فى بنت شوفتها عجبتنى كلمت حد من اهلها قعدوا كام يوم يفكروا و البنت شافتنى من بعيد كشكلا يعنى وبعدين ادونى رقم ابوها
كلمته قالى تنورنى نشرب مع بعض كوبايه شاى السؤال هنا المفروض هروح اعمل ايه وهل هيقعدنى معاها قعده التعارف فى اليوم دا ولا المفروض بيحصل ايه؟
السلام عليكم، أعتقد هو يقصد تعارف مبدئي معه هو وممكن يكون معه مثلا أحد اقارب البنت عم أو خال... يعني يتعرفوا عليك وهكذا قبل ما يسألوا عنك وعن الأهل وبعدها يردوا عليك، وإذا لقوا مناسب هيحددوا معك موعد تروح أنت وأسرتك للبيت (ممكن مش كل الأسرة على أساس لسه متحددش موافقة من طرفك او طرفها) وساعتها هتكون الرؤية الشرعية وجلسة التعارف مع البنت. ممكن تكلمه وتتأكد منه هتقابله فين ولوحدك أو معك الوالد.. يعني زيادة تأكد (مش متأكدة في المقابلة دي بتكون لوحدك ولا المفروض يكون فيه حد من معارفك) وربنا يوفقك إن شاء الله.
تم النشر السبت، ٦ ديسمبر ٢٠٢٥
او تروح لوحدك وتكون معرف الوالد والوالده وتقوله ان شاء الله الزياره الجايه رسميه وهجيب الوالد والوالده
تم النشر السبت، ٦ ديسمبر ٢٠٢٥
المفروض تاخد والدتك او والدك وتروح زياره
تم النشر السبت، ٦ ديسمبر ٢٠٢٥
دا من المفترض اذا كان في قبول هيحدد معاك معاد وتبق في زياره رسميه للخطبه ، اما المقابله دي بينك وبينه بس اذا حدث قبول هيتم بعدها تحديد ميعاد الخطبه وهيتم الرؤيه الشرعيه فيها
تم النشر السبت، ٦ ديسمبر ٢٠٢٥
يعنى المفروض بعد كدا هيحددلى معاد اقعد معاها؟
تم النشر الجمعة، ٥ ديسمبر ٢٠٢٥
السلام عليكم ، لا اعتقد ان هذه الجلسه يكون فيها الرؤيه وهذا خطأ بل هذه الجلسه الغرض منها هو التعرف عليك اكتر و تمهيد للخطبه يعني هيتم الإتفاق التمهيدي الي هتجيب اهلك بعدها وتخطبها او حتي لو هتتفق معاه في زياره رسميه للخطبه سواء هتروح لواحدك او مع اهلك.
تم النشر الجمعة، ٥ ديسمبر ٢٠٢٥
جماعة حد بفيدنى
تم النشر الجمعة، ٥ ديسمبر ٢٠٢٥
لعرض السؤال في فدني اضغط هنا