بصي يا روحي انا كنت زيك في فتره من حياتي محدش هيفهم الشعور ده غير اللي جاله حاولي براحه تصاحبي نفسك واقنعي نفسك انك كده هتبقي كافره وان دايما ربنا موجود كل مره بتحاربي نفسك ومش بتعملي كده ربنا بيبقى شايف ده وبيجزيكي عليه حاولي دايما تقربي من ربنا هو اكتر حد هيطبطب عليكي ويحل مشاكلك وهو دايما موجود بس انتي اشتكي له وافتكري انك قويه جدا انك ماخدتيش خطوه الانتحار وانك حاربتي نفسك ، ناس كتير جدا مبتعرفش ترجع عن الخطوه دي ، وربنا يهديكي يحبيبتي ويارب مشاكلك كلها تتحل مهما كان حجمها افتكري دايما ان وقت وهتعدي وإن شاء الله الفتره دي تخلص ع خير ♡
المشكله ان الوقت مش عايز يعدى ولا المشاكل عايزه تتحل و لو اتكلمت ف حاجه مديقانى أو مواقف مديقانى بتلام عليها دا غير أن مفيش حد من القريبين منى بيسمعنى للآخر و دايما بيلمونى ع تصر فاتى و افعالى و دايما بيشوفونى انى غلطانه و دا قاهرنى أن مفيش حد حاسس بيا + انا املى ف ربنا كبير و الحاجه اللى فعلان منعانى هى وعدى لنفسي و لربنا دا غير انى مش حابه اتعذب ف الاخره كفاية عذاب الدنيا اللى انا فيه
تم النشر الثلاثاء، ١٧ فبراير ٢٠٢٦
لعرض الإجابة في فدني اضغط هنا