اهلا قبل اى حاجة اعذرونى لو كان الكلام كتير شوية أو اوى بس انا فعلا كنت محتاجة اسمع آراء بجد أنا قلت قبل كدة أن أنا لما قررت ابعد خطوة عن صحبتى دى وقتها كان عندى صديقة اقدر اقول عليها صديقتى المقربة ولكن هى برده زيها زى صحبتى الاولى أنا تقريبا عرفتهم فى نفس الوقت وكنت صاحبة الاتنين عادى ومكنتش فى اى مشكلة فى دا المهم ان البنت دى بقى كانت حكايتها حكاية بجد هى كانت صاحبة واحدة صحبتى اللى هى صحبتى اللى بتقعد جنبى فى الديسك المهم أن صحبتى دى كانت لتبدل معاها عشان تقعد جنبى فى الديسك على أساس هى هتضايقنى وكدة ولو أنا باردة هى مش عارفة هتعمل ايه 😂 المهم انا لفترة كدة خدت الموضوع بشكل تحدى وبدل ما هى اللى كانت عايزة تضايقنى الحقيقة أنا اللى كنت مطلعة عينها يعنى ساعات ببقى رزلة شوية مستفزة حبتين باردة كتير لما بعوز يعنى واقوللكوا حاجة هى استسلمت فى الاخر يا عينى والله بس انا بعد شوية على فكرة مش كتير يعنى سيت شغل الاطفال دا وكان عندى فضول تجاهها أنا عارفاها من زمان شكلا بس عمرى ما اتعاملت معاها وعلى فكرة كان انطباعا الاول عنها انها لطيفة بعد كدة بقيت بشوف هى بتعمل ايه بتكلم مين حياتها عاملة ازاى يعنى انا كنت عارفة كل صحابها تقريبا هى كانت مصاحبة أربعة يعنى وشلة وكدة غير صحبتى اللى بتقعد جنبى طبعا واحدة من صحابها كانت هى زى ما تقولوا كدة اشهر بنت فى الفصل انها أبلة ومعظم قرايبها مدرسين والسلطة والنفوذ وكدة يعنى غير أن اصلا معظم البنات فى الفصل صحابها وبيحبوها جدا لكن انا لا يعنى بحكم أنى مكنتش يختلط بحد اصلا مختلطتش بيها كتير وطبيعة كانت تبقى هى زعيمة الشلة الاتنين التانيين من الشلة ودول قرايب اصلا وانا عارفة هم من الحضانة هما كانوا صحاب جدا جدا متشوفش واحدة من غير التانية والاتنين شاطرين بس فى واحدة اشطر شوية من التانية والأخيرة بنت بسيطة شوية عادية هادئة طيبة ومرحة ومستواها أقل من المتوسط شوية المهم هى كانت قاعدة فى الفصل جنب البنت زعيمة الشلة وبنت من الاتنين الصحاب والاتنين التانيين فى الفصل التانى المهم عشان الاختصار انا حسيت مع نفسى كدة أنهم مش بيعاملوها كويس خصوصا البنت رئيسة الشلة والبنت التانية من الثنائى اللى فى الفصل الثانى بس لطرق مختلفة يعنى الاولى عاملة نفسها حلوة وطيبة ولو هى قالت اى حاجة تقلب عليها الترابيزة وكدة وبالنسبة للبنت التانية فكانت بتضايقها بطريقة كلامها نظراتها كدة يعنى أنا بقى كنت متعودة من زمان شوية من ساعة حتى لما كنت يضايقها وتضايقنى انها لما كانت تتخانق هى وصحبتى اللى قاعدة جنبى فى الديسك بصالحهم واقعد اقنع فيهم وملكوش غير بعض وكلام من دا يعنى لحد بقى فى مرة اتخانقوا فقعدت اسمع الحكاية الصراحة حسيت أن صاحبتى هى اللى غلطانة وقعدت اسمع من التانية اكتر ومش هتتصوروا فتحتلى قلبها وقعدت تقول قد ايه بتضايق من ايه وايه ومين بيعمل ايه وكلام كتير وانا كنت بقول لها معلش خلى عندك