لي الاهل بتظلم لي بيميزو حد عن حد
قبل إى شئ عايز أقولك اهلك، ثم اهلك، ثم اهلك ثم بقيت الناس اوعى ثم اوعى ثم اوعى تقدم حد على اهلك علشان كلام إى حد إى كان هو مين حتى لو أمام الأزهر ذات نفسه أو رئيس الجمهورية، اوعى. هقولك موقف عني مع اهلي، أنا عودت اهلي دائماً إن في وسط المواقف ما هيا جد و محتدم دائماً أنا أقول حاجة يعني لأ يقل وصفها عن "تفاها" فده بيضايقهم لأن الموضوع جد و أنا بهزر😂😂🤣 أنا بعمل كده لسبب، و الحمدلله دائماً بينجح لكن ده مخلي مثلاً اختي مش بتحب تتكلم معايا ساعات علشان الطريقة دي، و والدي كذلك. فلما يكون في حاجة مهمة و رأي مطلوب يسيبوني للآخر 😂😂🤣 واخد بالك أنت ولا كأنهم بيقولوا مش مهم هو خلووه الآخر 😂😂😂 طيب ده لأني عودتهم على كده في طريقة كلامي ( مش دائماً بعمل كده، لكن أنا عودتهم على كده) فلما يحصل نتيجة بسبب اللي كان بيصدر مني مش من المفترض ازعل و لو زعلت اتكلم معاهم و اقولهم والله الوضع واحد اتنين تلاتة يعني ملخص للي عايز اقوله، اكيد اهلك مش قاصدهم يميزوا زي ما أنت شايف أو أكيد في حاجة أنت مش واخد بالك منها (ظن خير يبن الناس دول اهلك و صدقني مش هتلاقي حد يحبك و يهتم بيك زي اهلك) حاول تفكر من كل الجوانب و إن شاء الله يوصلك الصورة كاملة و تشوف انهم مش بيفرقوا ما بينكم. نصيحتي ليك تحاول تتكلم مع والديك في اللي مضايقك و اللي أنت شايفة و تسبيهم يردوا و تسمع للآخر بتقبل و من غير كلام فيه عتاب أو تجريح أنت هنا بتكلم والدك و والدتك اللي ربك امرك حتى متطلعش من فمك نفخة من ضيق من طلب هما طلبوه ( ولا تقل لهما اوف) فخلي بالك. و عايز برضوا حتى لو في تمييز فعلا خليك أنت احسن، سيدنا يوسف عليه السلام اخوته رموه في البئر و قالوا عليه حرامي و قالوا عنه مات، مع ذلك سامحهم، لأنهم اخوته، حتى مع كل اللي بدر منهم مع ذلك اتعامل بشكل احسن (ملحوظة اخواته اغلبهم كانوا اكبر منه)، فشوف سيدنا يوسف عليه السلام و هو بشر زيك زيي و مع ذلك عمل كده، فهل احنا منقدرش نعمل زيه؟ إن شاء الله يكون سوء تفاهم. اتمنى يكون في إفادة....
تم النشر الخميس، ٨ أكتوبر ٢٠٢٦
أولا أنا مش خبير في حاجة زي دي بس هتكلم لأني عشت نفس اللي أنت عايشه فترة وعدت الحمدلله أولا الأهالي بيقارنوا بين الأبناء عشان في نظرهم إنك هتحس بالغيرة- الصحية - من إخوتك وهتبقى عاوز تبقى أحسن منهم والكلام ده طبعا خطأ، المفروض هما ميقارنوش أبناءهم بأي حد نهائي عشان ده هيعمل عقدة نقص عند الطفل وممكن تكبر مع الوقت الحل بإذن الله وهي الرضا، الواحد لما يرضى باللي ربنا كاتبهوله هيبقى بجد سعيد في حياته، وبرده فكر من وجهة نظر خارجية كده، وهتلاقي إن أهلك فعلا بيهتموا بيك بس ممكن يكونوا بيهتموا بإخواتك أكتر فأنت شايف إن محدش مهتم بيك ودايما بص للي أقل منك ومتحاولش تبص للي أعلى منك وأهم حاجة الرضا وربنا يعينك على اللي أنت فيه
تم النشر الخميس، ٨ أكتوبر ٢٠٢٦
