انا شاب عمري 15، وزني الحالي حوالي 105 كيلو، طولي 185.
مشكلتي مع الوزن بدأت من سنين، وكل ما أكبر المشكلة بتكبر معايا، مش بس في الشكل، لكن في نفسيتي وطريقة تعاملي مع الناس.
حاولت كتير أقلل أكل، وأحيانًا كنت أمشي فترات على أكل قليل فعلًا، لكن وزني كان يثبت ومش بينزل، وده كان بيكسرني ويحسسني إني بفشل حتى وأنا بحاول.
فكرت أروح جيم، بس أهلي رفضوا بسبب الظروف المادية، وأنا مقدّر ده، بس في نفس الوقت حاسس إني متساب لوحدي في معركة مش سهلة.
أكتر حاجة بتوجعني مش الوزن نفسه، لكن التنمّر اللي بتعرض له بشكل شبه يومي، من صحابي، وأحيانًا من إخواتي من غير ما يحسّوا. كلام بيتقال بهزار بس بيسيب أثر كبير، وخلاني أفقد ثقتي في نفسي وأبقى حاسس إني أقل من اللي حواليا.
أنا مش طالب شفقة، أنا بس عاوز فرصة حقيقية، دعم، وحد يفهم إن في ناس بتحاول بجد وبتتعب نفسيًا قبل ما تتعب جسديًا.
بتكلم النهارده لأني تعبت من السكوت، ولأني عاوز أتغيّر، حتى لو الطريق صعب، ياريت حد يفيدني
ازيك يبطل عامل اي .بص من ناحيه لو عايز تقلل الوزن والنظام الاشخاص الافاضل ردو عليك من ناحيه النظام الغذاء اما التنمر المشكله مش فيك المشكله في الناس الي حوليك .انا اتعرضت لتنمر كتير من الاهل والبعيد بسبب ان صوتي تخين (انت زي الجموسه بصوتك؛اسكت ممتكلمش بضايق من صوتك،حد يعمل رياكش بي وشو غريب.الي ما لا نهايه من زمان لما يتقالي الكلام دا افضل اعيط انما دلوقتي عادي هو عملت تمرين بسيط خلاني احب نفسي اوي وهو اول ما اصحي اذكر خمس نعم وقبل ما انام خمس نعم واول ما يجي فكره اني خزي وعار بسبب صوتي اقول خمس نعم الموضوع يبان تافه بس فادني اوي يعني في عز ما انا زعلان واجي اذكر النعم بحس برضا غير طبيعي يا انا ربنا اداني ايد يا انا عندي بيت يا انا بعرف امشي يا انا بعرف اعمل حمام نعم كتير لا تحصي كل ما اذكر نعمه بحس بكميه رضا غير طبيعي.تانيى نقطه عملتها هي بارده بس نفعت اول ما حد يقولي كلمه وحشه ببص في عينيه وبتسم وبمشي بسيبه انت لو باينت انك اتضايقت هيطلعوك مسرح.تالتةنقطه يسطا احنا كلنا. 24قيراط بسةالتوزيعه مختلفه فا لو ركزت مع كل حد اتنمر عليك هتلاقي في نقص لان محدش كامل بس الواحد مش بيتكلم عشان انت سوي وي كمان (ان الرجل ليلقي بالكلمة لا يلقي بها باسا يلقي بها في جهنم 70خريفا)يعني تخيل بسبب كلمه ندخل النار سبعين سنه. اخر حاجه حب نفسك بدون شروط ونا بحبك في الله سلام يبطل
تم النشر الأحد، ٨ فبراير ٢٠٢٦
بص. انا مقدرة ان الموضوع صعب جدا ومقلل ثقتك بنفسك . بس دايما أصعب حاجة بتكون البداية. والله ابدأ مهما كانت امكانياتك او ظروفك. لو ظروفك المادية مش احسن حاجة عشان تروح جيم امشي كتير المشي رياضة. وعندك يوتيوب مليان فيديوهات تمارين مقاومة في البيت وهتجيب أوزان مش غالية حاول تستثمر فلوسك فيهم . بس الرياضة مش هتعمل حاجة لوحدها لازم تضبط اكلك واياك إياك تحرم نفسك من الاكل او تقلله لانك كده بتكتبب النهاية قبل ما تبتدي. نظام الاكل اللي بيخليك هتموت من الجوع ده اصلا غير صحي ومش مفيد ابدا.بالعكس هيعمل مشاكل صحية وهيقلل تركيزك. انت لازم يكون عندك نظام حياة صحي. مش هقولك وقف نشويات لا بس قللها وكتر بروتين ومش شرط البروتين يكون لحمة وفراخ فيه بروتين نباتي زي الفول والعدس هو طبعا قيمته الغذائية مش زي البروتين التاني بس برضو كمل على ظروفك ايا كانت. والخضار بقا. كتر منه بتوازن يعني مثلا الغدا بتاعك قسم الطبق لنص يكون سلطة او خضار و ربع الطبق بروتين ايا كان وربع رز او مكرونه. وبرضو اسمع كتير على اليوتيوب ازاي تاكل اكل صحي وشوف ايه اللي يناسب نظام حياتك. وطبعا المياه مهمة جدا جدا في الرحلة لازم تشرب على الاقل ٢ لتر ميه في اليوم. واخر حاجة النوم. بجد مش ناس كتير عارفة المعلومة دي بس النوم بيفرق جدا جدا في نزول الوزن وتظبيط وزنك عموما عشان بيقلل التوتر. الرحلة مش سهلة بس انت بتختار نفسك دلوقتي وصدقني ده احسن قرار هتشكر نفسك عليه في المستقبل وربنا يوفقك يارب ويوصلك للي بتتمناه.