ثقة فى نفسك ومش فاكرة قلتلها ايه تاني لكن اكيد كان كلام حلو لانها سمعته بعدها بقينا بنتكلم اكتر وهى بتحكى اكتر وبقينا صحاب جدا يعنى وكان فيه بينا اهتمامات مشتركة اكيد وهل كانت نعمة الصديقة والله لما كنت عاملة عملية فى مرة مش هتتخيلوا انها زارتنى مرتين مرة مع صاحبتى اللى بتقعد جنبى ومرة لوحدها فى حين أن صحبتى دى مجتش غير مرة واحدة رغم أنها بتخرج عادى جدا فى اى وقت وفى اى مكان دا غير أن البنت دى كناةلية فى مرحلة انها يا دوب صاحبة صاحبتى وساعات بنضايق بعض لكن انا برده عمرى ما نسيت قبلها لما كنت بروح دروس رياضة مختلف عنهم والمدرس مكنش شرحلنا درس وكان هييجى فى الاختبار الشهرى وحرفيا أنا رغم انى بعرف اذاكر لوحدى عارف كنت ضايعة فى الدرس دا ومش قادرة افهموا ومش هقوللكوا أنى قلت الكلمتين دول للكل أنى مش فاهمة الدرس وهييجى فى الاختبار يمكن للفصل كله اصلا وهى الوحيدة برده اللى اهتمت وقالتلى تعالى فهموا لكى ورغم أنها اصلا مش اشطر واحدة فى الفصل ولا أقرب واحدة ليا لكن هى قالتلى الحاجة اللى كانت تائهة منى وفهمت فعلا الدرس وحليت كمان الاختبار كله صح ومن ساعتها وانا مش ناسياها لها ابدا سواء الموقف دا أو التانى يعنى عارفين الاختبارات اللى الواحد بيبقى عاملها للناس مع نفسوا دول اللى هو كل الاختيارات صح بس فى حاجة معينة لو عملوها هتسعدك اوى وهى هى دايما كنت بتعمل الحاجة دى ولحد دلوقتى الفكرة بقى أنى مش كنت بكلمها هى بس لا انا كنت برد على اى واحدة من صاحباتها ولا غيرهم تضايقها وكنت يوقفهم عند حدهم بطريقة مكنتش اعرف أنى اقدر اعملها وصلت ان فى مرة كان الأستاذ وعقلها ظلم من غير سبب وكانت زعلانة جدا زى اى حد مكانها ولما جت الفسحة نزلت ونزلنا معاها أنا وصحبتى وساعتها بقى انا طلعت قبلهم الفصل لقيت الاتنين صاحبها اللى فى الفصل قاعدين وحواليهم ملموم بقيت الشلة وكدة رحت أنا بقى بكل برود معرفش ايه دا بجد وبإبتسامة وبصيت الاتنين وقلت لهم ايه الندالة دى طبعا مش محتاجة اقوللك انهم اتعفرتوا وخصوصا زعيمة الشلة وقبل ما يتكلموا قاتلهم يعنى مش كفاية سايبينها قاعدة ورا لوحدها كمان لما الاستاذ خرج مفكرتوش حتى تروحوا تشوفوا مالها ولا تطمنوا عليها وقلت الكلمة ورحت ماشية على طول قبل ما يلحقوا يردوا اصلا المهم انى لما طلعت تانى رحت قلت لزعيمة السلة بينى وبينها انت زعلانة منى قالتلى اه قلتلها اخس عليكى هو احنا فى بينا الكلام دا برده لا متزعليش معرفش ايه بنا دا احنا اصلا ملناش علاقة ببعض وبس كدة يعتبر صالحتها بعد ما حرقت دمها راجعة الديسك لقيت البنت بتقوللى بن انت عملتى ايه مش واثقة فيكى قلتلها ولا اى حاجة هو أنا بعمل حاجة اصلا وبس كدة تعرفوا انها مسكتتش اقصد زعيمة الشلة جات بعد كام يوم وكانت معاها صاحبتها المقربة جدا ودى واحدة برا الشلة وافتكروها كويس المهم وقفونى فى مرة وقعدت تقنعنى قد ايه البنت هى اللى غلطانة وكدة والحقيقة أنا تقريبا