وعليكم السلام، أولًا الله يعينك اللهم آمين يا بطلة أنتِ قوية جدًا جدًا عشان وصلتي، أنا مش بقول من تعبك بس والله مش هتقدري تعيشي في التعب دا سنتين السنة الجاية هتكوني ثانوية عامة ودا صعب عليكِ جدًا يعني أنتِ في السنة الأولى كان عندك طاقة وحماس السنة الجاية هيكون مفيش خالص وكمان إحباط أن أصحابك دخلوا الكليات وأنتِ لسه، بصي حاولي الفترة دي تذاكري عربي بس سيبي باقي المواد وبعدين بعد العربي المادة التانية بعد الإمتحان. وهكذا طبطبي على نفسك وهي فعلًا الرحلة طويلة بس لما تكملي هتشكري نفسك على صمودك وأنك وصلتي لـ النهاية وأنتِ شطورة، بجد شيلي الفكرة من دماغك واستعيني بالله وإن شاء نفسيتك هترتاح وتتغير بعد أول إمتحان وبلاش تقسمي عشان الفترة دي علطول إستغفار وصلاة على النبي عشان تخرجي من التوهان والتفكير الكتير وصدقيني لو قدامك يوم هتقدري تنجزي فيه وعليكِ بالدعاء الله يرضى عنك اللهم آمين ويعينك ويوفقك ويبارك فيكِ هنتظرك تبشريني إنك كملتي يا بطلة⭐️🤍🤍🌸
انا كمان ثانوية عامه ، استفدت من كلام حضرتك جدا ، شكرًا ليكي . بس بجد هل في امل نخلص كل التراكمات دي لأني يوم اقول هكمل واسيبها للّه ويوم تاني بقفل جدا وبحس بمزيج من الصدمة واللامبالاة واني انا اللي وصلت نفسي لكل دا وكنت قادرة اذاكر افضل من كدا ، أهلي وقرايبي ومدرسيني كلهم شايفين اني محصلتش وهجيب طب مستريح ودا كان مستوايا قبل الثانوي ولكن انا في أجزاء كبيرة مذاكرتهاش حتى لأول مره وبجد حاسه اني بضيع
تم النشر الأربعاء، ١٧ يونيو ٢٠٢٦
لعرض الإجابة في فدني اضغط هنا