تم النشر الأحد، ٨ فبراير ٢٠٢٦
🎤 إجابة صوتية
تم النشر الأحد، ٨ فبراير ٢٠٢٦
أهلا بك، أول حاجة أقولك إنك شجاع جداً إنك فتحت قلبك كده وبتطلب مساعدة. أنا ذكية، وأنا هنا عشان أدعمك 100%، مش هتقولك كلام فارغ، هقولك خطة حقيقية وسهلة التنفيذ في البيت، بدون فلوس أو جيم. وزنك 105 كجم على طول 185 سم يعني مؤشر كتلة الجسم حوالي 30.7 (سمنة خفيفة)، بس ده قابل للتغيير تماماً لو التزمت خطوة بخطوة. أنت مش فاشل، أنت بطل بيحارب، واللي فشل هو الطريقة اللي جربتها قبل كده (الجوع الشديد بيبطّئ التمثيل الغذائي). خطة عملية لفقدان الوزن (هدف: 1-2 كجم أسبوعياً آمن): الأكل (الأساس 80%) : كل 3 وجبات رئيسية + وجبتين خفيفة، مش تتجوّع. هدف: 2000-2200 سعرة يومياً. إفطار : بيضتان مسلوقة + خيار/طماطم + شريحة توست بني. غدا : صدر دجاج مشوي/سمك + سلطة كبيرة (خس، خيار، فلفل) + نص كوب أرز بني أو بطاطس مسلوقة. عشا : زبادي قليل الدسم + فاكهة (تفاحة أو برتقالة). سناك : حفنة مكسرات (لوز 10 حبات) أو جزر. قاعدة ذهبية: اشرب 3 لتر مية يومياً، قطع المشروبات الغازية والعصائر تماماً. استخدم تطبيق "MyFitnessPal" مجاني عشان تحسب سعراتك. الحركة (بدون معدات، 30-45 دقيقة يومياً) : مشي سريع في الشارع أو الحديقة 30 دقيقة يومياً (ابدأ 10 دقائق وزوّد). تمارين منزلية: 3 جولات × 10 تكرارات: سكوات (انحناء على ركب)، بلانك (استلقِ على بطن وارفع جسمك 20 ثانية)، جومبينج جاكس (قفز مفتوح/مغلق). شوف فيديوهات "beginner home workout no equipment" على يوتيوب (قناة Chloe Ting مثالية). زد تدريجياً، وراقب وزنك أسبوعياً صباحاً بعد الحمام. للنفسية والتنمر (الأهم عشان الجسم ميتغيرش بدون عقل قوي): ثقة نفس : كل يوم قول لنفسك في المراية "أنا قوي وبحقق هدفي" 5 مرات. اكتب 3 إنجازات يومية صغيرة (مثل "مشيت اليوم"). التنمر : قول لنفسك "كلامهم مش عني، عنهم". لو إخواتك، قولهم بهدوء "الكلام ده بيوجعني، خلاص". ركز على ناس تدعمك زي أهلك (فهّمهم إن الرياضة في البيت رخيصة). لو عايز دعم أكتر أو خطة مفصّلة، روح على https://www.fedni.net/experts وابحث عن خبراء تغذية أو مدربين حياة – فيه ناس هتساعدك ببلاش أو بأسعار بسيطة. وابحث في فدني عن أسئلة مشابهة هتلاقي إجابات كتير. أنت مش لوحدك، أنا معاك خطوة بخطوة. هتقدر، يا بطل! 💪❤️ (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأحد، ٨ فبراير ٢٠٢٦
صوم. صيام سيدنا داوم العب كل يوم خمس دقائق رياضة اول ما تصحى بعد كدة أبدا زود كل يوم دقيقة
تم النشر الأحد، ٨ فبراير ٢٠٢٦
لعرض السؤال في فدني اضغط هنا