معرفش ايه اللى حصللى قلتلها متحاوليش أنا عمرى ماهقتنع انها غلطانة فولعت اكتر رحت سايباهم تانى وماشية وبس مش هيتتخيلوا برده أنى عرفت بعدها بأيام كتير انها راحت قالت لشلتها وللبنت دى أنى قلتلها أنى هفرق بينهم ومش نخليهم يتصالحوا وطبعا انا مقلتش كدة وكان عندى دليل وعندى استعداد اسال صحبتها قدام الكل أما قلت ايه وعارفة انها هتقول الصراحة ويمكن دا حصل كدة بارادةربنا أن لما صحبتى سالتنى ايه اللى حصل يومها قلتلها اسالى صحبتها كانت معانا عشان مش فاكرة والحمد لله أنى عملت كدة طبعا المهم مرت الايام وبقينا احنا الاتنين صحاب جدا حتى لو مكنش دا هدفى فعلا أنا بس مكنش عاجبنى طريقة تعاملهم معاها مش اكتر لكن مكنش قصدى اخدها منهم ولا حتى أحدها من صحبتى بعد كدة لأن احنا بقينا تلاتة لما هى انضمت ليا أنا وصحبتى اللى قاعدة معايا فى الديسك بس بقينا بنتكلم اكتر وعلاقتى بيها بقت ثنائية وعرفت بعد كدة أن هى والبنتين القرائي كانوا فى الاول صحاب اوى وبعدين انضم لهم البنت زعيمة الشلة والطيبة وبدأ يحصل مشاكل وهتافات وكدة وبعد ما بقت هى صحبتى لاحظت أن البنت الزعيمة والبنت اللى كانت معاها اللى هى واحدة من البنتين بقوا قريبين هما كمان وثنائى والتانية والطيبة هما كمان بقوا كدة المهم مش هطول عليكوا اكتر من كدة من كام شهر المشاكل بينى أنا وهى بدأت تزيد اكتر وأعتقد أن القصة دخل فيها ناس تانيين هتضحكوا لو عرفتوا هما مين وبعدها خالص بجد بعدنا مش عارفين ليه وازاى أنا كنت فاكرة أنى بطلت احبها بس عارفين الإجازة دى قبل الإجازة زى ما قلتلكوا دخل ناس فى الحماية واحدة خيبت أنى حبيتها اكتر من صحبتى وواحدة حسيت انى حبيتها زيها لكن لما قعدت فى أسبوع كامل ماكلمش حد فى الإجازة بحد بجد هى الوحيدة اللى وحشتينى وهى اخر حد كنت اتوقع يوحشنى يعنى بعد دا كله البنات دى أنا معنديش اى رغبة اشوفهم ومهما حصل هى فضلت برده اكتر صديقة حقيقية أنا حصلت عليها معرفش دا حصل برده الاجازة اللى فاتت كانت واحشانى كدة وانا اللى عمرى ما حد وحشنى فى الإجازة ابدا سواء قبلها أو بعدها ودا اللى حصل فهل يا ترى أنا كدة كان قصدى أخدها من صحابها وانا وحشة هل انا غلطت فى حقها أنا مش عارفة أنا عملت ليه أو ايه اللى حصل عشان تبعد لكن الأكيد أن مكانتها عندى لسة متغيرتش وحاسة انها كمان بتحبنى ومكانتى عندها متغيرتش أنا مش عارفة فعلا
تم النشر الثلاثاء، ٢٣ يونيو ٢٠٢٦
سلام عليكم أنا معنديش مشكلة حقيقية لكن هى حاجة حصلت معايا ومحتاجة أو عايزة بس احكيها ع مش عارفة ابدا منين لكن انا فقدت كل اصدقائى فجأة وانا حرفيا معرفش ايه السبب أو يمكن حابة اعرف وحابة لا وقبل كل حاجة عايزة اقوللكوا أنى قبل كدة عمر ما كان عندى صحاب وكل علاقاتى كانت فى اخر سنة أو اتنين بس مثلا صاحبت واحدة وكنا سمنة على عسل يعنى هوايتها زى بعض ومتفقين وشاطرين زى بعض وفيه كمياء يعنى زى ما بيقولوا بس الحقيقة أنا اللى بعده