اهلا
قبل اى حاجة اعذرونى لو كان الكلام كتير شوية أو اوى بس انا فعلا كنت محتاجة اسمع آراء بجد
أنا قلت قبل كدة أن أنا لما قررت ابعد خطوة عن صحبتى دى وقتها كان عندى صديقة اقدر اقول عليها صديقتى المقربة ولكن هى برده زيها زى صحبتى الاولى أنا تقريبا عرفتهم فى نفس الوقت وكنت صاحبة الاتنين عادى ومكنتش فى اى مشكلة فى دا المهم ان البنت دى بقى كانت حكايتها حكاية بجد هى كانت صاحبة واحدة صحبتى اللى هى صحبتى اللى بتقعد جنبى فى الديسك المهم أن صحبتى دى كانت لتبدل معاها عشان تقعد جنبى فى الديسك على أساس هى هتضايقنى وكدة ولو أنا باردة هى مش عارفة هتعمل ايه 😂 المهم انا لفترة كدة خدت الموضوع بشكل تحدى وبدل ما هى اللى كانت عايزة تضايقنى الحقيقة أنا اللى كنت مطلعة عينها يعنى ساعات ببقى رزلة شوية مستفزة حبتين باردة كتير لما بعوز يعنى واقوللكوا حاجة هى استسلمت فى الاخر يا عينى والله بس انا بعد شوية على فكرة مش كتير يعنى سيت شغل الاطفال دا وكان عندى فضول تجاهها أنا عارفاها من زمان شكلا بس عمرى ما اتعاملت معاها وعلى فكرة كان انطباعا الاول عنها انها لطيفة بعد كدة بقيت بشوف هى بتعمل ايه بتكلم مين حياتها عاملة ازاى يعنى انا كنت عارفة كل صحابها تقريبا هى كانت مصاحبة أربعة يعنى وشلة وكدة غير صحبتى اللى بتقعد جنبى طبعا واحدة من صحابها كانت هى زى ما تقولوا كدة اشهر بنت فى الفصل انها أبلة ومعظم قرايبها مدرسين والسلطة والنفوذ وكدة يعنى غير أن اصلا معظم البنات فى الفصل صحابها وبيحبوها جدا لكن انا لا يعنى بحكم أنى مكنتش يختلط بحد اصلا مختلطتش بيها كتير وطبيعة كانت تبقى هى زعيمة الشلة
الاتنين التانيين من الشلة ودول قرايب اصلا وانا عارفة هم من الحضانة هما كانوا صحاب جدا جدا متشوفش واحدة من غير التانية والاتنين شاطرين بس فى واحدة اشطر شوية من التانية
والأخيرة بنت بسيطة شوية عادية هادئة طيبة ومرحة ومستواها أقل من المتوسط شوية
المهم هى كانت قاعدة فى الفصل جنب البنت زعيمة الشلة وبنت من الاتنين الصحاب والاتنين التانيين فى الفصل التانى
المهم عشان الاختصار انا حسيت مع نفسى كدة أنهم مش بيعاملوها كويس خصوصا البنت رئيسة الشلة والبنت التانية من الثنائى اللى فى الفصل الثانى بس لطرق مختلفة يعنى الاولى عاملة نفسها حلوة وطيبة ولو هى قالت اى حاجة تقلب عليها الترابيزة وكدة وبالنسبة للبنت التانية فكانت بتضايقها بطريقة كلامها نظراتها كدة يعنى
أنا بقى كنت متعودة من زمان شوية من ساعة حتى لما كنت يضايقها وتضايقنى انها لما كانت تتخانق هى وصحبتى اللى قاعدة جنبى فى الديسك بصالحهم واقعد اقنع فيهم وملكوش غير بعض وكلام من دا يعنى لحد بقى فى مرة اتخانقوا فقعدت اسمع الحكاية الصراحة حسيت أن صاحبتى هى اللى غلطانة وقعدت اسمع من التانية اكتر ومش هتتصوروا فتحتلى قلبها وقعدت تقول قد ايه بتضايق من ايه وايه ومين بيعمل ايه وكلام كتير وانا كنت بقول لها معلش خلى عندك ثقة فى نفسك ومش فاكرة قلتلها ايه تاني لكن اكيد كان كلام حلو لانها سمعته بعدها بقينا بنتكلم اكتر وهى بتحكى اكتر وبقينا صحاب جدا يعنى وكان فيه بينا اهتمامات مشتركة اكيد وهل كانت نعمة الصديقة والله لما كنت عاملة عملية فى مرة مش هتتخيلوا انها زارتنى مرتين مرة مع صاحبتى اللى بتقعد جنبى ومرة لوحدها فى حين أن صحبتى دى مجتش غير مرة واحدة رغم أنها بتخرج عادى جدا فى اى وقت وفى اى مكان دا غير أن البنت دى كناةلية فى مرحلة انها يا دوب صاحبة صاحبتى وساعات بنضايق بعض
