بصي يـَ جميـلة.. بالنسبة لنقطة نهائي كأس العالم فأعتقد إن خسارة مصر قبلها من الأرجنتين خلت ناس كتير تدخل تتابع النهائي وهي أصلًا مشحونة فبقى أي حد بيشجع ميسي أو الأرجنتين يتقابل بعصبية أكبر من الطبيعي. وده يمكن يفسر جزء من اللي حصل، خصوصًا إن خسارة المنتخب كانت صعبة على ناس كتير. لكن ده كله طبعًا عمره ما يبرر الشتيمة أو السخرية أو التهديد... وبرضو لازم تبقي عارفة إن أي حاجة فيها تشجيع أو انتماء هتلاقي فيها ناس متعصبة بالشكل ده، فالأفضل متعرضيش نفسك للمواقف دي تاني.. طالما لسه بتحبي الكورة ومش هتقدري تبعدي عنها بسهولة حاولي تتابعيها من بيتك وفي مكان تكوني مرتاحة فيه وابعدي عن أي تجمعات انتي عارفة إن نهايتها هتكون زعل وتوتر. وحاولي تقللي تعلقك بالكورة بالتدريج. عارفة إنها بالنسبالك مش مجرد لعبة وعشان كده أكيد الموضوع مش هيحصل في يوم وليلة لكن حاولي يبقى ليكي اهتمامات تانية تاخد من وقتك وقلبك..اتعلمي حاجة جديدة اقري احفظي قرآن او اشتغلي على أي مهارة بتحبيها.. كل ما قلبك يتعلق بحاجات أنفع هتلاقي الكورة رجعت لحجمها الطبيعي ومبقاش أي ماتش أو أي كلام يقدر يأثر عليكي بالشكل ده. وفي نقطة تانية وهي موضوع 'صاحبك'.. عارفة إنك قولتي إن أهلك سبب في جزء من تعبك وربنا يعينك لكن ده برضو مش مبرر إننا نلجأ لحاجة ربنا مش راضي عنها.. يمكن انتي دلوقتي محتاجة حد يسمعك ويهون عليكي وده احتياج طبيعي لكن مش أي طريق يبقى صح عشان نوصل للإحساس ده.. وإنتِ لسه ١٤ سنة ولسه قدامك عمر طويل فدي فرصة حلوة إنك تتخلصي من العلاقة دي من بدري لأن كل ما الواحد بيتأخر بيبقى الموضوع أصعب على قلبه.. ولو محتاجة تفضفضي أو تطلعي اللي جواكي فصدقيني فيه بدائل كتير أحسن و اجملها إنك تقربي من ربنا أكتر لأن مفيش حد أرحم بينا منه. ربنا يخفف عنك ويكتبلك اللي فيه الخير🤍
بإذن الله..ربنا يعينك يا رب و اتمني بجد تاخدي خطوات فعليه.. بالتوفيق ليكِ 💚
تم النشر الثلاثاء، ٢٨ يوليو ٢٠٢٦
هحاول أن شاء الله 💗
تم النشر الثلاثاء، ٢٨ يوليو ٢٠٢٦
معلش حقك عليا 🙂🤍
تم النشر الثلاثاء، ٢٨ يوليو ٢٠٢٦
الشكر لله 💗 حاولي متخليش اللي عملوه يخليكي تحسي إن معندكيش حق تحبي أو تفرحي أو تشجعي. انتي مش هتقدري تمنعي الناس المتعصبة لكن تقدري متديش لكلامهم أكبر من حجمه ولا تخليه يأثر على نفسيتك بالشكل ده. وبالنسبة لموضوع صاحبك فبصراحة دي أكتر نقطة أتمنى تراجعي نفسك فيها. حتى لو بينكم حدود فده برضو مش صح ومفيش ضمان إن الحدود دي تفضل موجودة مع الوقت. معقولة مفيش صديقة حتى لو مش مقربة أوي؟ أو قريبة أو حد أكبر تثقي فيه؟ وحتى لو ملقيتيش أي حد من دول فربنا موجود وهو أولى واحد تلجئي له وقت الضيق. متخليش احتياجك لحد يسمعك يخليكي تدخلي في حاجة ربنا مش راضي عنها لأن ضررها في الآخر هيكون عليكي انتي. ربنا يعينك و يهديكِ لكل خير
تم النشر الثلاثاء، ٢٨ يوليو ٢٠٢٦
انا مكنتش اعرف اصلا أنهم متعصبين بالشكل ده ده غير اني احتراما بمشاعرهم مشجعتش اليوم ده بس كونهم أنهم عارفين أن بشجع للأرجنتين فضلوا يشتموا جامد مع اني مشجعتش خالص اليوم ده+ لدرجه و انا بكتب الكومنت ده حد دخل شتمني ف اوضتي عشان لابسه تي شيرت المنتخب 😂
تم النشر الثلاثاء، ٢٨ يوليو ٢٠٢٦
فاهمة إنك معملتيش حاجة غلط وده ميبررش اللي حصل معاكي أبدًا..بس حاولي بعد كده تتجنبي الناس اللي عارفة إنهم متعصبين بالشكل ده ومتدخليش معاهم في أي نقاش أو تشجيع قدامهم حتى لو ده حقك، لأن في الآخر انتي اللي هتتأذي. وحطي نفسك مكانهم شوية، وقتها كانوا خارجين من خسارة منتخبهم فكانوا مشحونين جدًا، وده ممكن يفسر رد فعلهم لكنه طبعًا ميبرروش. وكمان كون إنك بتحترمي اختلاف الناس مش معناه إن كل الناس هتحترم اختلافك، للأسف في أي حاجة هتلاقي فئة متعصبة بالشكل ده، فمتخليش كلامهم يأثر على نفسيتك. وبجد نصيحة مني لو حاسة إن الكورة بقت بتستنزفك نفسيًا وبتخلي أي ماتش أو تعليق يقلب يومك حاولي تقللي تعلقك بيها بالتدريج..خليها مجرد حاجة تستمتعي بيها، مش حاجة راحتك النفسية تبقى واقفة عليها.
تم النشر الثلاثاء، ٢٨ يوليو ٢٠٢٦
كل الحوار أن دي هي موهبتي و هويتي و عمري مأذيت شخص بسببها و كل الي شفته كان قله ادب و شتايم ليا و زي محضرتك قولتي دول ناس أغلبيتهم مكنوش بيشجعوا كوره ف انتقاداتهم كانت اقوي و اشرس بكتير لأنها منغير فهم طبعا بس هي زادت اوي حسيت نفسي مليش الاحقيه اني احب و اشجع و افرح زي الناس التانيه حسيت نفسي اني غلط مع اني معملتش اي حاجه تأذي اي شخص +صاحبي ده بيني و بينه حدود ف إطار الشي الي عرفنا ع بعض مش بنعدي الحدود دي بس ملقيتش غيره قدامي ساعاتها بس اه فعلا ممكن يكون شي مش صح+شكرا ع نصيحه حضرتك فرقت بجد❤️🌺
تم النشر الثلاثاء، ٢٨ يوليو ٢٠٢٦
المشكله كلها اني معملتش حاجه غلط و المفروض أن الي بيشجع ده ميتأذيش ده غير اني مش بتفرج غير ف بيتي و لما طلعت اتهنت بالمعني الحرفي و المشكله أنه كان من شخص قريب مني
تم النشر الثلاثاء، ٢٨ يوليو ٢٠٢٦
لعرض الإجابة في فدني اضغط هنا