عنها يمكن فى لدا اسباب مختلفة زى انها مثلا كان لازم أنا اللى اكلمها وافتح الكلام دائما خصوصا على الواتس عشان كدة لما أنا بطلت ابعت العلاقة وقفت وزى انها حسيت انها دلوعة وتصرفاتها معحبتنيش زى انها ساعات بتغش وكدة تصرفات طايشة يعنى الحقيقة محستش أنى قادرة أنى اجارى النوع دا من الصداقات دا غير أنها عملت موقف أعتقد أنه كان فيصلى بالنسبالي وللاختصار لما احتجت مساعدة حتى لو كانت بسيطة جدا هى كانت هناك بتضحك زيها زى اى حد عادى عشان كدة فكرت انها كان لازم تبقى زى اى حد فعلا ويمكن برده من الأسباب أنى ساعتها كان عندى شخص اقول عليه صديقتى المقربة بجد بس دا مكانش سبب هو يمكن بس شجعنى أنى اخد الخطوة دى وادفن الصداقة اللى ملحقتش تتكون اصلا لكن مكنتش خطوة صعبة على ما اظن لانى بس بطلت ابادر لمدة وهى كانت كويسة يعنى وعملت احلى صحاب وشلل وكل الحاجات اللى انا عمرى ما كنت هقدر أقدمها لا والحقيقة أنا مش عارفة أنا ندمانة ولا لا لكن اعتقد لا ومش كارهاها دلوقتى ولا بحبها لكن ممتنة للذكريات السعيدة معاها
تم النشر الثلاثاء، ٢٣ يونيو ٢٠٢٦
انا لسة مخلصة تالتة اعدادى والحقيقة جبت مجموع مش عارفة كويس او لا هو ٢٧٠ يعنى حوالى ٩٦% المشكلة دلوقتى انى محتارة ادخل ثانوى عام ولا تمريض مش عارفة اصلا احدد على اى اساس انا بحب كل المواد عموما جدا وخصوصا الرياضة والعلوم والاانجليزى والنحو وحاسة انى معنديش مشكلة فى حاجة معينة والحقيقة التمريض مغرى شوية وعاجبنى عادى بس حلسة انى مش لاقية حاجة اختار على اساسها انا عايزة ايه وياريت اى حد عنده رأى يقوله لانى حاسة ان المشكلة أن محتاجة اسمع وجهات نظر مختلفة واتناقش فى الموضوع اكتر
تم النشر الاثنين، ٢٢ يونيو ٢٠٢٦
انت بس محتاجة تهدى وكل حاجة بايد ربنا وأيا كان اللى هتجيبيه هو نصيبك ارضى بنصيبك بس اللى انت لسة متعرفهوش وكل حاجة ربنا يعملهالك هتبقى خير ومتحاوليش تعملى حاجة دلوقتى خدى وقت راحة زى ما قلتى واقعدى بس متفكريش فى حاجة ولا تعملى حاجة وحاولى بس تهدى وتقربى من ربنا واللى من نصيبك هتاخديه واتعاملى معاها انها سنة عادية خالص لانها كدة فعلا وفى نفس الوقت حاولى تقننى وقت الراحة بحيث انك يوم كذا هتبداى الجد وشوفى لو فيه مشكلة غير الضغط والتوتر حاولى تحليها
تم النشر الأحد، ١٩ يوليو ٢٠٢٦
بص انت اكتر واحد هتعرف عل هو يستاهل فعلا لو يستاهل وفى نفس الوقت الغلط اللى عمله انت تقدر تسامحه عليه ارجع كلمه عادي كأن محصلش حاجة وشوف ايه اللى هيحصل لو مش هقدر تسامحه بلاش لكن لان انتوا مع بعض كل السنين دى انت هتعرف أن كان فعلا وجوده فارق بالايجاب ولا لا
تم النشر الثلاثاء، ٢٣ يونيو ٢٠٢٦
أعتقد أن دى حالة مؤقتة وانت فعلا اتصرفت صح لان مش بس اهلوا اللى هيبصولك كدة لكن هو كمان ان مكانش بيبصلك كدة دلوقتى فعلا وعشان كدة بيماطل انت بس محتاجة توقفى تفكير فيه شوية اشغلى بالك ووقتك باى حاجة ابعدى عن الحاجات اللى بتفكرك بيه على الأقل دلوقتى وخلى كرامتك فوق كل شيئ وان شاء الله تنسيه وتكملى حياتك وطبعا انت ادرى بنفسك وبيه