لكن انا برده عمرى ما نسيت قبلها لما كنت بروح دروس رياضة مختلف عنهم والمدرس مكنش شرحلنا درس وكان هييجى فى الاختبار الشهرى وحرفيا أنا رغم انى بعرف اذاكر لوحدى عارف كنت ضايعة فى الدرس دا ومش قادرة افهموا ومش هقوللكوا أنى قلت الكلمتين دول للكل أنى مش فاهمة الدرس وهييجى فى الاختبار يمكن للفصل كله اصلا وهى الوحيدة برده اللى اهتمت وقالتلى تعالى فهموا لكى ورغم أنها اصلا مش اشطر واحدة فى الفصل ولا أقرب واحدة ليا لكن هى قالتلى الحاجة اللى كانت تائهة منى وفهمت فعلا الدرس وحليت كمان الاختبار كله صح
ومن ساعتها وانا مش ناسياها لها ابدا سواء الموقف دا أو التانى يعنى عارفين الاختبارات اللى الواحد بيبقى عاملها للناس مع نفسوا دول اللى هو كل الاختيارات صح بس فى حاجة معينة لو عملوها هتسعدك اوى وهى هى دايما كنت بتعمل الحاجة دى ولحد دلوقتى الفكرة بقى أنى مش كنت بكلمها هى بس لا انا كنت برد على اى واحدة من صاحباتها ولا غيرهم تضايقها وكنت يوقفهم عند حدهم بطريقة مكنتش اعرف أنى اقدر اعملها وصلت ان فى مرة كان الأستاذ وعقلها ظلم من غير سبب وكانت زعلانة جدا زى اى حد مكانها ولما جت الفسحة نزلت ونزلنا معاها أنا وصحبتى وساعتها بقى انا طلعت قبلهم الفصل لقيت الاتنين صاحبها اللى فى الفصل قاعدين وحواليهم ملموم بقيت الشلة وكدة رحت أنا بقى بكل برود معرفش ايه دا بجد وبإبتسامة وبصيت الاتنين وقلت لهم ايه الندالة دى طبعا مش محتاجة اقوللك انهم اتعفرتوا وخصوصا زعيمة الشلة وقبل ما يتكلموا قاتلهم يعنى مش كفاية سايبينها قاعدة ورا لوحدها كمان لما الاستاذ خرج مفكرتوش حتى تروحوا تشوفوا مالها ولا تطمنوا عليها
وقلت الكلمة ورحت ماشية على طول قبل ما يلحقوا يردوا اصلا المهم انى لما طلعت تانى رحت قلت لزعيمة السلة بينى وبينها انت زعلانة منى قالتلى اه قلتلها اخس عليكى هو احنا فى بينا الكلام دا برده لا متزعليش معرفش ايه بنا دا احنا اصلا ملناش علاقة ببعض وبس كدة يعتبر صالحتها بعد ما حرقت دمها راجعة الديسك لقيت البنت بتقوللى بن انت عملتى ايه مش واثقة فيكى قلتلها ولا اى حاجة هو أنا بعمل حاجة اصلا وبس كدة
تعرفوا انها مسكتتش اقصد زعيمة الشلة جات بعد كام يوم وكانت معاها صاحبتها المقربة جدا ودى واحدة برا الشلة وافتكروها كويس المهم وقفونى فى مرة وقعدت تقنعنى قد ايه البنت هى اللى غلطانة وكدة والحقيقة أنا تقريبا معرفش ايه اللى حصللى قلتلها متحاوليش أنا عمرى ماهقتنع انها غلطانة فولعت اكتر رحت سايباهم تانى وماشية
وبس مش هيتتخيلوا برده أنى عرفت بعدها بأيام كتير انها راحت قالت لشلتها وللبنت دى أنى قلتلها أنى هفرق بينهم ومش نخليهم يتصالحوا وطبعا انا مقلتش كدة وكان عندى دليل وعندى استعداد اسال صحبتها قدام الكل أما قلت ايه وعارفة انها هتقول الصراحة ويمكن دا حصل كدة بارادةربنا أن لما صحبتى سالتنى ايه اللى حصل يومها قلتلها اسالى صحبتها كانت معانا عشان مش فاكرة والحمد لله أنى عملت كدة طبعا