أخي، الشعور إن الأهل بيميزوا حد عن حد ده فعلاً بيوجع، وبيخلي الواحد يحس بالظلم والإحباط، خاصة لو بيحصل بشكل مستمر. في كتير من الحالات، التمييز ده مش دايماً مقصود، ممكن يكون بسبب اختلاف الشخصيات أو الظروف اللي مر بيها كل واحد فيكم، أو حتى عادات قديمة الأهل اتعودوا عليها بدون ما يدركوا تأثيرها. بس ده مش مبرر، لأن الإسلام بيأكد على العدل بين الأولاد، والنبي ﷺ حذر من التمييز وقال "اتقوا الله واعدلوا بين أولادكم". الأهم دلوقتي إنك تركز على نفسك وما تخليش الشعور ده يأثر على ثقتك بنفسك. حاول تتكلم معاهم بهدوء في وقت مناسب، وتعبر عن مشاعرك بدون اتهام، زي إنك تقول "بحس إن فيه فرق في التعامل وده بيأثر عليا"، عشان يفهموا وجهة نظرك. وفي نفس الوقت، ابني قوتك الداخلية من خلال تطوير مهاراتك وإنجازاتك الشخصية، عشان ما تعتمدش على تقديرهم بس. لو الوضع مستمر ومؤثر عليك نفسياً، فكر في استشارة متخصص في المجال ده عشان تساعدك تتعامل مع الموقف بطريقة أفضل. وادعي ربنا يصلح الحال بينكم، فالصبر والدعاء بيفتحوا أبواب كتير. أنت مش لوحدك في الشعور ده، وفي طرق كتير تقدر تتجاوز بيها.
تم النشر الخميس، ٨ أكتوبر ٢٠٢٦
فعلا انا هسيب كل حاجه لي ربنا م محتاج غير ربنا الفتره دي
تم النشر الخميس، ٨ أكتوبر ٢٠٢٦
بص يا صديقي عمتا التميز في كل حاجه ممكن يبقا بيتكلم في حاجه تفها يسمعو مثلا اتكلم انا عن الكليه نتكلم بعدين مصدع مش فاضي دلوقتي
تم النشر الخميس، ٨ أكتوبر ٢٠٢٦
حاول تتكلم معاهم وتفهمهم براحه ولو مفيش فايده لاذم تستعين بالله لاذم لاذم حاول تصحى قيام الليل وتصلي لو مش قادر تصلي حتى ادعي بس وادعي بيقين صدقني اليقين التام بان ربنا هو اللي هيحل مشكلتك وهيلطف قلبهم عليك هو دا الحل لاذم يكون عندك يقين في ربنا أنه هيستجيب بس يمكن مش علي طول أو علي طول كما يريد ربنا بس عادي ساعات تأخر الاجابه بيبقى لصالحك علشان مثلا ربنا يريدك تقرب منه اكتر، من الاخر حاول تشوف انت بتعمل معاهم حاجه غلط ولا لا ولازم تعترف باي حاجه غلط عملتها ليهم لنفسك و ادعي كتير اصل الله هو اللي في يده قلبهم مش انت حتى لو اتعملت معاهم بحنيه برضو مش هيحنوا عليك غير باذن من الله فعلشان كده روح وارجع لربنا وادعي
تم النشر الخميس، ٨ أكتوبر ٢٠٢٦
بص با صديقي بالطريقة اللي بتصيغها أكيد فيها حاجات ناقصة يعني أتمنى لو تقولي موقف و لو بشكل عام، كده كده هويتك مش باينه لحد، بحيث أنا أعرف اقولك هل في تمييز ولا لأ
تم النشر الخميس، ٨ أكتوبر ٢٠٢٦
اصغر بسنه وحده
تم النشر الخميس، ٨ أكتوبر ٢٠٢٦
انت الأكبر ولا اخوك
تم النشر الخميس، ٨ أكتوبر ٢٠٢٦
يعني لما انا اغلط البيت كلو ضدي و لما اخويا يغلط يبقا صح و كلو وقف معا حتا لو الموضوع غلط هما معا و هيضورو ع حل لكن انا بيقولولي شيل شلتك
تم النشر الخميس، ٨ أكتوبر ٢٠٢٦
ازيك يا صديقي عامل إى، أنا عايز ارد على سؤالك بس هل ممكن تديني مثال مثلاً على التمييز اللي حضرتك بتقول عليه يمكن يكون فيه سوء تفاهم و أعرف اوضحهولك؟
تم النشر الخميس، ٨ أكتوبر ٢٠٢٦
لعرض السؤال في فدني اضغط هنا