تم النشر الثلاثاء، ٢٣ يونيو ٢٠٢٦
هى الكورسات دى ضرورية اوى ؟
تم النشر الأحد، ١٩ يوليو ٢٠٢٦
ممكن تقوليلى عملتى ايه لو حد مكانك تنصحيه يعمل ايه ومن تجربتك تعتقد لو اخدت التلات سنين يوتيوب من غير اى منصة أو سنتر هل الحكاية هتبقى سهلة ولا المستوى هيختلف انا لسة مبداتش ولا جربت سنتر ولا يوتيوب لكن مش حابة فكرة السنتر ابدا ولا حاسة انى هبقى مرتاحة فيه وحاسة انى عندى استعداد اذاكر لوحدى بس مترددة شوية
تم النشر الاثنين، ٦ يوليو ٢٠٢٦
ماشى شكرا حاسة أن كلامك فرق معايا فعلا
تم النشر الأربعاء، ٢٤ يونيو ٢٠٢٦
ربنا معاكى بس عارفة اللى مطمنى اكتر أن حتى لو اهبل سايبنلى اختيار فهما مشجعين التمريض عادى وعلى فكرة احنا برده عايشين فى الأرياف
تم النشر الأربعاء، ٢٤ يونيو ٢٠٢٦
ماشى هعمل كدة بس انا فعلا من الاول وانا مش طموحى طب يعنى اعتقد انى حتى لو دخلت ثانوى وجبت مجموع طب مش هبقى حابة ادخله بس ماش. على استخاىة واشوف
تم النشر الأربعاء، ٢٤ يونيو ٢٠٢٦
احنا ممكن بعد المعهد ندخل كلية تمريض عادى دا غير أن بنظام البكالوريا الحديد وكمان المواد الصعبة وارتفاع درجات التمريض حتى كلية تمريض مش مضمونة
تم النشر الأربعاء، ٢٤ يونيو ٢٠٢٦
على فكرة انا برده بحب اللغة العربية جدا وفكرت كتير أنى ادرسها بس المشكلة انى بحب الرياضة والانجليزي والعلوم وشاطرة فيهم فحسيت أنى كدة بهدر امكانياتى أو حاجة زى كدة
تم النشر الأربعاء، ٢٤ يونيو ٢٠٢٦
انك مش عارفة تقررى على أساس ايه دى مشكلتى بجد
تم النشر الأربعاء، ٢٤ يونيو ٢٠٢٦
معتقدش أن دى صفات حد محترم ابدا
تم النشر الثلاثاء، ٢٣ يونيو ٢٠٢٦
شكرا إجابتك عجبتنى جدا ❤️
تم النشر الثلاثاء، ٢٣ يونيو ٢٠٢٦
شكرا جدا على النصيحة واكيد هفكر فيها كويس برده
تم النشر الاثنين، ٢٢ يونيو ٢٠٢٦
مش عايزة يبان أنى يعاند وخلاص لكن دلوقتى لو خلصت التمريض اقدر ادخل بعدها كلية تمريض عادى ويبقى زيى زى اللى داخل تمريض من ثانوى بل أن فيه ناس ممتازة اعرفها كانت عايزة ادخل تمريض ومحموعها محابش فى ثانوى مش عارفة حاسة أن حكاية دا طموحى ولا لا مبقتش مقياس لان كل حاجة عاجبانى عادى بس برضه أنا مش عارفة أنا مش من الناس اللى بتحب الفلوس اوى بس عارفة انها اكيد مهمة وهى متوفرة كويس فى التمريض غير أن حالتنا المادية مش احسن حاجة يعنى مش هتستحمل اوى الثانوى ودروسه وكدة
تم النشر الاثنين، ٢٢ يونيو ٢٠٢٦
المشكلة أن عيوب الثانوى كثير زى ان مثلا مصاريفها كبيرة ودى حاجة حتى لو تغاضينا عنها بتظل عقبة وكمان انت مش عارف ومش ضامن أن كنت هتقدر تدخل الكلية اللى انت عايزها ولا لا بعد كل التعب والوقت والمجهود والفلوس فى حين انى مش حاسة أن عيوب التمريض كبيرة أو يمكن أنا مش شايفاها كويس
تم النشر الاثنين، ٢٢ يونيو ٢٠٢٦
لعرض الملف الشخصي في فدني اضغط هنا