المهم مرت الايام وبقينا احنا الاتنين صحاب جدا حتى لو مكنش دا هدفى فعلا أنا بس مكنش عاجبنى طريقة تعاملهم معاها مش اكتر لكن مكنش قصدى اخدها منهم ولا حتى أحدها من صحبتى بعد كدة لأن احنا بقينا تلاتة لما هى انضمت ليا أنا وصحبتى اللى قاعدة معايا فى الديسك بس بقينا بنتكلم اكتر وعلاقتى بيها بقت ثنائية وعرفت بعد كدة أن هى والبنتين القرائي كانوا فى الاول صحاب اوى وبعدين انضم لهم البنت زعيمة الشلة والطيبة وبدأ يحصل مشاكل وهتافات وكدة وبعد ما بقت هى صحبتى لاحظت أن البنت الزعيمة والبنت اللى كانت معاها اللى هى واحدة من البنتين بقوا قريبين هما كمان وثنائى والتانية والطيبة هما كمان بقوا كدة المهم مش هطول عليكوا اكتر من كدة من كام شهر المشاكل بينى أنا وهى بدأت تزيد اكتر وأعتقد أن القصة دخل فيها ناس تانيين هتضحكوا لو عرفتوا هما مين وبعدها خالص بجد بعدنا مش عارفين ليه وازاى أنا كنت فاكرة أنى بطلت احبها بس عارفين الإجازة دى قبل الإجازة زى ما قلتلكوا دخل ناس فى الحماية واحدة خيبت أنى حبيتها اكتر من صحبتى وواحدة حسيت انى حبيتها زيها لكن لما قعدت فى أسبوع كامل ماكلمش حد فى الإجازة بحد بجد هى الوحيدة اللى وحشتينى وهى اخر حد كنت اتوقع يوحشنى يعنى بعد دا كله البنات دى أنا معنديش اى رغبة اشوفهم ومهما حصل هى فضلت برده اكتر صديقة حقيقية أنا حصلت عليها معرفش دا حصل برده الاجازة اللى فاتت كانت واحشانى كدة وانا اللى عمرى ما حد وحشنى فى الإجازة ابدا سواء قبلها أو بعدها ودا اللى حصل فهل يا ترى أنا كدة كان قصدى أخدها من صحابها وانا وحشة هل انا غلطت فى حقها أنا مش عارفة أنا عملت ليه أو ايه اللى حصل عشان تبعد لكن الأكيد أن مكانتها عندى لسة متغيرتش وحاسة انها كمان بتحبنى ومكانتى عندها متغيرتش
أنا مش عارفة فعلا
أهلاً يا قمر، أول حاجة أحب أقولها لك إن شعورك بالذنب ده دليل على إن قلبك طيب وإنك بتفكري في الآخرين، وده شيء جميل. بس خليني أقولك بصراحة وبكل حنان: لا، أنتِ مش "أخدتي" صاحبتك من صحابها ولا بوظتي صداقتهم. اللي حصل كان نتيجة طبيعية لطريقة تعاملهم معاها، وأنتِ بس كنتِ الشخص اللي وقف جنبها لما حسيتي إنها بتتعرض لظلم. من اللي حكيتيه، واضح إن البنت دي كانت بتتعامل بطريقة سلبية من بعض أفراد الشلة (الزعيمة والتانية)، وأنتِ ما كنتيش قاصدة "تفصليها"، كنتِ بس بتدافعي عنها وبتديها الدعم اللي كانت محتاجاه. الصداقات بتتغير وبتتطور حسب المعاملة والاهتمام المشترك، وده مش ذنبك. اللي حصل بعد كده من إنها قربت منك أكتر، ده لأنك كنتِ صادقة ومهتمة، مش لأنك "سرقتيها". أما الشائعات اللي انتشرت عنك، فدي مجرد محاولة من البعض عشان يبرروا موقفهم، وأنتِ عملتِ الصح لما ما ردتيش عليها وخليتي الحقيقة تبان. لو حاسة إن فيه أي توتر أو سوء فهم، ممكن تتكلمي معاها بهدوء وتسأليها عن شعورها تجاه الموضوع كله، بس بدون ما تلومي نفسك. الصداقة الحقيقية بتبقى لما الطرفين يحترموا بعض ويسيبوا المجال للآخر يختار. أنتِ عملتِ اللي يرضي ضميرك، وده أهم حاجة. لو عايزة تتكلمي أكتر عن الموضوع أو تحكي تفاصيل إضافية، أنا هنا أسمعك وأساعدك تفكري فيه بهدوء. ولو حابة تشوفي آراء تانية، جربي تبحثي عن أسئلة مشابهة على فدني. أنتِ قوية وبتتعلمي من كل موقف، وده يخليكِ أفضل. ❤️
تم النشر الثلاثاء، ٢٣ يونيو ٢٠٢٦
لعرض السؤال في فدني اضغط هنا