Tota Emad

بصي مبدأيا ٨٢% ده جميل جداا وصدقيني الدرجات بتاعت ثانوي مش بتبقى زي اعدادي ، انتي كمان بتقولي انك مكونتيش بتذاكري فربنا كرامك الحمد لله ، بالنسبه للمراكمه كلنا بنراكم وكلنا بنقع فتره بس الشاطر فينا اللي بيعرف يقوم بدري بدري حاولي كل يوم براحه كده امسكي ماده حتى لو ملكيش نفس اغصبي نفسك وقولي لو ذاكرت انهارده هعمل اي حاجه انا بحبها اتفرج على فيلم امسك التليفون كده وحاولي واحده واحده لحد ما عقلك يقتنع بأنك لازم تذاكري في طريقه كمان ظهرت آخر فتره انك تفكري في الوحش بعدين يعني تخيلي مجبتيش مجموع حلو دلوقت وبعدين كمان المجموع بدأ ينزل كل سنه ودخلتي معهد واتجوزتي شخص مش كويس ، افتكري دايما انك لما تذاكري انتي اللي بتستفادي مش باباكي ومامتك حاولي براحه وإن شاء الله هتظبط وحاولي دايما تصلي وتدعي ان ربنا يبعدك عنك الكسل ، بالتوفيق ♡

بصي يا روحي انا كنت زيك في فتره من حياتي محدش هيفهم الشعور ده غير اللي جاله حاولي براحه تصاحبي نفسك واقنعي نفسك انك كده هتبقي كافره وان دايما ربنا موجود كل مره بتحاربي نفسك ومش بتعملي كده ربنا بيبقى شايف ده وبيجزيكي عليه حاولي دايما تقربي من ربنا هو اكتر حد هيطبطب عليكي ويحل مشاكلك وهو دايما موجود بس انتي اشتكي له وافتكري انك قويه جدا انك ماخدتيش خطوه الانتحار وانك حاربتي نفسك ، ناس كتير جدا مبتعرفش ترجع عن الخطوه دي ، وربنا يهديكي يحبيبتي ويارب مشاكلك كلها تتحل مهما كان حجمها افتكري دايما ان وقت وهتعدي وإن شاء الله الفتره دي تخلص ع خير ♡

حاولي تتعبي دلوقت وشدي على نفسك وإن شاء الله هترتاحي بعدين ، كده كده لو حولت بردو هتبقي محتاجة مذاكره وبعدين متعرفيش تشتغلي بيهم تمريض جميله انت اتعبي واعمل اللي عليك وربنا إن شاء الله مش هيضيع تعبك