السلام عليكم ورحمه الله وبركاته هل الاباء دور في تربيتنا ده أكيد هل الاداء دور في تكوين النفسي طول العمر ده اكيد هل في مرحله ما نتوقف عن لونهم في الجزء اللي هما قصروا في او الجزء اللي هم اخطؤوا فيه فانعكس ده على تكوين النفسي او الشخصي في مرحله ما لازم نعمل حاجه ما بعد اللوم مش هنقول ان احنا هنتوقف عن لومهم او هنخرجهم من المعادله ولكن لازم ننتقل لمرحله اخرى اذا كنا عايزين فعلا نوصل لمرحله افضل او لنسخه افضل من نفسيتنا ومن شخصيتنا لو عاوزين افعالنا تبقى مختلفه او ردود افعالنا تبقى مختلفه او تعاملنا مع الواقع يبقى مختلف كل الكلام ده بيحتاج مراحل ففي واحده من المراحل وهي مرحله ان احنا نعترف بكل العوامل اللي كانت السبب في ده كل الجذور اللي هي سبب للمشاكل الحاليه السطحيه ليها جذور اه ليها. اجزاء موجوده في الماضي اه لكن هي العامل الوحيد لا ممكن تكون اكبر عامل ممكن تكون احدى العوامل ولكن مش هتكون العمل الوحيد طيب هتكون هي الحل الوحيد لا هتكون هي واحد من الحلول اه هتكون هي جزء من الحلول اه فاحنا محتامحتاجين نشوف ان الناس اللي ممكن يكونوا نشاوا في بيئه ادائهم وامهاتهم كويسين وعاملهم كويس ازمات نفسيه او ما قصروش حقهم اكيد مش هيكونوا مستوعبين ده فلذلك بيبتعدوا دائما عن انهم يلوموا الأب والام هنشوف ان في ناس بتبتعد عن لون الاب والام عشان عارفين انه يعني اللون مش هيفيد بحاجه او مش هيكون هو المؤثر الحقيقي في مرحله التغيير واللي هو احنا محتاجين نشوف ايه اللي هيتعمل بقى يعني. تعال كده نبص على اي مثال ونشوف مثلا شاب حاليا بيواجه مواقف بسيطه بغضب شديد فلما نبص للشاب ده ونبدا ندخل معاه في التفاصيل النفسيه بتاعته ممكن نلاقي ان هو حاليا بيعامل الواقع بالشكل ده. لانه طول الوقت عاوز يطلع الغضب المدفون عنده اللي هو بسبب ان والده كان جاف معاه ان والده كان بيعامله معامله قاسيه جدا فهو طول الوقت وهو صغير غضبان من والده وبيطلع غضبه ده في كل موقف صغير هو ممكن يتضايق منه في حد حتى لو هيتخانق مع سواق الميكروباص. الشخص ده ممكن يعمل ايه الشخص ده واحده من الحاجات اللي هو محتاج يعملها ان هو يقول لوالده انت كنت جاف معايا جدا وانا صغير ودي بتبقى مرحله تفريغيه قبل اي شيء طيب والله ممكن الوالد يستجيب ممكن الوالد يستجيب ويساعد معانا في الموضوع لكن ممكن الوالد ما يستجيبش ويقول انا ما عملتش معاك حاجه انا كنت بربيك وبطلعك راجل فالموضوع هيتقفل هنا الشخص المفروض يقف هنا لا ما يقفش لانه عاوز يحسن من نفسه وهو خلاص عمل المرحله بتاعه لوم الاب وفرغ معه الشعور ده عشان ما يفضلش مجهود جواه فقط لا غير وبياكل منه ومن جواه وبيكبر وبيزود غضبه وبعدين نبدأ ننتقل للمرحله اللي بعدها هو محتاج يسامح الاب لان الاب عنده جهل بانه الفعل اللي هو عمله ده والطريقه الجافه دي كانت مؤذيه فهو محتاج ان هو يسامحه على جهله وعلى قله وعيه ده اولا ثانيا هيبدأ يتنقل بقى المرحله الثانيه ان هو يشيل مسؤوليه ذاته الحاليه وهو ده اللي احنا بنغفل عنه الاباء بيكونوا شايلين مسؤوليه تربيتنا لمرحله ما لكن بعد ما بنكبر احنا بنشيل المسؤوليه تربيه انفسنا ان تربيه انفسنا لا تتوقف طول الوقت محتاجين نربي انفسنا على الحاجات الغلط اللي بنتعلمها على الاخطاء اللي بنقع فيها على الامور اللي فكرنا بيتغير فيها من الاحسن للاوحش كل ده مين اللي هيشيله احنا اللي هنشيله فساعة ما نتحمل مسؤوليه انفسنا هيكون الشاب ده الوقت بيقول خلاص انا اللي هبدا اصلح من نفسي حتى لو ما كنتش انا المسؤول بشكل كامل عن الغلطه دي من اولها. أتمنى أكون أفدتك يا عبد الله وأنا معاك في أي نقاش لو حبيت.
كلام جميل واشكرك على وقتك .. والشاب مشكلته مش مع ابوه وحتى مش ضروري يصارحه بالمشكلة .. الشاب مشكلته مع الأفكار والمغالطات الفكرية اللي سببها ابوه .. أما اللي تهرب من مشاكله واتجه للصراع والحقد فيهرهق نفسه ويكون نسخة سيئة مكررة ويعيد السلسلة مع أولاده
تم النشر الجمعة، ٢٧ يونيو ٢٠٢٥
لعرض الإجابة في فدني اضغط هنا