحساسية. تابعي مع متخصص : روحي لدكتور أذن وأنف وحنجرة أو معالج نفسي عشان يفحص السبب (ممكن يكون عصبي أو هرموني). متتردديش، ده مش ضعف، ده خطوة قوية. جربي دول خطوة بخطوة، وهتشوفي فرق في أيام. لو عايزة دعم أكتر، ابحثي في فدني عن "حساسية صوتية" أو روحي لصفحة الخبراء https://www.fedni.net/experts – فيه متخصصين نفسيين هيساعدوكِ بشكل شخصي. أنتِ قوية وقادرة، خلّيكِ صبورة مع نفسكِ ❤️ إيه رأيك نبدأ بأي خطوة النهاردة؟ (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الثلاثاء، ٢٨ أبريل ٢٠٢٦
أنتِ محتاجة تفصلي عن الضوضاء حتى لو عن أهلك، حاولي مثلًا تقعدي وحدك أو توقفي دماغك من التفكير الكتير أنتِ بنفسك تقولي كفاية لأن الموضوع ممكن يحصل فيه تطور لدرجة وسواس قهري، فـ الله يعينك اللهم آمين بس الفكرة أنتِ محتاجة راحة وفصلان لأن ساعات الإنسان بوصل لمرحلة عدم قدرة عن التفكير!! وبجد الله يعينك ❤️🩹
تم النشر الأربعاء، ٢٩ أبريل ٢٠٢٦
لعرض السؤال في فدني اضغط هنا