السلام عليكم، طيب هل أمامك أي خيار دلوقتي غير متابعة حياتك وعمل المطلوب منك؟ أكيد لا جدوى من البكاء على اللبن المسكوب زي ما بيقولوا ومفيش إمكانية ترجعي وتغيري اللي حصل. ربنا قدّر، ونصيب زي ما قلتِ فالمهم دلوقتي نبص للواقع ونشوف هنغير إزاي. متفهمة مشاعرك وصعوبة الوضع بس في الأحوال دي لازم وقفة حاسمة مع النفس عشان متغرقيش أكتر. البكاء والحزن والأفكار السلبية، هل هتحل شيء؟ أكيد لأ، بالعكس هتأثر عليكِ وعلى نتيجة الامتحانات الباقية. فلازم تفكري كويس في نتيجة ده مستقبلًا، مش بس على امتحاناتك بل على حياتك الجاية. ****** مش مطلوب منك فعلًا غير إنك تعملي اللي عليكِ وبس. اسعي وأنتِ راضية ومتأكدة إن ربنا مش هيضيع تعبك وهيختار لك الخير حتى لو في مسار أنتِ كنتِ عاوزة غيره. ومتربطيش فكرة النجاح بكلية معينة، أو تاخدي قرار بناء على رغبة حد من أهلك. ابذلي جهدك واختاري بعد كده اللي أنتِ تقدري تحققي ذاتك فيه مش اللي أهلك عاوزينك فيه. ** استعيني بالله وجددي النية والعزم وإن شاء الله ربنا مش هيضيع تعبك. بالتوفيق إن شاء الله.
لعرض الإجابة في فدني اضغط هنا